斷食和健康

上星期去了在台南的7天斷食營.

上星期五離開台灣的斷食營了，手機被收七天終發回給我. 相信是我擁有手機以來第一次7天沒有手機，在沒有手機的生活, 沒了牽掛，沒了手癢上網的心癮，真正完全放鬆，感覺非常良好。

這個營就是用斷食、瑜珈、學習自己正骨去排毒及創造更健康的自己.

可能大家也聽過「蘇老師自然療法之家」。主辦人蘇爸爸蘇媽媽的生活很清簡，沒有豪華裝修，沒有名牌衣服，東西都是重用到底，觀察到他們的生活很是愛護地球。

他們的住處是我們營社的G/F, 看來最好的樓上位置已送給學員，工作室和睡房就對著最吵的行事地方「飲水之地」。大家聚在一起喝檸檬鹽水、聊天談是非的地方，蘇爸爸蘇媽媽可能都聽到了，對著我們卻永遠帶著微笑和正能量，我心裏甚是欣賞和感恩.

好多不同地區的華人或家庭來斷食和排毒。親眼看到重症病患者來營斷食和分享，有前參加者，病患痊癒了再來斷食；有工作忙碌的營友，是為著回歸放鬆的簡單生活而來. 學習自己正骨和排毒是我今次最大得著. 大伙兒一起改變日常生活影響健康的壞觀念，好難得.

在營內每日認真做yoga ，多次拉筋，受傷的膝蓋已柔軟很多。拍打四肢出了很多瘀青，舊患和淋巴也鬆了。

賣個關子，營內除了一位男性為了排毒去改善皮膚問題，其餘所有男性都在7天內掉了3.5-5.5kg. 我無乜脂肪都居然輕了2.5kg.

呢個方法超級低成本的.

學習了當然要和花友分享下, 報告在以下的帖.

簡易便宜去減肥 & 改善胃痛胃酸漲氣方法。

先説平常生活稍為注意便做到的減肥法：

1）每餐6-7成飽

2）早餐多一點，晚餐少一點，甚至一天早午餐便算了。

3）睡前2-3小時不吃了。

4）每口飯咀嚼數十下才吞，咀嚼會產生口水，咀嚼同時令下巴神經線指示身體輸出消化酵素，二者都會幫忙胃道消化，消化酵素入腸又可以幫助生長益生菌⋯⋯
我學會後，已改成習慣咬30-60下才呑下食物，發現沒胃痛問題了，而且快了出現飽肚感。

5）飯水要分開吃。湯不當是水、茶呀咖啡的只能當一半水。不要一啖茶一啖飯，會溝稀胃正消化固體食物的胃液。
清水入胃是去清理血管血液垃圾及補充身體水分，然後去尿道，所以吃飯時飯水會容易溝稀胃正消化固體食物的胃液，加重胃的負擔，也容易造成胃酸過多及漲氣。（我改變習慣後真的少了胃痛問題）
特別要在飯前後一小時才好飲水。

6）一天3000cc 水。有皮膚病的要喝更多。

7）早上喝最多的水，午餐後一小時後再大量喝水。

8）不用等口渴才喝，因為口渴訊號其實已是最後的警告訊息。

9）大口喝多多水，有水力清垃圾，排毛孔垃圾，改變習慣的初期可能會出多了痘子，因為水力會推出體内垃圾。

10）淸淡是福。素食最好，多吃水果。五食清菜果湯就一餐。

到戲肉～

想減肥，排宿便及排毒是必要。
有input 當然有output, 日日食的東西，只需留1g在體內，一年都365g 了，何況通常不止1g積在腸內，日積月累，估你唔到咁多架。

積到咁上下，身體受不了，就要靠生病進行大掃除，所以排毒對付病患也相當有效。我不算肥也排掉 2.5kg 垃圾，排毒後就算不吃東西，仍然精神，排毒對健康真的很有益。

事前準備：
最好預2-3天，不能的話也至少1-1.5天。
必須放鬆心情，放下工作去享受。

材料- 檸檬、天然海鹽、清水（Not蒸溜水）
工具- 量杯、大玻璃杯

檸檬：水：鹽的比例
1000cc 水：1-1.5個檸檬：粗海鹽約一大湯勺
（入口明顯覺得咸，似一個不太咸的咸蛋）

1）我們第一天是2000cc 檸檬鹽水，第二天1500cc，第三四五六七天1000cc. 30-45min內飲完，痾後 1小時內喝1000-1500cc 清水，清走多餘鹽份。

2）喝檸檬鹽水後，我們會起來行圈、拍肚子、按摩肚子，以水摩擦胃腸，增加蠕動，加速排。這幾天，基本上40人全部都在喝完檸檬鹽水後1小時內有便.

