有關買村屋的問題

因為鐘意種花, 一直都有留意開樓價
但由好多地方唔明, 所以想請教一下各位

買村屋要注意d咩?
是不是買了就永久的? 我聽人講話咩50年要續一次, 又要有d咩地契....咁即係點?

有沒有過來人可以講下成個程序係點?

我家姐嫁咗西貢原居民，只聽見佢地搵發展商起咗樓，自己住番一層，其它就俾發展商出售。
無聽過地契之類的事喎！

住村屋..仲要花園有理大草地...會好開心架!!!!
可惜我家花園....唉add5icon

朋友話住村屋有蛇...而且好多人家門口會放流黃..
養小狗就一定要小心d add12icon

我家姐嫁咗西貢原居民，只聽見佢地搵發展商起咗樓，自己住番一層，其它就俾發展商出售。
無聽過地契之類的事喎！
八王爺 發表於 2009-8-17 12:24

咁其他人買的時候沒有地契?? (原居民果d 好似有丁契定唔知咩)
咁會唔會好冇保障呢? 如果日後有地產/其他發展商話收咁點算?
咁冇理由買左成百萬既樓賠返十幾廿萬架??

住村屋..仲要花園有理大草地...會好開心架!!!!
可惜我家花園....唉add5icon

朋友話住村屋有蛇...而且好多人家門口會放流黃..
養小狗就一定要小心d add12icon ...
gege188 發表於 2009-8-17 13:26

蛇我又唔係好驚呀, 將來搬出去住未必會養狗
因為太忙了, 冇時候理佢, 成日得佢自己(狗)係屋企會好慘(自己都唔安樂), 所以唔會養狗

見到有d村屋好靚又有天台, 所以很心動

唔.... 如果講住，各層有各層的優點同缺點。

1. 頂樓 - 有天台，但熱，少啲蛇虫鼠蟻。
2. 中間層 - 只有露台，沒有花園，也沒有天台。但最好住。
3. 地下 - 有花園，但真的很多虫蟻，若地勢低還會水浸！

如果賣家係有丁權, 咁妳買的話就要補地價, 簡單而言, 因為丁係有特別優惠以較平價擁有該物業, 而其他人是沒有這優惠的, 所以要補地價

但係而家好多村屋都有發展商去起, 佢地一早已買斷了丁權, 所以唔洗補地價

最好妳買之前問吓地產

另外如果要同銀行借錢的話, 該物業唔可以有潛建物, 否則銀行唔會做Mortgage, 落訂前一定一定要搞清楚!!

唔.... 如果講住，各層有各層的優點同缺點。

1. 頂樓 - 有天台，但熱，少啲蛇虫鼠蟻。
2. 中間層 - 只有露台，沒有花園，也沒有天台。但最好住。
3. 地下 - 有花園，但真的很多虫蟻，若地勢低還會水浸！ ...
八王爺 發表於 2009-8-17 14:42

頂樓仲有漏水的問題.同埋唔好買孖屋.隔離天台防水做得唔好,會滲過黎.一般人為左免責,實話唔關佢事.但您係您自己間屋做乜又都解決唔到.睇住自己間屋被滲水為禍,好心痛.

如果賣家係有丁權, 咁妳買的話就要補地價, 簡單而言, 因為丁係有特別優惠以較平價擁有該物業, 而其他人是沒有這優惠的, 所以要補地價

但係而家好多村屋都有發展商去起, 佢地一早已買斷了丁權, 所以唔洗補地價

最好 ...
Dennis 發表於 2009-8-17 15:10

如果您有意思想買,問地產攞floor plan,影相,俾銀行估價,查冊,將資料俾律師幫您睇,計晒數ok先至同對方講您想買.唔好咁快俾訂.我買時銀行派人實地考察,當時天台都有間玻璃屋(movable,上手業主種蘭花),但銀行無因為咁唔做mortgage.我諗視乎個別個案啦.不過息率會高d,當時普遍私樓做p-2.5,銀行offer 我p-2.4.

如果買地下連花園,要問清楚是否入契,我聽過的個案係地產話有花園可泊車,點知冇耐個花園俾人起樓,原來個花園唔入契.個事主都好慘,冇左個花園,前面仲有幢樓阻住景觀.

如果買地下連花園,要問清楚是否入契,我聽過的個案係地產話有花園可泊車,點知冇耐個花園俾人起樓,原來個花園唔入契.個事主都好慘,冇左個花園,前面仲有幢樓阻住景觀.

如果你要做按揭的話，最多只可借七成，除非係發展商自已做按揭，就可以做九成。一般村屋如果樓齡去到20年的話，好多銀行都唔做，未到20年的話二線銀行好多都做，如果村屋係有管理嘅又會容易d。我發覺如果你自已揾銀行的話，好多時估值會唔到價，但你如果經地產攪，一般都可以到價，利率大概係p-2.4至p-2.8左右。你最緊要留意你要買的村屋有冇三張豁免證明書(建築工程、平整工程及渠務工程豁免證明書)，亦稱為3C紙，缺一都唔好買!如有其他問題可以再問!

八王爺
完全冇諗過會水浸既問題, 我就想買天台

Dennis
原來丁權係咁解, 咁有玻璃屋係唔係冇咁易Mortgage???佢會唔會叫你拆玻璃屋架?
Kiann
謝謝你的意見, 咁間屋唔係會有地契? 如果有花園, 就張契會講埋有?

mandm
按揭方面就不算太擔心,
我最擔心係契既問題, 會唔會左之後, 突然有人話拆, 咁我d 錢咪凍過水.....

