超市香草試種疑問

[複製鏈接]
作者: alexccs 发表于 2016-6-23 10:36:38
5667 25
本帖最後由 alexccs 於 2016-6-23 10:50 編輯

之前養過檸檬百里香同迷迭香, 都係花墟一盆買.  百里香1年左右無左, 迷迭香現在第3年左右.

上禮拜手多多響city super買左百里香枝條($9), 選取其中較大株的枝條試浸水養根, 放窗邊無直接日照, 到近日每株有兩三處出到根5mm左右.  前晚將其中三株插落盆, 但今日有大概一株半頂芽開始垂頭變軟... 泥我用花寶仙人掌泥.

係咪太急落盆, 應該等根再生長少少?
現在仍水中的枝條反而無異樣

定係泥全濕=太濕?

有無需要清舊葉同剪頂芽?



謝謝~
alexisho 發表於 2016-6-23 12:59:57 |顯示全部樓層
無試過但以我所知
水耕根比土耕根脆,呈透明或白色,較粗,含水量高
水耕轉土耕,植物要重新適應新環境,一個水份不是無限供應的新環境
用泥埋它的時候要輕手,見過有人用半水耕再改全泥
根長一些再改土耕比較穩陣
alexccs 發表於 2016-6-23 13:47:49 |顯示全部樓層
咁希望死唔去啦, 過兩日再report.

alexccs 發表於 2016-7-7 00:48:35 |顯示全部樓層
本帖最後由 alexccs 於 2016-7-7 10:35 編輯

DSC_000001(6).JPG

觀察了幾天, 沒有再垂頭, 看來總算種活了, 3枝有2枝活下來.  包裝寫係以色列產的.

同場加映
DSC_000001(7).JPG
從種了3年種到好殘的迷迭香剪一截較靚落黎浸根, 打算重新種過, 等左3個禮拜終於見到一條根, 剛落少少泥, 希望 weekend 落盆會易d適應.

DSC_000001(10).JPG
年頭hr同事幫公司去花農度買桃花在人家田邊拔了少少薄荷在公司窗邊水養, 生得幾好, 我剪了一截試浸, 第2個禮拜開始有根, 都係準備落盆

點評

恭喜恭喜! 加油呀 !  發表於 2016-7-11 18:48
alexccs 發表於 2016-7-14 14:23:38 |顯示全部樓層
本帖最後由 alexccs 於 2016-7-14 15:37 編輯

小迷迭香開頭見有細撻白色(上面張相都見到)以為係水有雜質乾左殘留, 點知愈來愈大撻, 連百里香都有d舊葉變白, 拎迷迭香去顯微鏡度睇再同網上照片比較, 應該中左白粉病....    今晚開始試下淋蘇打水睇下清唔清到...
alexccs 發表於 2016-7-14 22:19:59 |顯示全部樓層
本帖最後由 alexccs 於 2016-7-15 00:04 編輯

補相:

遠睇唔覺眼:
pm5.jpg






要有心理準備, 顯微鏡看會核突左:










估計係霉菌的菌絲
pm1.JPG
侵蝕緊...
pm2.JPG


正常部分:
葉背, 水珠為分泌的香油
pm4.jpg

葉面
pm3.jpg



百里香:
葉尖被吃掉了
pm6.jpg

正常部分:
葉背, 水珠為分泌的香油
pm8.jpg

葉面
pm7.jpg
one2three 發表於 2016-7-14 23:53:40 |顯示全部樓層
本帖最後由 one2three 於 2016-7-15 00:18 編輯

我果盆同你小迷迭香同一命運丶之前葉面出現白色一撻撻。試過用百箘清5得
之前緑油油好靚
2016-03-21 白粉病.jpg

衣加好似枯枝甘、、、
唔知點算
2016-07-14.jpg

希望你分享下經驗啦,謝謝


alexccs 發表於 2016-7-15 00:59:58 |顯示全部樓層
本帖最後由 alexccs 於 2016-7-15 01:01 編輯

枯到咁樣都好難生得返 ... 或者掉轉諗係其他方面出事所以先俾真菌入侵... 夠唔夠日照, 淋水習慣, 泥合唔合適等等, 只殺真菌治唔到本

咁啱手上有蘇打粉, 就自己開白粉病藥水, 網上見到一堆配法, 家下跟緊呢個, 連續噴幾日睇下.

