本帖最後由 菜妹 於 2018-12-18 17:21 編輯
第一棵開花既酢醬草,種戶外花園太凍,多次都未能賞花,搬入屋第二日就有花睇。
朱頂蘭花球,前幾年開花後一直等待生子球,種左三年後搵資料原來要切球先會有子球生。試左子母相連法,若本身球根達開花大細,可以同年開花並穫得子球。我只切單邊,因為唔想有太多子球影響母株營養吸收。
原本打算十二月去買洋水仙球根同特別品種鬱金香,多種d花可以係春天欣賞,行完幾間超市,剩返瑪莎有較多花球賣。瑪莎既貨質素係好高,多以禮品套裝出售(呢邊興當生日/節日禮物咁送),精美花球連盆+泥,我只係想買黎自用種係花園,所以放棄咩都冇買到。
百子蓮約80港紙有4球超抵種,但我都覺得少貴,冇入手,因為個人最愛都係鬱金香,相同價錢夠買普通超市100粒鬱金香球根,種出一片花海。
三年前係瑪莎買既三粒朱頂花球,連續三年都有花開;普通超市買既有平平少少,買左八粒,只有一半兩年有花開,其餘既賞葉。講返價錢同質素,瑪莎算係超值既。
|