本帖最後由 藍天使 於 2009-1-6 21:38 編輯
仲記唔記得阿蘇教過既反沙芋頭, 有無人試過整? 早兩日整完竽頭糕用剩少少竽頭, 今晚試左, 比想像中容易, 那那臨同大家分享下.
材料:
竽頭 半斤
砂糖 半杯
水 4湯匙
做法:
1. 竽頭切件, 唔想咁甜就切大舊d, 鍾意食甜就切細舊d.
2. 竽頭用中慢火炸至金黃色, 撈起.
3. 轉用鑊, 加入砂糖及水, 中大火煮至起泡, 再煮至杰身, 便可轉為"極細火", 加入竽頭不停炒, 好快便會起沙.
我整法同阿蘇有d 唔同, 佢教息火先落竽頭炒, 我睇過其他食譜, 係可以細細火炒, 所以好快就炒好(約一分鐘), 唔洗炒到有麒麟臂. 可能呢個整法唔夠正中潮州口味, 不過整到反沙我已經收貨. 竽頭一定要靚, 要夠粉至好食, 唔好問我點"簡", 我係信我買開果個菜擋幫我"簡"既. |