"小蘇打粉一湯匙,橄欖油二湯匙,乳化劑5%或蔬果清潔劑一湯匙,一加侖的水,先將小蘇打粉一湯匙,橄欖油二湯匙,乳化劑5%或蔬果清潔劑一湯匙混合振盪後,再加入到一加侖的水中稀釋,噴撒葉片正負兩面,初起白粉病的葉片,效果更明顯,只用了一次就已經根除。 嚴重的葉片四天可根除。 第一天用藥水噴撒葉片正負兩面,第二天用清水沖洗葉片,如此返複在四天可根除。 小蘇打又叫碳酸氫鈉,水溶液呈鹼性,分解後放出二氧化碳氣體。 許多病害如白粉病、炭疽病、番茄葉黴病等,其病原真菌在鹼性條件下很難生存。"

one2three 發表於 2016-7-15 06:59:26 |顯示全部樓層
本帖最後由 one2three 於 2016-7-15 07:32 編輯

種左都近成年,近來太熱啊。
5比迷迭香直接暴曬太陽,散光曬太陽
淋水習慣就3天一次,因迷迭香5中意太濕泥丶會爛根

5知道迷迭香典解無啦啦野到細菌入侵...搞到葉面出現白色一撻撻...失控...等C咁。

小心細箘會一paul野一paul架
我叧一棵迷迭香、、、哎呀 心酸
2016-07-15.jpg
泥面白色果D糸‘百箘清‘

睇下你刹箘方法有無校丶
謝謝你分享方法
alexccs 發表於 2016-7-15 10:08:21 |顯示全部樓層
本帖最後由 alexccs 於 2016-7-15 10:33 編輯
one2three 發表於 2016-7-15 06:59
種左都近成年,近來太熱啊。
5比迷迭香直接暴曬太陽,散光曬太陽
淋水習慣就3天一次,因迷迭香5中意太濕泥丶會 ...


泥上面百菌清粉狀? 上網睇百菌清好似要開好多水先用咁? 無開水會唔會傷到根

品名:百菌清
淨含量:80克,1000克
有效期:2年(不開封)

產品說明:百菌清屬於低毒殺菌劑。純品為白色無味粉末,是廣譜、保護性殺菌劑。作用機理是能與真菌細胞中的三磷酸甘油醛脫氫酶發生作用,與該酶中含有半胱氨酸的蛋白質相結全,從而破壞該酶活性,使真菌細胞的新陳代謝受破壞而失去生命力。百菌清沒有內吸傳導作用,但噴到植物體上之後,能在體表上有良好的黏著性,不易被雨水沖刷掉,因此保護作用久。

防治對象:用於防治各種真菌性病害如黑斑病、霜黴病,銹病、灰黴病及炭疽病,葉斑病、葉銹病,晚疫病、早疫病,葉黴病、炭疽病 、葉枯病、葉焦病及白粉病,大斑病,褐斑病、黑斑病,黑痘病、果腐病,黑星病、旱期落葉病、輪紋病、黑星病,褐腐病、瘡痂病、縮葉病、穿孔病、瘡痂病、沙皮病,紋枯病,斑點落葉病等。

使用方法:本品稀釋500-800倍液,視病害發生情況,每隔7天左右施藥一次,可連續用藥2-3次,施藥時要均勻噴透。

注意事項:1、配藥時,配藥人員要戴膠皮手套、口罩,嚴禁用手拌藥。2、施藥人員要注意個人防護,不能用手擦嘴、臉、眼睛。工作後要用肥皂洗手、臉,並漱口。3、盛過農藥的包裝要集中妥善處理,不可作他用,也不可隨意丟棄。4、藥品應貯存在兒童觸及不到的地方。
one2three 發表於 2016-7-15 15:07:47 |顯示全部樓層
系須要稀釋桇,但都就C囉。
傷5傷到根都試一試囉。
alexccs 發表於 2016-7-19 23:50:10 |顯示全部樓層
本帖最後由 alexccs 於 2016-7-25 10:02 編輯

白粉病3天一個周期 - 孢子落在有機物上萌發菌絲, 菌絲再長出孢子為一周期.

即是說如果能夠清理已發的真菌, 再三日內將落在植物上的新來的孢子殺死/沖走, 加上鹼性不利真菌生長, 就可以大大減低感染率.


下面只係記錄, 有d隨心, 亂來:

頭2次隔日用蘇打水+油+洗潔精,

day 1 蘇打鹼性溶液 > day 2 清水 > day 3 蘇打鹼性溶液 > day 4 清水 咁噴

然後發現我有支寵物展買的安全消毒液過左期, 查成份位"次氯酸", 可殺真菌, 又唔太毒
到第二次噴清水見到白色仍然沖不走, 就用棉花棒沾次氯酸抹走.
之後反正都用了次氯酸, 就近兩晚改用次氯酸噴完等1小時左右就再噴清水.
暫時未見有反彈. 不過迷迭香是死是活還是未知, 沒有枯也沒有長...

update: 發現白粉霉洗極都有翻生, 代謝太慢無新葉生出黎, 中招葉片又不可能話剪就剪, 噴野刺激到佢木質化又更難長新葉, 兩難狀態

DSC_000001(13).JPG

百里香直接剪走變白葉片, 同迷迭香一樣咁噴, 似乎無影響, 照長高.

