當勞詹天台種植

各位~ 等左幾日~ 今日又有新野睇喇~ 我地屋企琴日發生第2次液體爆炸, 情況係點? 我都唔知, 因為病病地訓死左~ 我同大家一齊等下donald 一陣post 既相~ 但聽說連天花都有

都話o左麩水只可以裝滿3/4, 要時不時開蓋放氣架~
如果冇時間咁做就唔好扭實個蓋law!扭鬆少少咁~
定期都要搖搖佢架!

佢好似兩日無開就搞成咁la! 佢琴晚洗左兩粒鐘~我今朝上去都聞到味呀~

咁次真係消晒鬚了。23 April 凌晨12:00返到屋企，如常上到天台打開廚房門 (因22,23 April 好大風及落雨，所以我將D盆栽搬晒入去廚房) 聞到一陣好臭既味唔知係乜野黎，之後行左出去再入返去廚房都仲有陣臭味 (已經重覆左2次) 我就企左係度諗緊究竟係乜野會咁嗅呢？R頭 ，終於諗到有一樣野會係咁臭除左佢之外都冇咩可以臭得過屎架喇！咪就係花生麩水囉！我既視線即時向左邊望去，今次真係大鑊了"花生麩水液體爆炸" 是真的冇花冇假。












就係咁樣攪左兩個幾鐘清理，終於都攪掂。



點解會做成今次意外及驚喜呢？
原先我諗住23 April 返到屋企就會扭開個樽蓋比佢地抖抖氣既，我20 April 已開過一次了，應該 22 April 就要做的但我忘記左添。就係咁樣足足清洗左兩個幾鐘頭先至攪掂 ！好彩只係爆左一支唔係三支一齊爆，如果係的話咁就點只兩個幾鐘清洗最起碼洗到第二朝早喇！
點解我要咁趕住清洗呢？
依家唔係一支樽咁簡單而係成個AREA已經瀨左野，可想而知到第二日會怎樣啦！所以我唔訓覺都要拿拿聲清理好個AREA，如果唔係第二日放工返到屋企我諗要CALL人黎救我同屋企人了。咁就可以上頭條有條友比D肥仔水焗暈左送左入去醫院喇！

322# farfeifar
謝謝您先，我想問下呢去旅行的話，可否打開個蓋有佢抖氣呢？因下個月要去旅行四日呀！

我一早叫donaldyh 唔好浸,
我都講左臭如屎水!!!

軒軒都叫過我未亂嚟。臭死鄰居就無謂。

新係大檸樂~ 真係有幸我訓死左~ 唔係就會o係上面臭死左~hahaha~ 陰公~ 難為了donald 搞左兩粒幾鐘~ 我今朝上去時都聞到臭味, 諗下琴晚會係咩情況~~

爆到天花板都有~ 唔知爆果下coola 知唔知呢~ 會唔會爆果下都嚇醒左佢呢~ 真係嚇死人啦

打開個蓋有佢抖氣啦，苗圃啲田友都係咁。佢地都係一個星期至落田一次。不過都會臭㗎。少啲咁啦。我相信你地巳經習慣晒囉。

322# farfeifar
謝謝您先，我想問下呢去旅行的話，可否打開個蓋有佢抖氣呢？因下個月要去旅行四日呀！
donaldyh 發表於 2009-4-23 14:00

只要唔好浸咁滿(3/4滿)
個蓋唔好扭到盡就ok架喇~(即係你lin個樽吱到d氣出就ok)
咁樣聽聞冇發得咁好, 但總好過爆樽
我係呢個方式的, 放o左6個月(室外晒住)都冇爆過樽...

你千奇唔好果個水樽浸花生麩,我驚你屋企會發生命案(臭死人事件簿)就唔好啦!
軒軒 發表於 2009-3-23 14:01

一早話咗係啦!~

你有蒸餾水樽㗎。點解唔用？中間有個窿抖氣嘛！

326# sifenamok
謝過您先，我尋晚洗果時我都有帶手套架！攪到依家我隻手都有果陣臭味~唉！唔緊要再接再勵

330# farfeifar
謝過您先，等我試下先。唔該晒~

331# 軒軒
我係唔會放棄既！我要做好佢。

332# mono

你千奇唔好用果個水樽浸花生麩,我驚你屋企會發生命案(臭死人事件簿)就唔好啦!
軒軒 發表於 2009-3-23 14:01

因為軒軒提左我囉！所以乖乖聽話喇！

我覺得你落得太多花生夫...

337# 小寶
乜唔係1:5咩

326# sifenamok
謝過您先，我尋晚洗果時我都有帶手套架！攪到依家我隻手都有果陣臭味~唉！唔緊要再接再勵
donaldyh 發表於 2009-4-23 14:35

係r !! 仲要成屋成手都有味,
真係好難受,
我的建議係, 有好多肥可以選擇,
唔好整花生麩水, 又臭又會嘔蟲,
又引d烏繩來

如果響屋企種野,真係最好唔好用花生夫水,一來臭,二來又好惹烏蠅,點解唔試吓用第二d肥黎替代佢呢?