[簡易!]第一次分享食譜 - 超好味嘅香橙蛋糕

香橙蛋糕(兩個蛋糕嘅份量)



我整嘅蛋糕賣相好一般, 自己食可以接受啦, 希望你地會整靚啲!




材料(兩個蛋糕份量):

糖                                    - 450克
牛油 (有鹽)                       - 320克
雞蛋 (全隻)                       - 300克 即是 6隻左右
牛奶少許 (可以不落)           - 20 毫升
橙汁                                 - 110毫升  大約2-3個細橙榨成
低筋麵粉                           - 430克
發粉 (Baking Powder)       - 1 茶匙
橙皮 (切粒或磨成茸)           - 少許

做法:

1. 牛油解凍放軟後用攪拌機攪至軟滑, 分幾次加糖, 攪至變奶白色同埋滑身, 通常啲糖唔會溶得晒, 但係之後慢慢會溶的。
2. 蛋分3次加入, 再加橙皮, 攪勻。
3. 把篩過的麵粉逐少加入, 攪勻。 加入發粉, 再攪勻。
4. 最後加入橙汁和牛奶拌勻。
5. 焗爐預熱10分鐘, 倒一半糊落模中, 以180度焗40-45分鐘為一底, 記得係分兩次, 所以可以焗兩條長形蛋糕!

P.S 今次做嘅過程無影相, 真係唔好意思! 自己手忙腳亂, 更加唔記得影相添! ><
但好在個蛋糕好易整, 齋睇做法都可以做到, 以前整過好多次, 次次都非常好味! 而且大部分花友都係烹飪高手, 唔需要圖片輔助都會成功的!^^

希望大家會試吓整嚟食啦!


小貼士:
- 用細橙榨汁比較好, 一來多汁同埋有橙味啲。 大橙啲汁通常淡啲, 橙味無咁濃郁, 有大橙的話, 都是直接食用比較好! Hehe!
- 牛油都係切開一粒粒會易攪啲~ 呢個好多人都知ga啦~
- 記得橙汁本身係甜嘅, 所以如果好似我今次咁落多咗少少糖呢, 就會過甜! (我竟然唔記得咗橙汁會給蛋糕加甜味, 所以見剩番少少糖, 用埋佢啦, 咁就出事! 不過都好好味! 只係怕太多糖份啫)
- 相反, 如果啲橙汁唔甜, 或者酸, 就可以落多少少糖, 真係少少好啦!

好想食,過年咁岩屋企有橙!!!

2# sifenamok

係呀! 我都係一樣, 呢個蛋糕好在材料簡單, 橙就成日屋企都有! 鐘意整就攞兩個橙嚟搾汁整~

小貼士好細心喎！
蛋糕都焗得好靚呀！

賣相一D都唔差! 整野食最緊要係心機!
有時間整黎試下先!

個蛋糕好好味咁喎

好 pro 呀，諗起中學時的小息有香噴噴的香橙蛋糕

我早幾日都跟咗嚟整, 真係好香呀~(多謝分享)
post d相比大家睇睇~









唔知係咪自己改咗少少份量(減咗d牛油, 糖同雞蛋)定攪得太多呢?? 個質感比較硬, 唔夠鬆化, 有待改善.....

kelvin, 請問個蛋糕size有幾大？我只有細size嘅container，我想試整！

LLGG,你整左兩個添呀？

LLGG,你整左兩個添呀？
otismavis 發表於 2009-2-1 01:56

我都係跟kelvinkou個食譜咋.
我初初用長方形模, 咁倒d粉漿落去喇, 倒咗1半驚1個模裝唔晒, 咁咪分開2個囉, 其實我都唔知倒到幾成滿至為之夠架...

我都係跟kelvinkou個食譜咋.
我初初用長方形模, 咁倒d粉漿落去喇, 倒咗1半驚1個模裝唔晒, 咁咪分開2個囉, 其實我都唔知倒到幾成滿至為之夠架...
LLGG 發表於 2009-2-2 10:26

我通常倒到7-8成滿的 !

kevinkou : 多謝你的分享 , 睇落好易整 , 咁我又多款蛋糕口味整比囡囡食 , 唔駛成日整 "斑蘭蛋糕 "  .