3）如果當天不吃東西，必須不時大口飲清水或檸檬水至少3000cc，有皮膚問題者要喝更多約4000-5000cc, 最好加檸檬。

4）如果只想單排毒不斷食，可選擇輕鬆的日子進行，必須在早上空肚進行，然後當天清簡素食，一定要禁糖、咖啡、牛奶。

不斷食排毒宜連續數天進行。

5）多少天才見宿便？
因人而異，越肯走動，多動手腳，排毒力量越明顯。

斷食排毒有機會出現各種排毒反應，通常首2-3天出現，反應因人而異，例如我本身有胃酸漲氣，排毒頭2天打嗝N次，時也會大量排氣。

可能本身手腳曾受傷，第二天睡到半夜成身酸痛，起床時手腳無力，靠意志力頂著完成早操，非常口乾，飲了2杯檸檬水，立即起動去拉，還大量排氣。去完廁所踏出花園個刻，噢～ 腳踏有力，呼吸暢順，生猛曬。再飲1500cc檸檬鹽水拉一次，生龍活虎，哈哈～ 可能是排走了體內漲氣及四肢酸毒吧。

關於皮膚

營內有個年輕男學員，半年內第二次入營。
他本來全身嚴重濕疹，無名腫毒。第一次出營後回家有持之以衡，不久便沒有因痕癢失眠，皮膚吸收足夠水分，舊皮膚脫落，皮膚見到明顯改善，所以他決定再入營排毒。

他和我也覺得原來一般的我們都喝不夠水，其實每日3000-4000cc 水才夠（不計湯咖啡奶茶），多飲水和懂飲水，對皮膚非常好。

我也有皮膚問題，乾燥、敏感、無名出疹、不同時辰痕不同位置、最近眼角出現敏感紅腫痕癢，別人還以為我化妝

大部分人爲了減肥去斷食，而我是為了排毒。經過七天斷食及復食，每天都有便便，排毒反應到回港還繼續頗激烈。
排毒反應因人而異，我的反應有手腳痛、嘔氣、口酸；也試過四肢冰冷，凍到震，要曬太陽 及走動去加速排寒。

Q) 有人疑惑飲咁多鹽，身體會不會排不走。
A) 空肚飲檸檬鹽水是會去了大腸，加了鹽是增加水壓，為胃腸消炎，檸檬鹽水也會扯出胃腸內細胞水份及毒素，經大腸一齊排出體外，所以飲完檸檬鹽水出的便便會同時排好多水。
記得必須短時間內完成檸檬鹽水，期間多動身體，按摩或拍肚幫助蠕動去排便。排便時會發現鹽水一併經大腸排出。便後須在1小時內飲1000cc 清水再沖洗乾淨胃腸多餘鹽份及垃圾。

@@@
以下是我七天斷食內容以供參考：

第一天：素菜湯
二：無食：2000cc 檸檬鹽水+淸水/檸檬水1000cc , 下午晚上3000-4000cc 淸水/檸檬水
三：無食 1500cc 檸檬鹽水+淸水/檸檬水1000cc , 下午晚上3000-4000cc 淸水/檸檬水
四：無食 1000cc 檸檬鹽水+淸水/檸檬水1000cc , 下午晚上3000-4000cc 淸水/檸檬水. 我選了12:00後無水斷食，加強排毒。
五：復食（素菜湯, 水果汁，分四餐，每次200cc）早上空肚1000cc 檸檬鹽水+淸水/檸檬水1000cc , 下午晚上3000-4000cc 淸水/檸檬水
六：復食（素菜湯, 水果，半固體）
1000cc檸檬鹽水+淸水/檸檬水1000cc , 下午晚上3000-4000cc 淸水/檸檬水
七：復食（固體）1000cc 檸檬鹽水+淸水/檸檬水1000cc , 下午晚上3000-4000cc 淸水/檸檬水

@@@
濕重和水腫是因為飲水不足，細胞儲水自救導致濕重和水腫，所以更加要喝大量水！

@@@
只去尿不去便是飲和食的時間要配合

平時飲食，清水和茶湯另計的，水和飯的時間要分開1小時（有學說更建議分隔2小時才飲淸水）。

@@@
好難飮那麼多水？

早上飲最多水1500cc

下午lunch 不喝水，tea time 不吃，喝大約1000cc水 ，3-6pm 喝水最佳時間
（有學說指12:00後喝水可儲陽氣）

晚上500cc水

其實不難.

@@@
怕飲得水多會尿頻，怎麼做好？

最好一次過飲2-300ml, 甚至500ml, 除了可以沖洗胃腸多餘胃酸和殘渣，這個飲法不會分咁多次上廁所。

多謝水母大大分享~!

