玫瑰新手一問

怎解花開中間變成咁樣？

而最近在繽紛買了4盆荷蘭玫瑰，3盆都好快消苞，我巳立即剪掉。而我係用換種紫羅蘭的發叔花場泥。是環境問題，抑或泥問題呢？

花中間有乜嘢問題？

中間嘅係花芯：花芯、花瓣一般開咗兩日左右就會自動枯萎/慢慢脫落。

Vinia 發表於 2017-5-11 14:45
而最近在繽紛買了4盆荷蘭玫瑰，3盆都好快消苞，我巳立即剪掉。而我係用換種紫羅蘭的發叔花場泥。是環境問題 ...

玫瑰正常情況下好少消苞：你種喺邊度（室內/戶外）？

盆栽玫瑰要等泥土比較乾先好再淋水、泥土有合理疏水/留水度、合理施肥（寧過少勿過多），另外種植地方要多陽光（夏天高溫要稍遮蔭）、通風。

我種室外，不過係花槽，都有少少遮陰。
我發覺返到屋企玫瑰一係消苞，一係開咗就中間變黑。但在未買返來見到花開係好靚，唔會黑

Vinia 發表於 2017-5-11 21:16
我種室外，不過係花槽，都有少少遮陰。
我發覺返到屋企玫瑰一係消苞，一係開咗就中間變黑。但在未買返來見 ...

咁玫瑰植株幾高？花槽幾深、闊、長？花槽有做好疏水嗎？

唔係直接放花槽種，種在膠盆放在花槽上

未開巳轉色

Vinia 發表於 2017-5-11 21:37

1）就咁睇枝葉仲算健康（如果枝條冇變啡色 + 有腐爛水漬），應該唔係泥土太濕問題（如果太濕令根部腐爛，枝條一定會變啡色 + 有腐爛水漬）。

2）關於換盆換泥，“根團” 有冇連 “原本嘅泥” 一起入新盆？

3）換盆時有冇傷到根部，如果有傷/斷咗部分根，少咗根鬚吸水，植物會先 “壯士斷臂”。所以一般換盆後都會稍做修剪，剪去 “少量” 枝葉（一般剪弱/病枝葉）。但切記玫瑰枝條（特別係強壯嘅枝條）不能剪得太短。

4）花盆、玫瑰大小比例合適嗎？如果合適，換泥（其實應該講加泥）後，有冇淋濕透盆內嘅所有泥土？然後等泥土（指一般嘅泥土）比較乾先至好再淋透？如果只係表面泥濕、但裡面/深層泥卻乾，植物就無法吸到足夠水分。植物為咗生存，“最初” 就會自動 “先” 令 “嫩枝/嫩葉/花” 枯萎脫落（“壯士斷臂”），好減少水分嘅消耗。

5）你嘅 “發叔花泥” 係乜嘢成分？係唔係 “吸水性強、放水性弱” 嘅 “椰絲/水草（即種蝴蝶蘭那種）” 植料？如果係 E 種植料（其實我個人唔建議用 E 種植料種一般盆栽，因為水分比較難控制），就要特別小心。E 種泥/植料一定要經常保持 “稍為” 微濕。好似 “海棉” 咁，要 “用力壓” 先出到水：植物嘅根 “唔會識” 用力壓，所以必須 “經常” 保持 “微濕”。至於 “一般泥土” ，以玫瑰而言，就必須等泥土比較乾（至少泥土表面乾到化白）“先至好” 再淋水（淋透）。

備註：一般泥土必須做好合理疏水/留水度

6）合理施肥（寜過少勿過多，特別係剛換盆，最好至少等兩個星期以上，先至好施肥，室內種嘅盆栽要更加耐）。

7）花槽附近有冇 “高溫源頭”，例如分體冷氣機散熱器？（玫瑰怕高溫）

如果以上都冇問題，或者真係適應新環境嘅問題（不過我個人覺得 E 個理由幾牽強，因為正常花場都係喺戶外：日曬雨淋）。

首先多謝你咁詳細用心分析講解，我估可能我係做錯第2點和第5點，我一買返屋企就換泥，擔心有嘢。而換盆後就和其他花一齊施肥。

Vinia 發表於 2017-5-11 23:15
首先多謝你咁詳細用心分析講解，我估可能我係做錯第2點和第5點，我一買返屋企就換泥，擔心有嘢。而換盆後就 ...

希望有幫助！另外剛才嘅回覆稍做咗修改。請參閱。

多謝你！你的幾點講解要注意事項，對於我這個新手係有幫助的。