有關新購買香草盆栽

大家 好，小弟兩日前於太子花墟買左三盆香港盆栽，分別係迷迭香，百里香同羅勒。雖然買之前都有上上網做功課，但買到番黎都好迷惘唔知要唔要做咩功夫，例如岩岩買番黎有咩要注意，平日養護有咩要注意，希望咁多位前輩可以教教小弟。另外，上網睇人地話新盆栽番屋企一星期唔好郁佢住，但我見我d盆栽生得咁密，易有蟲害唔知剪唔剪d老葉好(如果剪有咩要注意)，感謝大家
Pd.羅勒應該飲唔夠水，尋日未晾水只好買支蒸餾水頂住先，今日d葉好番好多，我見d土乾就比水，但羅勒吸水真係吸得好快!

香草好日照，我種過以上三款都可以全日照，好粗生，至於水份，人人種植環境不同，要自己揣摩，種得好，可以越種越大盆。

晾水是把水喉水放一天才用嗎？ 我都是直接開水喉淋花的，羅勒真的很喜歡喝水。但是否用蒸餾水沒那麼好呢？都沒有礦物質可提供植物使用。

羅勒好粗生的,唔洗咁嬌貴用蒸餾水,有條件就曬水先用,如果唔係直接用水喉水都無問題的

通常買返黎既羅勒入面會有好多棵苗,而D根又纏到D泥實曬,大部份情況都好難分開D苗,
我自己種羅勒既方法係將羅勒連泥膽成個抽出黎然後好似切蛋糕咁將佢地切開幾份(如果係你果盆我會一開四)
因為傷左根,為左要盡量減少水份流失我會將羅勒剪短一半同摘走部份大片既葉,留低D側芽,
暫時放係冇太陽直曬既位同保持泥土濕潤,如果你見佢冇軟到,夏天通常一個星期度就會開始見到D芽開始大,然後先去見太陽
但就算見到佢頭dup dup都唔洗驚住,將汽水樽個底剪走然後笠落棵野度當小溫室好快就冇事
而剪落黎既枝條扦插又得,食左佢都得

羅勒九層塔呢類香草修剪/食用都係由頂剪的,要將頂部摘走先會刺激側芽生長,
如果頂芽冇摘走佢地既側芽基本上唔會大,一直由下往上只摘葉食最後你只會得到一碌光棍
Keep住一路摘佢地頂芽佢地就會好似下面既形狀咁生,一開二,二變四,四變八....

   Y  YY  Y
     Y    Y   
        Y

如果係地植/花盆夠大仲可以將羅勒種成半個人高既小灌木