聽唔少斷食對身體嘅好處

一直都冇勇氣嘗試......

怕唔知身體可唔可以支持得住

你寫得咁詳細好似上咗一堂咁

了解多咗好多喔~!!!

sherimavis 發表於 2016-4-1 11:24
多謝水母大大分享~!

聽唔少斷食對身體嘅好處

驚自己做不來的話可以去台南呢個營試下, 蘇老先生和他妻子好好人, 他們會不厭其煩地指導大家鼓勵大家的.

而且營社在農田間, 非常清幽, 可以去放鬆下做下人生另一種出世的活動.

jellyfishy 發表於 2016-4-1 12:10
驚自己做不來的話可以去台南呢個營試下, 蘇老先生和他妻子好好人, 他們會不厭其煩地指導大家鼓勵大家的.  ...

點樣可以同佢地聯絡喔 ~

水母依家會唔會覺得身輕如燕 , 健步如飛呢

識兩位台灣朋友,一年都斷食幾次,以前睇弘一大師傳,也極力推崇斷食,心境會更澄明,不過我未試過

7天?

要好大恆心呀

sherimavis 發表於 2016-4-1 12:18
點樣可以同佢地聯絡喔 ~  

水母依家會唔會覺得身輕如燕 , 健步如飛呢   ...

唔係賣廣告, BUT我的確有做事前資料搜集. 呢個營費比香港及內地幾個斷食營都來得清簡和價錢合理, 沒有宗教背景, 營社簡陋, 大家要有心理準備, 我來說正合脾胃.  
斷食同時修心, 似去修行, 沒有電視電話電腦電玩.... , 只有鳥語花香和大伙兒便便時的來香 . 什麼都清簡和簡單. 這七日, 唔計便便  係我人生造最少垃圾俾地球的七日.

網頁:蘇老師瑜伽斷食體驗營
http://www.fasting.tw/

部落格:蘇老師自然療法之家（這裡有「蘇老師斷食營導覽」，歡迎參考）
http://ramkumartw.pixnet.net/blog

jellyfishy 發表於 2016-4-1 13:57
唔係賣廣告, BUT我的確有做事前資料搜集. 呢個營費比香港及內地幾個斷食營都來得清簡和價錢合理, 沒有宗 ...

唔該晒喔~!!

有時間就慢慢研究吓先

好多年前都聽過斷食療法，覺得真係要好有決心同堅持，多謝分享

想請問一下。。1000cc 水：1-1.5個檸檬：粗海鹽約一大湯勺 ，湯勺係指湯匙，定係真係ladle 湯勺？

湯匙


我都有久唔久(不經覺) 斷食，雖然冇飲檸檬鹽水，但唔食野幾日都覺得個人反而精神咗同冇咁容易餓，同埋個人會集中d，但身邊冇乜人信 (不過再餓多幾日就會開始暴躁)。不過我怕咁飲檸檬水會唔會好傷牙？ 我以前有一排日日都飲檸檬水，不過係1L 水 0.5-1 個檸檬到啦，但飲咗一排，d牙開始覺得好削，後來上網睇到話其實好傷牙(本身d牙已經唔靚) ，就冇再飲啦。。
但如果傷牙唔計，我都好有興趣一試呀～

檸檬水要走糖, 怕傷牙, 可以檸檬水後再喝清水.

哈哈哈唔緊要～ 謝謝你解答就真  唔該曬唔該曬

Salt 發表於 2016-4-5 12:09
哈哈哈唔緊要～ 謝謝你解答就真  唔該曬唔該曬

記得飲完檸檬鹽水一定要快D 飲番大量清水沖走體內多餘的鹽份.

關於口腔護理和牙齒, 有無試過OIL PULLING, 好多朋友和花友用完都話D 牙靚左.

jellyfishy 發表於 2016-4-5 14:42
記得飲完檸檬鹽水一定要快D 飲番大量清水沖走體內多餘的鹽份.

關於口腔護理和牙齒, 有無試過OIL PULLIN ...

其實我早排咁啱見到你其中一個帖講起budwig diet，跟住我睇下睇下。。好奇之下又試緊啦 不過啱啱開始冇幾耐者，諗緊可唔可以一兩日budwig 跟住跟你呢個帖試下有計畫咁斷食，而唔係平時咁樣唔覺意幾日唔食野（已經好耐都冇試過)。不過可能要過多一排先，等我忙完呢排準備好再實行。近來飲緊溫泉水，pH 好高，唔知會唔會對個recipe有影響，所以可能要睇睇係咪換一種水先可以試。我呢到大廈水管麻麻，成日見到d 水有鐵銹 屋企人又一直拖冇裝filter。真係要諗諗。。

oil pulling 我都有聽聞過，但係冇試過呀～ 真係有用？ 因為我覺得我未必可以堅持到日日半個鐘係咁o係到拉油。但如果你地話有用我一個好奇可能真係又試o家 園館真係好好玩，又有得睇植物又有咁多bonus o野睇

Salt 發表於 2016-4-5 19:07
其實我早排咁啱見到你其中一個帖講起budwig diet，跟住我睇下睇下。。好奇之下又試緊啦 不過啱啱開始冇 ...

