公司奇人怪事

全部真人真事~
話說我2004年入職一間好出名既籐器公司(贊助過無敵獎門人果間)
做客戶服務助理(cs)，係負責接客戶查詢電話，做分流~
話明要聽電話，當然時不時有d搞笑野怪事發生~
事件1:
有時，因為上一手客做耐左，送貨既下一張單就會遲到~
d客就會打黎催...我地都定左一套對話應付~
唔好意思丫~可能師傅遇上少少阻滯...我幫你催一催佢~(咁就了事)
不過，有一次，有個新同事既對話就激囉~
個客可能打左好多次黎催......
新同事就話:
催!催!催!催夠未丫!?都話左師傅有事會遲d到囉...
阿生!家下落緊雨，天雨路滑，開車梗係開慢d咖喇~
個客聽到梗係火都黎喇...
你地張單寫明會準時送貨咖!
而家你地做唔到，即係毀約，我要告你地!
你咪告囉~我地係大公司驚無錢同你打!我等收你律師信!
(即刻cut線...==")
我地聽到都呆左...之後個客再打黎...第二個資深同事接聽~
你地家下咩服務態度丫!?cut我線!!!!仲話等收我律師信......(@#x*)
唔好意思!對唔住丫!先生~之前果位係新同事，學藝未精...
我地會向佢作出嚴厲處分......送貨方面我幫你跟跟
(個客接受~咁就過左骨~)

哈哈哈, 做咩唔話個個同事就因為工作態度差, 剛剛被老闆炒左, 才會咁對個客咁講呢? 而且個個同事一定會即炒嘅.

哈哈哈, 做咩唔話個個同事就因為工作態度差, 剛剛被老闆炒左, 才會咁對個客咁講呢? 而且個個同事一定會即炒嘅.
Ulrica 發表於 2009-6-19 10:31

果位所謂同事，直情唔想做...
坐係度等收人工...乜野都話:
哎也...我唔識做...你幫我寫埋喇...
咁第一次你唔識做，咁咪教你囉~寫一次俾你睇~
我地有5位同事，5個人都教過佢幾次...幫寫左幾次單...
佢都係咁講...咁請佢翻黎做乜野...
不如我地5個人做埋佢果份，分埋佢份人工算囉~
我入職果陣得5千5...佢新黎已經加到6千...你話係咪好唔抵先add3icon
結果我地5個人終於忍唔住同時投訴佢...即炒無情講...

蠢可以忍, 但態度唔得就死罪一條

蠢可以忍, 但態度唔得就死罪一條
sammy 發表於 2009-6-19 23:24

佢唔係蠢...明眼人都知佢係扮蠢...
佢做左6日，6日內無一張單係佢自己寫咖...
其實只不過搬字過紙，都中五畢業...無理由做唔黎...
佢對我地d態度都唔多好咖...要我地幫佢好似老奉咁...
只不過要佢自己試下寫...但係佢表現得好似要佢去死咁...
仲俾說話我地聽...話我地無人情味唔幫佢...

我有同事,你問佢野,佢永遠都係答唔知,明明佢做完都話唔知.一係扮傻點人做野, 佢最叻就係擦鞋. 有一天佢同我講佢SENIOR過某人,我即O曬嘴,因為佢只係早某人一個月就扮SENIOR.

我有同事,你問佢野,佢永遠都係答唔知,明明佢做完都話唔知.一係扮傻點人做野, 佢最叻就係擦鞋. 有一天佢同我講佢SENIOR過某人,我即O曬嘴,因為佢只係早某人一個月就扮SENIOR. ...
wendy_choy_hk 發表於 2009-6-20 10:39

扮蠢都唔係最忔人憎...
最忔人憎係一d笑裡藏刀既人...
我曾經翻過一份一個月既短期工，係帶人上樓睇天水圍區出售居屋單位~
有一個比我地遲一個禮拜上班既四眼主任...俾我見識到真正既笑裡藏刀...
我地大部份STAFF都係女仔，3個主任有1個係剛F7畢業小女生~
由於果排對面屋村發生一單母擲仔女落樓繼而自殺案，
導致我地都無乜客要帶~所以我地成日都可以嘻嘻哈哈咁就過一日~~
咁有一次，個剛F7畢業小女生喊住口咁走翻入黎~咁我地問佢發生咩事~
原來佢俾四眼仔拉到主管面前省到立立令，
(但係佢地係同級==")
話佢同我地d低級STAFF一齊玩，因為佢地係主任應該同我地保持距離!
我地聽到全部都跌晒眼鏡...隻四眼仔平時唔聲唔聲...斯斯文文...
同我地有時都有講有笑...估唔到會講埋哩d野......
大佬阿~哩份工得一個月咋嘛...洗唔洗咁分階級阿?
開開心心坐係度等收人工唔得既......
係主管話無客果陣可以嘻嘻哈哈一齊玩咖啵~
最尾，個四眼仔竟然若無其事咁扮咩都唔知...扮無事發生過=="