頭先口係家人屋企等開飯上唔到網
咁咪打去供應商問問囉
不過, 我又唔記得邊間, 於是拎張銀行月結單睇下 ...
哎呀 .. 先知我交好貴月費下 ... $26x 一個月 .... i cable
我大概都知咩野事, $$ 唔係最大問題, 問題係斷線嘛 ...
打到去, 要確定身份 (要 id ) ... ,
攪左好耐, 有人接, 又要確定身份 (要 id / 全名 / 地址) ... 佢同我再攪下條線先 ok 上到網
咁我咪順手查下仲咩咁貴囉, 原來過左合約成年幾兩年, 即係交貴月費十幾個月 ...
呢個係我問題, 咁由佢啦, 改返個 plan 囉 ...
條線轉去 續約部
又要再確定多次身份 (要 id / 全名 / 地址) ...
i : 你用唔用我地既電話
我 : 唔啦, 只係上網 ok
i : 電視呢
我 : 唔啦, 只係上網 ok
i : 你睇唔睇波
我 : 唔啦, 只係上網 ok, 我真係只需要上網
i : 咁 $18x 兩年約 ..
我 (心諗跟 netvigater 差不多) : 哦, 咁我考慮下, 如果我想唔用你地你咪要早一個月通知, 你寄張表格比我先, 我再考慮下
i : 你點解唔續約, 如果你申請要張表格, 咁就無呢個優惠喎
我 : 哦, 唔緊要啦
i : 一係你考慮下再 reply 我 或 我遲 d 再 call 你
我 : 我都係想拎定張表格先, 到時再決定啦, 我會主動找你地
i : 其實點解你唔續約姐
我 : 我仲要考慮吓, 跟家人傾下, 而且你地近期成日斷線, 價錢又唔係好優惠
i (好唔高興咁講) : 你都未聽晒我講個 plan
我 (有點無耐) : 好啦, 你講啦 ...
i : 送你一個高清盒
我 : m ..m .. 我都係想考慮下, 你寄張表格比我
i : 高清盒喎
我 : 我地都唔睇高清
i : 大世所吹, 你遲早都要啦, 你仲咩唔續約
我 : 我都話唔要, 只要上網
i (態度好差) : 唔明你點解唔要高清盒, 寄左表比你就無晒優惠 ...
我 (把鬼火) : 依家我要張表格係咪唔得, 你依家咩野態度係都要我即時續約, 總之你寄比我, 我收唔到會去投訴 ... (跟手關線)
**** 唔夠 20 秒 i cable call 我 ****
i (另一個人) : 你係咪要求張表格, 係 .. 請俾 d 資料確定身份
我 : id / 全名 / 地址 ...
i : 點解你唔續約
我 : 你地依家咩野問題, 係咪唔可以比張表格我再考慮, 係咪要張表格就唔可以績約, 合理麼 ?
i : 哦 .. 唔係
我 : 你同事係都要我要個高清盒 & 續約, 我表明無需要亦好唔滿意佢仲要咁差態度
i : 呀 .. 公司程序 ... 咁啦, $15x 兩年約 ...
我 : 你都係寄張表格比我考慮啦, 我想拎定張表格先, 我真係唔信我未寄出張格表落實唔用你 service 你公司會唔比我再續約
i : ..... 唔係 .... 不過你要係限定時間拎返 d 機 / 線呀之類去指定地點喎 .. 唔係我公司會收你 $900
我 : 我交貴左咁多 $$ 都唔介意啦, 你地咁 service, 你都係寄張表格比我再決定, 張表會好清楚教我點做掛
i : ... 呀, 會 .. 咁我寄比你 ...
我 : 我明白你地想我續約, 不過唔係咁野蠻 ...
i : .... 呀, 公司程序姐 ...
我 : 你寄比我先, 我收到會考慮
-_-" 想死 ... 真係好似簽左生死約咁 .... 仲想試下 和記 好唔好用 ... |