請大家俾d意見!!邊度買基肥好呀?

今次係我第一次種....唔知點好?
我一次過係社區苗圃種左 青瓜, 菜心, 白通菜, 蔥, 矮瓜, 節瓜 ........
兩星期了, 應該落肥啦....
但唔係落乜野肥好.....

及係邊度買肥先至係平呢? 及  大約幾多錢呀?

你在那區 ?

2# paulpaul

東區....
不過元朗屯門我都肯去的....

我唔熟尼d唔知岩唔岩....
我自己只係識去花墟買野.
之前口多問人用乜肥時.店員有提過基肥.
十蚊益利多咁既size.
不過會有少許氣味(佢話因為係基肥喎)所以合室外用.

元朗阜財街位元堂隔離間「王衫兄」有得賣。
（近合益街市，恆香後面向好到底麪家方向）收六點。
花墟都有得賣！不過唔係好知‘訂‘。
瓜果就用肉骨粉啦，係有機肥嚟㗎。離開植物大約2吋，挖個洞2吋多深，將肉骨粉埋入去，上面再蓋返泥，咁樣就少啲蚊！
菜呢，好多農友都鍾意用花生夫水。但要浸成個月先見效。仲要好臭㗎。
我會用魚肥水或洗米水（洗米個啲呢）留起佢吽2，3日用。
收割後要再補肥，我會鬆泥加“茵多素”再蓋返泥。
唔知幫唔幫到你。

仲有，自己浸海帶水啦。買三蚊海帶，洗淨，浸水。一路浸一路用。青瓜好受㗎。瓜瓜大得好快㗎！我都有浸住用。