香峰草 哪裡有售?

買過檸檬香峰草種子，但種極都種唔到，
打算買一棵返嚟，請問邊度有得賣？

去過花墟問咗幾間都話無．．．

我在City Super見過有得買, 但是一套套買(有盆, 泥及種子)

尋去過citysuper睇，搵過唔見有…
唔知有無其他地方有？

我有种 子！ 我幫你播种，发咗芽。  你向我买啦！

我都有種子，種過亦發咗芽，仲長高成小苗tim，
但無耐啲苗枯得七七八八，淨返嗰一兩棵就仲係小苗咁嘅樣
種咗成個月，無枯到，亦唔見有長高／長葉，淨係好似原本咁兩片小葉咋．．．

所以索性出出面買棵返嚟打理咋～

係香蜂草
花墟只有繽紛園藝有得出售 <-- 如果冇記錯，因為得佢個隻品牌
英文係 Lemon Balm，我有買過，我好似有種子，如果你要可以 PM 你既地址俾我，我送俾你
( 我唔很定我仲有冇的，上次應該送哂或者差唔多送哂俾某機構既人 )

Lemon Balm~~~香峰草

首先多謝EddieOR先，不過種子我仲有，暫時應該唔駛住～
只不過係之前落咗好多種子，種到最後淨返一兩株，又唔識大咁，好氣餒jei~

呢幾日會去花墟行多轉～

唔該哂各位～

如果 你 的 种 子不長大，原因只有一個。
光線 控制不好。

各位，我尋日去過花墟EddieOR兄介紹嗰間舖問過，答案係未有．．．
唯有遲啲再去睇吓同埋．．．好好打理手上棵曲先啦

請問點樣先可以將光線控制得好？
已經將佢放過喺窗邊、露台等地方，日照都唔少，
露台有日照但唔猛，窗邊會猛啲．．．

唔該各位～！

基本上要全日照。

王爺，你意思係一般種子播種後、發芽前都需要全日照？
咁發芽之後呢？
我好似睇過話苗仔唔夠大唔可以照太多，我明白有D品種可能需要照多D，有D又唔使、或者唔得！但係多數呢？一般買番o黎o既種子都未必寫得咁清楚，好多時都要衰幾次至學乖，但如果有前人指路，咁就最好啦！

我2星期前係花墟見過, 間鋪係超群個條街, 我耒唔知個盆係你要既香峰草, 我又係見到人問先知