驅蟲分享 （紅蜘蛛 蚜蟲）

都種左幾年野，都深受佢地困擾， 果陣簡直憎死佢地，成日都咀咒佢地全家。試過辣椒水牛奶煙薰手捉都唔得，最後唯有等死...直到我買左玫瑰番黎唔甘心由佢地死，所以最後發現：
1. 打側盆野用花灑洗佢地葉底去沖走佢地
2. 用一舊舊番皂開水噴葉底（番皂屬中性，夠溫和唔太傷植物）。因為番皂水張力強可以包全成個葉底，蟲蟲都好易被sin 走，蛋都唔會留得低！
3. 再清水花灑洗走番皂，哩個時候大部分蟲蟲應該冇哂！？
4. 最後先用螨毒確保冇餘孽生存到
5. 其後枯幾日噴下螨毒/ 唔怕辛苦既可重複清洗步驟就唔洗用咁多毒藥
6. 好番後就懶，所以都係格星期噴螨毒一次

萬試萬靈，我兩星期冇理到玫瑰，搞到佢勁多紅蜘蛛都唔知！（遠睇仲有好多葉） 多到係蜘蛛網可以包哂葉頂，葉底黑點密密麻麻。 都係用以上方法救番生（仲有蟲咬痕跡係度 XD)。 各位加油驅蟲！

我都試過用你類似方法,用洗潔精開水起左成棵植物浸(過程有4份1植物之後幾日成死左),泥用滾水浸,但之後2星期又見到紅蜘蛛出現,好難搞...