大家好!我係種蘭新手,之前主要種開果樹、食用蔬菜,最近朋友俾咗啲煲湯石斛我一齊學種,咁就開始了種蘭科植物!過去一路都反覆睇呢度嘅文章,重複睇到自己明白為止,不過中直都好講求經驗,睇得明都未必實踐到,所以決定開篇文章,記錄種植的過程。
現在種植的部份是朋友送,有些是別人丟棄的,另外亦都有一些是這裏好心的花友贈送的!有一些是在花墟買,因為屋企人想煲湯。
睇咗咁多篇文章,大概嘅領悟主要係先學養根,植料乾透才淋水。家中花園有一個位置有瓦遮頭、亦都好通風,邊位應該都夠光,因為有位花友提醒想要多啲花就要曬多啲太陽,現時仍未能掌握光線是否充足。用手機app又唔係太識讀取環境的光度,這點要繼續嘗試學習。
植料選用了紐西蘭水苔、蘭石、陶粒(有大有細)、木塊 ,花盆就用素燒盤,部份石斛上板。之前朋友唔要的蘭花有爛根,我就剪爛根及丟掉舊水苔,用百菌清浸一浸,風乾一日再落盆。唔知會唔會影響根部的蘭菌,不過暫時除咗葉邊有少少黃(根部受損缺水? ),似乎在休養緊恢復元氣。希望得啦! |