[開源植物] - 士多卑梨小苗

有冇人想要士多卑梨小苗呀? 我種左兩個月到, 有成三十幾棵, 但係又冇天台, 得個窗台, 而且仲種左好多其它野, 想撒下貨呀! 我可以先送10棵出去! 希望有心人可以領養!



名稱: 士多卑梨小苗
份數: 10棵
交收方法: 荃灣港鐵站
分享週期: NA
栽種心得: 佢地要好多陽光, 唔好種係室內, 就算係都要有勁多陽光! 泥士乾左先好淋水, 兩星期施一次肥!

排隊:
1. sifenamok
2. sevenskin

我可唔可以收養 ? 我果D一棵都唔出

實thin拿, 好呀! 你要幾棵呀? 你邊日同幾時ok呀?

3# CarolTse

先多謝你
你可以邊個地點??
我多多都想要R !! 我好貪心添, 因為我有天台,
自己種過2次都係一粒都唔發,
我會幫你好好照佢地!!
你想比幾多我, 我就要幾多LA, thank you

荃灣港鐵站
我在青衣返工,
荃灣港鐵站日日都OK, 你想幾點?

原來呢邊都有開源wor~

我住係荃灣, 荃灣港鐵就最方便! 你幾點放工呢? 不如明天6:30pm啦!
Sefina有天台咁就最好喇! 小苗一定舒服過住係我屋企! 一於10棵都送卑你啦! 不過盆子我都短缺, 我都係好環保咁用汽水樽種果d送卑你! 希望你唔好介意啦!
其實開源都幾好架, 大家可以慳返d錢, 又可以分亨d多出黎既種物! 因為由種子開始種, 真係唔知道發芽率會有幾多, 我開始既時候都冇諗過會有咁多架! 如果拋左佢又太殘忍! 可以share卑d有愛心, 又識種野, 又有地方既同道中人真係一個好好既方法!
大家都可以用下呢個方法呀!

我係新手, 啱啱搬屋有個花園, 唔知道可唔可以俾一兩盆我試下 ?

sevenskin, 你好! 我係小盆都仲有4棵, 應該係3.5棵, 因為有一棵特別細!
咁就卑埋你啦! 不過都係因為盆太少, 只可以用紙碗裝卑你!
你幾時得閒呀! 交收地點都係荃灣港鐵啦! 唔知你方唔方便呢?

我羨慕死d有天台同花園既朋友仔呀, 種幾多野都得!

Carol,我可以要一盆嗎?我之前同而家都用種子種過, 種左個幾月但係唔知點解一粒都唔發芽.. 同埋我想問開源係咩黎嫁?

byau你好, 估唔到咁多人對我d士多卑梨小苗有興趣!
其實"開源" 一詞係係"花草樹木"到引用過黎架! 應該係解分亨給大家咁解卦~
既然你咁有興趣就送3棵卑你啦!
其實一棵成年既士多卑梨要用7吋以上既盆種先會健康, 所以我keep咁多都冇用! 希望你會善待佢地啦! 你幾時ok呀?

哈哈哈, 我岩岩都爬完文咩叫開源, 我而家明白啦!
其實我之前一早買定晒D有機泥土同花盆比D種子, 可借一粒都發唔到
雖然我冇天台, 但係我個窗台有太陽晒到.. 我會好好對佢地ga la...如果荃灣站我大約6:45可以到, 日日都OK嫁..就你方便啦

咁就聽日6:45pm係荃灣站等啦! 我可以點認到你呢? 如果sefina 都ok咁我可以一次過卑晒你地!
我估d人以為我係度賣水貨~ 哈哈!!

好, 冇問題, 我PM我既電話比你呀..

用紙碗當然冇問題啦, 謝謝. 不過我聽日唔係香港, 要星期三先返.  我約你星期四可以嗎 ? 荃灣站冇問題, 時間就你方便就得.
不過我會有好道嘢問, 因為我係完全唔識種嘢, 但係搬屋後想試下 .... 謝謝.

sevenskin, 咁就星期四 6:30pm好嗎? 你可以pm我聯絡方法!

我都想要一盆丫~add6icon
唔知星期日交收得唔得呢add3icon

tsoiyiu, 你好! 你住好遠架? 星期日我可能有街街去喎~ 我又唔係住係港鐵站附近! 拎住出門又唔係咁方便! 你會唔會有其它日子方便呢? 一係我confirm下星期日有冇節目, 遲少少再覆你啦!add11icon

我想知係唔係日本品種?

今日荃灣站6:45pm , 我ok,
我pm 電話比你!!
好開心