一般整蛋糕就倒七成o岩嫁喇！

kevin : 我今晚整了你教的香燈蛋糕 , 現在焗緊呀 , 但我牛油唔夠 , 改加入葡萄籽油 , 而糖的份量我也改了 到 310g .

昨晚整好了香橙蛋糕 , 我整得唔靚 " 爆口"  呀 ! 我諗我要將焗爐度數要改一改 或 改用蒸焗方法囉 !

味就好好味呀 , 我將糖改了份量囉 , 甜度剛剛好  !

昨晚整好了香橙蛋糕 , 我整得唔靚 " 爆口"  呀 ! 我諗我要將焗爐度數要改一改 或 改用蒸焗方法囉 !

味就好好味呀 , 我將糖改了份量囉 , 甜度剛剛好  !

93193 ...
fianfumy 發表於 2009-2-4 18:54

又有得食

肥c我囉, 公主一齊做運動

哇~ 我呢個week  忙到嘔, 忘記咗呢個帖, 唔好意思! 估唔到有咁多人回帖, 仲有人整咗添!!!
謝謝支持! 仲有多謝版主評分! 真係感激感激!

好多朋友要回!!!

馬仔: 多謝你呢個"包后"讚我~ 我受唔起的! XD

freddywongdy: 你咁講我真係好開心呀!! 期待你整咗post相片出嚟等我地有得睇下!!

hellokitty_971: 係呀, 唔係亂講ga! 真係好好食ga!

marcuslee: 你在想當年嗎? kaka~ 中學時嘅香橙蛋糕, 一定好好味!

LLGG: 首先要多謝你分享相片! 你整得好好啵, 好似仲靚過我哥個~ 我哥個爆咗頂! 咗d牛油, 糖同雞蛋嗎? 唔怪得會差咗啦, 你怕肥得滯呢? 蛋唔洗減啦! 牛油同糖你減多少? 有時整嘢食就係咁, 改少少影響可以好大! 你不如跟足食譜份量, 食少啲重好啦, 好過唔好食! 一齊合力做出最好嘅蛋糕啦!

jo_jo: 我唔識container嘅碼(尺寸)呢, 但係份量夠整兩個長條形蛋糕(如#1圖), container容量我估計係30cm x 11cm x 10cm. 你嘅container有幾細? 可以分幾試焗, 如果你有多幾個細嘅, 但係留意時間, 一定要check住佢, 細咗一定唔會係本來嘅40-45min, 一定lone晒!

fianfumy: 好多謝你嚟捧場, 你整得好好ga 啦! 好圓好靚呀! 我都一樣爆晒口啦! 我亦懷疑係我分開兩次焗, 你一次過, 所以時間理論上你要加長, 唔只45min, 但焗爐度數要改一改, 因為可能太高火, 燒lone晒"外皮"但係個心都未熟晒! 你見唔見到d 汁液喺個頂度?! 唔應該濕漉漉ga! ><" 蒸焗方法係點ga? 你成功要教下我地啵! 哈哈!

公主: 你唔試吓整? 好易ga! 整過嘅花友, 你地話係咪?!

ioksw: 好好味, 但係唔好食多! 始終係甜食, 又肥又高糖份, 因個人需要加減材料吧, 但可能會走樣~

哇~ 我呢個week  忙到嘔, 忘記咗呢個帖, 唔好意思! 估唔到有咁多人回帖, 仲有人整咗添!!!
謝謝支持! 仲有多謝版主評分! 真係感激感激!

好多朋友要回!!!

馬仔: 多謝你呢個"包后"讚我~ 我受唔起的! XD

freddywongdy ...
kelvinkou 發表於 2009-2-6 23:58

kevinkou : 你唔好客氣 , 我真係好多謝你的食譜 , 但我下次整先會將份量減半 , 而焗的時間或方法有可能改變一下 , 成功一定 會話你知 .
                蒸焗是將焗盤注入水 .... 如果是蛋糕盆是甩底 , 咁就用錫紙包底 , 你可參考我 "日式芝士蛋糕"的做法 .