本帖最後由 GP01-Fb 於 2018-11-30 21:51 編輯
希望大家唔好介意我又講下理論。
我自己係咁理解嘅。如果大乾大濕即係淋花要淋透, 然後乾透先至再淋, 情況大概好似下面咁。
點解唔可以長期濕住?係因為根要抖氣, 一般水份多, 含氧量就低。 長期濕住,根會因為窒息而爛根, 其實同所有植物一樣, 只係蘭根因為係氣生根所以更需要空氣流通。
大乾大濕做到乾濕循環係保險嘅做法, 但我覺得太乾或太濕都不是蘭根最喜歡的狀態,尤其是在炎熱的生長期。
自己認為對粗生洋蘭來說,最好的情況應是半濕同時間通氣。 好似蘭場用水苔種花,蘭場濕度高但通風 ,水苔長期保持在半濕狀態, 有利生長。
而我們也可以調整種植方法做到以下的情況來避免太乾或太濕。
如盡量用細盆、水苔壓實啲、加發泡膠或用粗料, 就係未免太濕的方法,由本來圖表中的7移到5。
而乾到大概八成就淋花,就可以由本來的0移到2。
不知有沒有說錯,請大家指教。
|