金毛仔入左廠(出廠康復中)

以前我有一只狗仔試過食咩嘔咩, 行唔穩, 搖下搖下....
帶佢睇 vet 又係吊鹽水驗呢樣驗果樣都係驗唔出, vet 話醫好都會有後遺症時不時不由自主的搖下搖下, 話相信係腦的問題 ...
最後我轉左睇呂醫生 (按時收費), 呂醫生同我講, 呢 d case 一般只有靠佢自己, 返去食藥, 都無其他野可做, 估計係急性腦莫炎, 相信係感冒之類但佢自身的免疫系統問題攻打自己腦部細胞所至 .... (我記得大概係咁)
因為我養的係小型狗, 佢有偏食, 所以最後都 .... ... . .

前幾年我幫我姑仔照顧隻金毛，有一日突然倒地，四肢撐得直直，口吐白沬，失禁。嚇到我傻。碰巧那天是七一假期，很多vet都休息，幾艱難才約到時間去看。牠又精神起來。搞到去到診所d姑娘有些怪我大驚小怪，浪費了獸醫的時間。個醫生只是聽下心跳，望望眼睛就算。我問乜事會這樣，他說可能中暑。也可能腦有事，叫我回家觀察再算。幸好往後的日子沒再出現這情況﹗

有網友隻小牧狗之前都好似同金仔毛同一情況喎...我叫佢上黎先..

話時話..照MRI真係好甘...最底消費都要6000蚊UP呀!未計麻醉..

There are some pre-disposing diseases that can lead to a stroke ( such as DM, HD etc. ). If 金毛仔 is really having a stroke, he should still be fine as he can walk. However, those hidden diseases tha ...
avery 發表於 2009-6-10 18:54

而家都未搵到原因,中風係我估估下,要覆診問下vet有冇可能
金毛仔尋晚好左d,食半隻雞脾+ 1/3份雞湯狗糧,喂埋藥都冇嘔,都起得吓身,不過都係"中"下"中"下~

而家都未搵到原因,中風係我估估下,要覆診問下vet有冇可能
金毛仔尋晚好左d,食半隻雞脾+ 1/3份雞湯狗糧,喂埋藥都冇嘔,都起得吓身,不過都係"中"下"中"下~ ...
prodorothyhkg 發表於 2009-6-11 13:51

大菲媽 & 金毛仔 ~ 加油...

金毛仔，比心機呀！努力 d 努力 d ！

COPY唔到條LINK TIM..

金毛仔加油ar!

中吓中吓 ...... 小雪之前都係 , 不過佢係中毒 , 驗血個肝好多毒素 ,  好彩已經好番 , 金毛仔加油呀 !

http://hk.myblog.yahoo.com/carlong2002/article?mid=33177

我之前隻小牧，有一日早上發現佢身體好像有些不受控制, 頭部不能抬起, 身體有少少傾側, 動作緩慢, 吞嚥困難, 好驚佢有事呀. 下午即時帶佢去睇呂醫生,
即時做晒所有測試，包括超聲波、驗血、心電圖、肝功能、電解、甲狀腺同埋X光，結果係完全正常啊！

最後做埋磁力共震，先發現佢條頸有三條骨刺，要開刀切除，但同呂醫生商量後，覺得風險太大，因為頸部開刀係好危險的，況且都己經九歲啦，最後決定係唔開刀，同佢做針炙。

原來針炙真係好有效，佢到依家針左五次，係可以講話完全好番，一次都無發過啦，暫時唔使再返去做。
你可考慮同佢照磁力共震，價錢係8000蚊，未計其他費用，雖然係貴D，但可以清楚知道係咩事，唔使自己亂估又擔心囉。

隻衰仔企都未企得穩都要玩c,激死~
今晚佢好精神,行得多左,不過個頭都係向右側,真係好似 vet 咁講,佢肯食野係一個好開始,食返平日一半糧~
佢老豆第一次洗d洗得咁開心~

隻衰仔企都未企得穩都要玩c,激死~
今晚佢好精神,行得多左,不過個頭都係向右側,真係好似 vet 咁講,佢肯食野係一個好開始,食返平日一半糧~
佢老豆第一次洗d洗得咁開心~ ...
prodorothyhkg 發表於 2009-6-11 22:52

金毛仔真係生性！

有時佢真係好有性,星期六同日佢唔可以搖尾迎接主人,佢成個樣都覺得好慚愧,果陣真係好心痛架~

有時佢真係好有性,星期六同日佢唔可以搖尾迎接主人,佢成個樣都覺得好慚愧,果陣真係好心痛架~
prodorothyhkg 發表於 2009-6-11 23:03

佢咁爭氣，應該好快快冇事架啦！只要仲有心機玩，咩病都好快好啦！

我家都有一頭9歲牧羊
7歲先養
都做過3次手術
好明白你心情...

希望你的狗狗可以開開心心
努力~~你都要加油呀

yeah ! 恭喜晒 !   唔使唔開心 ,  狗狗其實諗野好直接好簡單 , 佢唔會唔開心 , 佢地係成日都咁開心架 !  放心啦 !

無事就好~
睇次e生真係肉都赤
有d仲dump症

其實我諗來諗去都唔明點同動物針炙 ...

其實我諗來諗去都唔明點同動物針炙 ...
avery 發表於 2009-6-12 23:31

真係 WORK 架 !

隻衰仔企都未企得穩都要玩c,激死~
今晚佢好精神,行得多左,不過個頭都係向右側,真係好似 vet 咁講,佢肯食野係一個好開始,食返平日一半糧~
佢老豆第一次洗d洗得咁開心~ ...
prodorothyhkg 發表於 2009-6-11 22:52

玩得 c, 即係話你知佢會好番啦~~ 好囉好囉好快無事囉~~
菲媽繼續執c啊~~
都係個句啦: 加油呀菲媽+金毛仔~~

add6icon