DSC_000001(11).JPG

薄荷每晚噴清水沖涼預防, 生得幾好添

DSC_000001(12).JPG


關於次氯酸(hypochlorous acid), google 找到香港生產力促進局的專題:

保障食品安全 次氯酸「高招」消毒

早前發生的三文治中毒事件相信大家仍然記憶猶新。香港氣候潮濕,食品容易繁殖細菌,增加食物中毒的風險。近期亦有鮮奶因含菌量超標而下架,可見若食肆、廚具或食品加工場所衛生欠佳,成為細菌滋生的溫牀,影響食品安全及市民健康。

現時食品加工業一般使用臭氧、漂白水或酒精為工場及工具清潔及消毒。不過,漂白水若濃度太高卻帶腐蝕性;加上氣味濃烈,會刺激黏膜、皮膚及呼吸道,威脅健康。至於酒精,有效的濃度為70%至75%,可令細菌的細胞脫水達至殺菌效果,但卻無法對抗孢子病毒。

部分美國及日本等海外業者會使用次氯酸殺菌,即使是低濃度的微酸性次氯酸,已能有效抑制一般細菌、致病性真菌、病毒、芽孢菌等各類微生物生長。

微酸性次氯酸的酸鹼值介乎5.0至6.5,與人類皮膚的酸鹼值相近,對人體無害,為美國食品及藥品管理局(FDA)認可的食品級殺菌劑。

低成本系統 適合食肆及蔬果消毒

然而,生產次氯酸的設備成本高昂,加上本地食品業對次氯酸認識不深,故現時香港食品業並未有業者採用次氯酸消毒。

為協助業界採用次氯酸消毒,香港生產力促進局(生產力局)成功研發低成本,製造次氯酸消毒劑的「次氯酸食品消毒系統」,成本只是外國引入同類系統的四分之一。

此系統亦可以用來清洗蔬菜,對消除農作物上殘留的農藥,效果極好。生產力局曾以蒜頭、蘋果、椰菜等多種類型的蔬果進行測試,結果顯示,使用微酸性次氯酸浸洗的蔬果,無論顏色、質感和氣味,均與以自來水浸洗的無異。

這項低成本次氯酸食品消毒系統,運作成本低至每公升港幣1仙,合乎成本效益。這個新科技有助食品業減低食物安全風險,保障「為食」的香港人。
Ever_green 發表於 2016-7-24 13:05:41 |顯示全部樓層
讚,謝分享。
powergun 發表於 2016-7-24 14:35:14 |顯示全部樓層
呢個主題唔錯, 得閒我都去 city super 買返D香草返黎試下種
alexccs 發表於 2016-7-24 23:45:51 |顯示全部樓層
本帖最後由 alexccs 於 2016-7-24 23:59 編輯
powergun 發表於 2016-7-24 14:35
呢個主題唔錯, 得閒我都去 city super 買返D香草返黎試下種


city 百里香真係得左.

不過自家迷迭香都係唔得架啦, 發現白粉洗極都翻生, 代謝太慢無新葉生出黎, 中招葉片又不可能話剪就剪, 噴野刺激到佢木質化又更難長新葉...
powergun 發表於 2016-7-24 23:50:59 |顯示全部樓層
alexccs 發表於 2016-7-24 23:45
city 百里香真係得左.

不過自家迷迭香都係唔得架啦, 發現白粉洗極都翻生, 代謝太慢無新葉生出黎, 中招葉 ...

百里香應怕熱的, 依家34度, 恐怕高危的

迷迭香反而應該較易種的

點評

我家就百里香愈來愈好...  發表於 2016-7-25 00:04
antpple 發表於 2016-7-24 23:57:16 |顯示全部樓層
新塵代謝太慢因為太熱,今年新年之前得果十度,生到巴巴聲呀
迷迭香真係好難種,特別衣加咁熱的氣候。
仟插枝條須在合適的天氣温度
楼主繼續努力加油

點評

如果救唔返, 秋天再try  發表於 2016-7-25 00:12
powergun 發表於 2016-7-25 00:12:27 |顯示全部樓層
antpple 發表於 2016-7-24 23:57
新塵代謝太慢因為太熱,今年新年之前得果十度,生到巴巴聲呀
迷迭香真係好難種,特別衣加咁熱的氣候。
仟插枝 ...

你講生到巴巴聲的是百里香嗎? 依家如何?

點評

生到巴巴聲的是迷迭香  發表於 2016-7-25 01:42
powergun 發表於 2016-7-26 16:38:08 |顯示全部樓層
我今日都買左d 試下
DSC06503.JPG
DSC06501.JPG
DSC06502.JPG
alexccs 發表於 2016-7-26 17:17:58 |顯示全部樓層
本帖最後由 alexccs 於 2016-7-26 17:21 編輯
powergun 發表於 2016-7-26 16:38
我今日都買左d 試下


我浸水出根先落泥呢, 都要個幾禮拜先有根, 我怕你直接插等唔到出根乾死.  

同埋超市香草放左雪櫃可能會有d乾, 可能成棵浸落水一陣補返d水份先落泥會好d.

或者反正咁多, 揾多幾枝浸水分散投資.

會煮黎食嗎? 我上次有部份用左去炒蛋

點評

好呀  發表於 2016-7-26 17:31
12下一頁
您需要登錄後才可以回帖 登錄 | 註冊

本版積分規則

見習花友
  • 2

    主題

  • 30

    貼文

  • 0

    FANS

花友的新貼文

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.