是啊, 要有時間和心理準備, 最好是用輕鬆的心情去面對排毒, 身心細胞才會放下自我保護意識去排出毒素架. 我們在營內斷食時, 人地三餐食飯我地就拉筋YOGA及靜坐, 甚至在行下田和山, 讓身體放鬆下, 吸多D 新鮮空氣, 個肚都飽D.

oil pulling 呢, 我都無咁多時間做30MIN, 最多都係15MIN咋, 本住個信念"有做好過唔做"~
我個習慣係晚上洗澡前15-20MIN OIL PULLING, 和/或早上起床做, 期間執下屋, 晾衫, 洗碗, 上網, 煲水, 準備家人的食品.... 時間就會好快過. 試過幾種口內郁法, 發覺用咬食物扮咀嚼去做PULLING, 似乎對排毒和胃的健康頗有用. 這只是個人感覺, 無數據分析的.

低成本新發現！
斷食回來後一直好上火喉嚨發炎，老師說是氣血開始活，衝個別瘀塞經絡就會出現排毒反應，我頸部經絡可能較塞，所以不通上火。
連日洗腸0水按摩精油都未解決，昨天仲要無便便。今早整酵素時發現廿多年前婆婆浸的咸柑桔，就決定今早試試咸柑桔1000ml代替檸鹽水。
915am 公司，2粒咸柑桔+1000ml水, 一小時內有2次便便！同時減少了喉嚨痛！正！

大家可以試試，再分享下心得！

Note:
@2粒咸柑桔溝1000ml水其實唔咸，可能3粒效果會好d。

@記得柑桔水後，要立即飲番多d淸水排走多餘鹽份。要在1hr內飮清水1000ml！
作用除了排鹽，細胞其實也因鹽扯出毒，所以細胞水不足，會口乾，這個時候更加要喝清水。

@呢2個星期不停加力去便便排毒，雖仍有排毒反應，如關節無名痛、皮膚痕癢、眼腫、情緒反應、etc. 但狀況比以往好得快左，腳傷也比預期快了康復（半月板撕裂，6星期後可以行幾百級梯的双崗山，完成後自己也覺得神奇）～

希望好事繼續來

jellyfishy 發表於 2016-4-6 09:33
是啊, 要有時間和心理準備, 最好是用輕鬆的心情去面對排毒, 身心細胞才會放下自我保護意識去排出毒素架.  ...

我將成個帖由頭開始又再睇多咗次，好似又理解多咗d  想請問下第7日復食固體，係咪都係應該偏清淡？ 尋日諗起以前睇過bbc 一條片，係講斷食對igf1 嘅影響，o個時就已經好有興趣試，但唔太一樣，佢只係斷食，我只係咁啱諗起o者。我想自己試下檸檬鹽水成唔成功，又想畀阿媽睇下成效，若佢可以親眼睇住我見效，可能會令佢有興趣試。阿媽有高血壓，又成日關節痛，但我諗如果佢試應該我都會叫佢同醫生講下先。因為始終鹽係咪會影響血壓都仲係debate緊，雖然醫生多數會跟傳統research 話會升高。我地食得好唔健康，多數都係外賣。我覺得斷食呢樣唔係就咁試一兩次，係成個lifestyle change，要好大commitment，所以想自己心理準備好先，雖然可能唔堅持得好耐又會打回原形，但起麻試過個過程，以後想再次嘗試都唔會好似要登山咁難。同時希望自己心理準備好，唔好因為幾日唔習慣唔舒服就放棄。希望久而久之，可以將生活習慣改變。

另外想問一個詳細少少嘅，因為見到你話可能飲完檸檬鹽水會排幾次便，咁係點計排完便之後一小時飲1L 水？因為係唔會知係唔係最後一次o家嘛  定係30-45分鐘內飲曬全部檸檬鹽水後嘅第一次排便後開始計一小時？

咸柑桔水都畀你諗到  聽落又幾吸引喎。如果同理，咁。。咸檸係咪都得呢？ 我幾鐘意飲咸檸o家  不過第一次試我都會乖乖地跟返檸檬鹽水先嘅

oil pulling 你係咪都係用coconut 油？ 係我就去馬啦  呢個冇咩commitment 可以幾時試都得