草莓

各位請指導一下,我有一盆草莓種子開始種都有2個月啦,都係好細,出苗到現在唔見有大個.但有太陽照到.唔係直曬.我要點做好呢.

可唔可以影張相黎睇呀？
咁樣可能會更加清楚你盆野既情況。

我都有一盆落咗種子一個月, 大得好慢, 但係包裝寫話5-8月露天半陰處播種, 收獲期長, 5-10月, 請問有無嘜嘢秘訣架?

得部電話.影得唔清.

原帖由 ringring1968 於 2007-6-27 13:08 發表
得部電話.影得唔清.

原來係咁，咁你而家盆野有幾多塊葉？
你可以放係室外地方，但不要給太陽直接照射，這樣會快點的
同咪如果你是在室外種植的，這幾天都在下雨，你不用澆水的

只有4塊葉.得一吋高.想問下,比d肥可以嗎?

原帖由 ringring1968 於 2007-6-27 14:00 發表
只有4塊葉.得一吋高.想問下,比d肥可以嗎?

絕對可以，但需要按照包裝上的指示使用

收到.我比幾粒睇下點先.THX

發表於 2007-6-27 14:52


2007年既 post 都推薦我入來睇

各位請指導一下,我有一盆草莓種子開始種都有2個月啦,都係好細,出苗到現在唔見有大個.但有太陽照到.唔係直曬 ...
ringring1968 發表於 2007-6-26 22:21

    點做, 咪尤得佢自生自亡囉

生的死不了, 死的生不了

你可以點嗎 ???  

曬勁 D, 佢易曬乾
比多 D 水灌, 佢會易倒塌同浸死根
比多 D 肥, 佢會肥傷

  最好唔好攪佢, 睇下佢既做化

我果批都無點理佢, 係一星期左右點滴下水, 多既都唔敢比, 尤得佢地生長

你好好保護佢，等佢渡夏啦！

正常來說應該係九月十月到定植，咁2月到就會有花。

日日都淋水啦
我都日日淋幾次
係咁生係咁生
一盆生三盆三盆又生九盆

日日都淋水啦
我都日日淋幾次
係咁生係咁生
一盆生三盆三盆又生九盆
kwokdicken 發表於 2010-5-6 23:38

    草莓根最怕水浸, 所以要疏水好既泥土, 所以唔洗經常灌溉, 當然如果你盆泥好疏水既話, 根本絕大部份水, 果頭淋完, 轉頭漏返走, 喱個情況我試過了


由於芽苗好細少, 聽到天文台話昨晚如大風大雨, 所以我驚風會吹散 d 芽苗, 所以收返屋內擺放

芽苗根部好細, 好似痴係泥土表面咁, 如果水量大沖落去淋, 或者泥面浸濕晒, 佢 d 根會好易倒塌