八王爺
完全冇諗過會水浸既問題, 我就想買天台

Dennis
原來丁權係咁解, 咁有玻璃屋係唔係冇咁易Mortgage???佢會唔會叫你拆玻璃屋架?
Kiann
謝謝你的意見, 咁間屋唔係會有地契? 如果有花園, 就張契會講埋有?

mandm
...
irishuen 發表於 2009-8-17 17:01

我2年前買嘅時候, 好多銀行都唔做, 得中銀同大新比我選擇, 2間銀行都要搵公正行驗樓, 我當時真係唔敢買有玻璃屋, 同埋我睇樓時問D業主, 佢地個個都收到屋宇處D信, 即係話就算唔洗拆, 田土廳都已經有Record, 如果間玻璃屋有咩事, 包括第三者責任, 業主要負全責, 所以銀行批唔批真係好難講

我買嗰間係冇人住過, 所以比較易批, 驗樓費都係由銀行自己比

三樓連天台唔漏水就幾好, 不過都好熱, 係超熱! 同埋買傢俬好煩, 一定要比搬運費, 我自己買7包英泥搬上樓, 真係腳都震埋!

我2年前買嘅時候, 好多銀行都唔做, 得中銀同大新比我選擇, 2間銀行都要搵公正行驗樓, 我當時真係唔敢買有玻璃屋, 同埋我睇樓時問D業主, 佢地個個都收到屋宇處D信, 即係話就算唔洗拆, 田土廳都已經有Record, 如果間玻璃屋有咩事, 包括第三者責任, 業主要負全責, 所以銀行批唔批真係好難講

我買嗰間係冇人住過, 所以比較易批, 驗樓費都係由銀行自己比

三樓連天台唔漏水就幾好, 不過都好熱, 係超熱! 同埋買傢俬好煩, 一定要比搬運費, 我自己買7包英泥搬上樓, 真係腳都震埋!Dennis 發表於 2009-8-17 17:26

我有幾個朋友都係住三樓連天台, 間間都超熱, 冷氣費好甘~

仲要搞清楚返屋企條路係政府路定私人路,萬一係私人路,人地有權唔比路你行返屋企~
而且如果係私人路(其他人擁有),我問過匯豐,佢地話唔會按,因為驚消防車入唔到去~

我都喺住村屋,住3樓連天台,都唔喺熱得咁緊要~ 冷氣費都係千多元嘟(3台冷氣)
不過,天台好多都會有漏水問題
還有,村屋好難賣噃出去,我有個朋友間村屋放咗盤5年~現時還住緊

Dennis
聽你咁講搬都搬得幾係野.....

jellyfishy
如果天台有玻璃屋, 再加d隔熱野應該冇咁熱架?

ChrisTsui
唔會連路都冇得行架, 謝謝你的意見

BOBO
冷氣費還可接受, 最擔心是賣唔賣到出去

------------------------------------------------
宜家我住緊樓, 其實間屋係好好住, 風涼水冷, 景觀又好
但衰就衰在每日都要行大斜坡!!! 我又好想有天台/花園
所以就留意住先, 搞清楚邊樣打邊樣, 買樓喎, 唔係買菜
多謝各位的意見~

我都係想問一下, 買左村屋既大人,
買左樓應該會有d 咩係手? (only 屋契?)

屋契.... 要供樓喎, 乜都係銀行度, 除左間屋條大門key, 乜都無~

水母您真係攪野.
供樓的期數 + 您自己的年齡, 不可以超過55
買三樓搬傢俬可以係問題,又可以唔係.好視乎間商舖.我買電器,雪柜,洗衣機等共五件,只收我200上樓費,IKEA唔收上樓費.但係土瓜灣D加俬傢舖,續件計,每件收$50,床頭柜細細件都收$50,加加埋成四五百蚊.套SOFA本來話唔收.但送貨個師父咋形,話轉唔到上樓梯(其實1/F個業主好好人,己經開門俾我地偷位,但D搬運工人係都要話唔夠位),要係露台吊上去,臨時加200.
如果您天台個地台未做過防水,可以一次過做埋隔熱.我好好彩,上手業主自己本身係做裝修,佢全部做晒,所以我間屋唔漏水又唔係太熱,放工上天台淋下花兼酒下水咁,夜晚開三個鐘冷氣就OK.如果您話整間玻璃屋,都隔到下架.不過我間屋係孖屋,隔離天台漏水,滲到過黎.話佢又唔認.所以我提您千祈唔好買孖屋.
屋宇署都係紙老虎,我附近好多家都裝左玻璃屋,有D仲整埋個廁所,攞埋床,直頭好似加多層咁,好誇張.但咁耐都唔見佢俾人charge喎.
我未買過地下,不過我買天台,查冊時寫明係2/F & ROOF,即係張契包天台.(我之前係好straight forward認為2/F實包Roof,估唔到佢地會咁寫)我都聽過有人買村屋冇天台,不過間村屋應該平房,本身無天台.所以我想像買地下,如果有花園或車位,張契應該寫G/F & XXX SQ FT GARDEN / CAR PARK咁卦.
反正您睇樓唔止睇一間,even您講明要買天台,D地產都會帶您睇埋D地下單位.您問下佢地無妨架.不過千祈唔好信到十足.問律師最好.我查冊時,都有寫撻地係193X年,50年期,當時我好驚,但律師話係咁架.全部都到期架啦!宜家俾差餉裏面您地咪俾緊地租囉!大概係這樣吧!我都唔係十分了解.但我睇過幾個單位,個個單位我都要地產俾查冊我睇,咁事實張張的年期都係咸豐年.
仲有D地產會先帶您睇D比較差的,等您睇到有D煩,就會帶您去D好好的,您心理上會好鐘意個單位,咁就中計喇!