葯錦紅心蓮還原記

八月從花墟買的紅心蓮，艷麗無比。中間的粉紅色擁有非常高的彩度。

在一直照燈的情況下，兩星期後，發現中間新葉有開始轉綠的跡象，於是懷疑是燈的問題。努力爬文找資料後，看見根爺的帖，見他在深水埗買的燈有成效，就購置了。誰知綠色的新葉不但沒有減少，反而繼續漫延，沮喪之餘，繼續找出原因。

終於越照越綠的找到答案：原來她是葯錦！是商販在植物中噴洒了葯物，令植物局部變色，所以無論怎樣照燈或晒太陽，也不會出現那粉紅色的。

知道真相後，惟有靜待她回復真我吧。她的真身應該是藍石蓮。

下次唔好買呢d啦, 藥錦植物好彩的話, 遲下會變回原色外, 唔好彩的話 , 會爛心而死的, 無必要冒險

謝謝根爺提醒。之前唔知有葯錦呢回事，而家知道了，以後會帶眼識肉架啦！

我八月尾才剛入肉坑，有排學呢！

樓主加油 如果係藍石蓮，佢本身都好靚架

也可能是紫珍珠~
八月咁熱都種到，仲要係葯錦，大大已經係高手了

謝謝石子大大和A大大鼓勵支持！
我只係新手，要時不時上來爬文參考各位前輩的經驗分享，先至捱得過炎熱嘅夏天咋。
我都疑惑緊究竟係藍石蓮定紫珍珠？

石子大大的藍石蓮色澤豐富，淡綠中帶點紅邊，好美啊！

violet_bb 發表於 2018-10-21 21:23
謝謝石子大大和A大大鼓勵支持！
我只係新手，要時不時上來爬文參考各位前輩的經驗分享，先至捱得過炎熱嘅夏 ...

顏色都幾似紫珍珠

我都覺顏色似紫珍珠，都好紫下

violet_bb 發表於 2018-10-21 21:33
石子大大的藍石蓮色澤豐富，淡綠中帶點紅邊，好美啊！

謝謝讚賞 係藍石蓮好易養，暴曬都唔怕

little_stone 發表於 2018-10-22 09:49
謝謝讚賞 係藍石蓮好易養，暴曬都唔怕

拜讀過石子大大的“多肉露養記”，謝謝你的心得分享啊，獲益不淺！

violet_bb 發表於 2018-10-22 20:32
拜讀過石子大大的“多肉露養記”，謝謝你的心得分享啊，獲益不淺！<span class="emoji emoji1f604"></span> ...

哇，樓主過奬啦！石子經驗尚淺，仲有好多嘢學緊
正如A大所講，樓主可以將藥錦還原已經好厲害啦！我見花店好多藥錦都爛心黑腐

little_stone 發表於 2018-10-23 20:11
哇，樓主過奬啦！石子經驗尚淺，仲有好多嘢學緊
正如A大所講，樓主可以將藥錦還原已經好厲害啦！我見花店 ...

我乜都無做過，只係好彩咋！

violet_bb 發表於 2018-10-23 21:15
我乜都無做過，只係好彩咋！

有爬文用燈嘛！積極了解發生咩事

其實當時唔知道有葯錦，只一心諗住照返紅佢。後來先知原來葯錦好易瓜，我另一棵葯錦都瓜左，呢棵係幸存。

係！我會努力的！謝謝！