本帖最後由 Jesation 於 2011-1-28 10:21 編輯
寫在前頭:
新手想知我响淘宝邊度訂貨唔該睇呢度最底。
點用淘宝可以睇呢度。
冇曬d相?!好在自己有host好o即。
嚴格嚟講,係唔見花o既……( 野花除外) 早前白蘭同苿莉都開完謝埋lu。
呢邊係發展商整好咗o既,好想郁佢但又太浪費喇。
左起羅漢松 (原有),白蘭 (花墟),之前未有花,返嚟開咗一朵,節瓜 (種子同eddieor買),向日葵(種子同eddieor買,之後d種子冇特別注明都係同佢買),好似係龍柏(原有),好似有病,但仲未諗點搞佢,又唔知點解有少少想佢屎咗就多個位心態。
全部泥冇郁過,亂咁種的節瓜同向日葵,應該差唔多有一個月o卦。
就因為d泥冇搞過,左邊d羅白苗半死不活,右邊係苿莉from花墟,返嚟時好多花,好快謝咗。
前年買落o既日本海棠,當時冇葉谷晒花出嚟,一個冬天凍死晒,慢慢先長返少少葉,好粗生。
向上水廣場對面停車場買入o既荔枝,話係糯米滋兼有果o既,但一返到嚟俾我曬同乾到佢甩晒d葉,而家開始出返d。家陣早晚淋水。
左起檸檬薄荷,好粗生,中間小麥草(貓草),買時有人話好易發霉,我諗我度全日照,所以冇事,但唔多覺佢有長大,右邊薰衣草,又係種得麻麻o地。all from 花墟。
呢d好似係洋蔥,不過d泥唔掂,我估佢都係會失敗。
左邊係怕醜草 (野生), 好玩,中間又係lemon balm, 檸檬香蜂草,我開頭唔知檸檬薄荷係同一樣o野,所以又買咗種子,而家有100+ 苗仔,由佢爆盤算。右邊應該係茄子,好多地圖蟲,但d苗咁細,mung 好唔mung 好,苦惱中~
成盤蕃茄,又係地圖蟲...... 如果唔理佢係咪會食晒成棵植物呢?
希望遲d會有多d花果~ |