請參考下面相片。<--俾你知道我秘密添 ww
主要有兩款, 一款白色格格網, 另一款小白色架子, 我平日會將D 小空鳳放在架子上面 (注重通風關係唔會放太密, 浸完浴會乾身後先放返上去)
中型, 或有鐵線的就直接吊起/鈎上格格網。
一個格格網都放到幾多架仔的, 但當然如果你冇咩位, 就咁一個架仔, 搵個地方鈎住都OK。
另外格格網都好多大小尺寸選擇, 有更窄長的可能比較啱你。
我好變態, 夾硬吊個格格網在窗邊 (面向窗), 就安置到好多空鳳了~
其實12蚊店仲有小藤籃 (好淺身所以唔焗) 我都有用來放空鳳。 |