本帖最後由 hellokitty_971 於 2009-7-7 15:59 編輯
前幾天, 因為俾人嘈醒, 朝早09:30 已經去到街市買餸,
著住件 T 裇, 牛仔短褲, 加環保袋一個, 去到街市旁邊有涼茶鋪,
我第一時間入去涼下冷氣, 嘆番個龜玲膏先
...........
食到一半有個四眼既啊姐, 好興奮咁走入涼茶鋪, 好大聲咁同涼茶鋪入面既啊姐講....
四眼姐: 嘩....出面果D野企晒係樓梯底...
涼茶鋪啊姐: 大把啦....成日都有架啦.....
四眼姐: D 啊叔行過對住佢地吹口哨, 果D野仲 笑騎騎喎.....
涼茶鋪啊姐: 係呀...不嬲都有架啦...
四眼姐: 佢地好後生,有D 廿幾歲咋喎........... (仲打眼色俾涼茶鋪啊姐)
之後3 個涼茶鋪啊姐, 竟然 擰轉頭望住我
, 我即刻掘住四眼姐, 四眼姐即刻唔出聲扮睇我唔到
離開涼茶鋪, 我走左去行十蚊店睇花盆, 因為花盆係最尾果行又無咩人, 有個啊佰由頭望到我落腳,
啊伯每望我一次, 就行近我一步, 行到好近我既時候, 仲想開口同我講野......
我終於忍唔住扯晒火話: 你做乜_野呀....死開啦...係咪低能架
......(啊伯呆左,好驚咁走左)
唉....真係屎都滾埋
....唔止一次架啦, 每次朝早11:00前去買餸, 街市D人就係咁望住我,
以為我開工(企街)如果11:00後先去, 就無上述既情況出現, 可能早11:00前出現街市既都係啊姑啊叔,
啊佰啊婆, 後生既都返晒工, 唔會係街市附近出現
所以覺得我奇怪, 以為我來企樓梯底
|