以下純粹情感抒發,盡量唔講政治...
利申:我係和理非,不喜過主
心情仲未平服... 種植,都係想搵一片靜土
但琴日某個what's app種植群組內,某幾位「前輩」一而再,再而三咁傳來鬧某邊人士嘅訊息,有花友勸阻不果,我再勸阻就又俾人鬧。算嘞,退群!
至今心情仍惡劣嘅原因係,我對人性太有信心,以為花友都係理性,以為佢哋心情差鬧一兩句就會收口,但點知都係唔收口,佢哋已經係上咗年幾嘅女士,原來都可以咁冇品。唔理群入面有咩人、聽咗會有咩心情,只顧發泄自己不滿。
我都嬲自己傻,如果好似之前一位大大直接退群,琴日就唔駛俾人鬧啦。仲以為前輩係有教養、講道理,仲以為種植組可以只講種植嘢!
可能佢哋生活太幸福啦,有大屋住、大地方種植,經常旅行,唔理解今時今日好多人面對緊嘅民生問題,都唔願去理解。
我以為做前輩嘅係傳承經驗、知識,幫助年輕人面對困難,原來唔係嘅,原來得個鬧字。好失望,好想喊...
|