寒帶球根

菜妹 發表於 2019-4-19 03:28
酢醬草

薄裝的鬱金香特別靚呀！

理想將各種球根種埋一盆，結果未如人意。花期最早既洋水仙慢過葡萄風信子開花，鬱金香葉過大，遮蓋葡萄風信子。

洋水仙，此款花味清香。




白花葡萄風信子




白色、藍色、淺藍色。藍色若果光照不足花色會變淺藍色，花香相約。




法國藍鐘花




矮種鬱金香，天暖開十日玩完。


報春花，此株去年12月初至今仲有花開，愈開愈盛。

英國藍鐘花



白花洋水仙

菜妹 發表於 2019-4-25 01:15
英國藍鐘花

仍可賞水仙，好喎

B17 發表於 2019-4-26 12:16
仍可賞水仙，好喎

今年天氣好暖，不過我新種果d洋水仙遲左一個月花期，依家大部分先岩岩開花，街邊公園既一早已經凋謝晒。

往年混合球根中，通常貴貨比例都係一兩粒，就算唔同牌子結果都一樣，今年新種既亦係意料之內。


四色混合葡萄風信子球根，白花係貴貨一球，其餘按價格遞減。



混合洋水仙球根，過百粒當中貴貨一球大花重瓣。




黃花花香濃郁，白花花味極淡。洋水仙同中國水仙既花香都唔係人人接受到。





上年種既國旗鬱金香一朵花都冇開，呢批係今年新種。今年落花後會施肥，睇吓下年有冇機會复花。


*多謝B大獎分！

菜妹 發表於 2019-5-2 09:19
葡萄風信子

恭喜你中獎！

yunge0 發表於 2019-5-2 09:32
恭喜你中獎！

開第二朵貴貨，今次真係有賺。



呢款花苞比後面國旗鬱金香遲出，後來追上，竟然開得快過前者。



法國葡萄風信子


白花風信子結籽

今年球根太遲栽種影響花量減半，有失亦有得，享受到延後觀花期，原本只有一兩個月花期變兩三月賞花期； 往年批花淍謝月餘都仲有新栽既未開花。

每種花好靚呀！願你貴貨多開。

yunge0 發表於 2019-5-8 06:45
每種花好靚呀！願你貴貨多開。

貴貨常開要年年栽種新球，基本上洋水仙都係一年貨，開完花要養三四年先會再開。

全部都好靚好靚好靚~~

鬱金香

N年前買過幾個球回來, 交左俾阿媽種, 雖然最終只有一球開到花都好開心了

多謝樓主靚花相, 種多D post多D呀~

川流不息 發表於 2019-5-8 09:55
全部都好靚好靚好靚~~

鬱金香  

多謝大大支持！有d岩岩開同仲有少量未開，會持續更新。


Blue Spectacle

重瓣花型冇包裝圖片咁靚，期特中係大花型但現實較細少少失望，但都係靚花。
呢款較其他品種貴少少，所以特別優待用靚泥種大盆再加水肥想佢早早開花，放最好陽光位置，但結果係遲花型，望呀望，終於等到開花。


Lily flowering tulips黃花鬱金香

桃粉色開得一朵


Tulip Red riding hood, 唯一睇唔上眼既，仲差d以為係花瓣受損。


Rembrandot Tulips

夢想打造春季花海失敗，呢片只能稱作小花田，但依家仲可以賞花都好值得！
好認真咁數花，計今年頭種呢一批花球加埋晒開花率得35%，根據過往經驗普貨鬱金香開花率達90%以上，貴貨70%開花率。
觀察所見有約30%消花苞，種左幾年鬱金香第一次見呢種情況發生，花開唔成應該係過左季節所至，估計花苞形成時間需要在冬末初春時。尤其是貴貨消花苞情況最嚴重，貴貨太嬌弱，所以先會量少。

*睇返包裝我種植係12月底係合適栽種期。
*參考我今年買既球根兌換港紙計：
普通洋水仙約1蚊至1.5蚊粒，貴貨約4蚊粒。
平價鬱金香1蚊粒，中價3蚊粒，貴貨約5-6蚊粒。
睇價錢唔準既，計埋開花率，中價同貴價貨開花率較平貨低，種得少冇開花又唔甘心，大量種加埋就唔少。

謝謝大大分享~

重瓣的花重到伸唔直

同一個畫面有多種不同植物/不同色真的好美啊~

球根開完花多數仲有冇球收俾下次再種呢?

非常同意貴的品種出芽率低, 又易死.

不過也因為如此才嬌貴吧~

繼續等靚花照

川流不息 發表於 2019-5-13 09:50
謝謝大大分享~

重瓣的花重到伸唔直

因為我係種地，所以唔需求掘球根。根據過往個人種植經驗，貴貨第二年開花率為0%, 平貨有70%以上會再開。應該下年都只有種前苑最平既再開，預左後苑新種呢批下年開花冇望。等花凋謝後谷下肥，博下可能有幾朵。

菜妹 發表於 2019-5-13 10:21
因為我係種地，所以唔需求掘球根。根據過往個人種植經驗，貴貨第二年開花率為0%, 平貨有70%以上會再開。 ...

係喎~ 種地唔洗起佢地上來.

0% 好傷心, 平貨和貴貨的%也差太遠~

看來想睇花海都係要集中平貨

Egg plant 花如其名似太陽蛋。


紅花酢，易爆花又密密開，開足幾個月。


重瓣鬱金香有兩朵花特細，一朵超迷你，感覺被呃水。




種盆d泥水份發蒸發得超快，日日都要淋好多水。




混合花盆中除左葡萄風信子下年會再開花外，其餘花球來年都幾肯定得返d葉。

我對左邊果朵情有獨鍾, 無論色和形態都是。

*多謝B大賞分！

正當洋水仙謝得七七八八，呢款超遲花先岩岩開。


另一款超遲開品種係白花百合花形鬱金香，其他品種已開近4-7星期謝謝地，季未趕上影返張合照。


鬱金香天熱花瓣打開時都幾大朵，中間花芯係藍色。

同場加映：

耧斗菜, 據說係花園自播，小苗嚮4月頭交換返黎。

野草小黃花，多以走莖繁殖。


野花小白菊，一年四季都開花，冬天花少，夏季爆花。小白菊耐寒耐旱耐濕，粗生過草。植株矮小，爆花時俱欣賞價值。

菜妹 發表於 2019-5-24 04:36
正當洋水仙謝得七七八八，呢款超遲花先岩岩開。

女神的洋水仙同重瓣鬱金香都靚到dum一聲！睇得出花了不少心血！