果树求救

前幾日用剪草機割草，不小心打中棵蓮暮苗樹幹的及全被打脱，圓周光秃秃，樹苗还有救嗎？

樹幹的皮約有二寸高，環繞樹身全脱掉

蓮霧？棵苗有幾大？

有米半高了，樹幹粗直俓一寸，樹皮全打掉，可否用植皮方法？

edmond22 發表於 2015-12-4 00:02
有米半高了，樹幹粗直俓一寸，樹皮全打掉，可否用植皮方法？

估計係1-2年o既高壓苗，未見過棵苗，唔知受損程度有幾深
你講o既植皮即係套皮接，因苗木樹皮被打掉，形成層已遭破壞，所以冇得套接
如要保留傷口以上部分就要進行根接，或者將傷口對下整枝幹鋸掉，從新接上接穗
受損至今已好幾日，如果枝葉冇蔫耷徵象的話
不妨試吓用植物傷口癒合劑塗抹受損部位，以防受到真菌感染，等佢慢慢康復

很詳細，謝謝分享，傷口有成三寸寬，全斷口分開，仲计都難長活，以一星期，枝葉未有下耷，你说的根接是怎樣？是否用泥包住傷口令其生根，再移種地下？

如要其傷口癒合，仲计也難，因傷口大長

edmond22 發表於 2015-12-7 08:41
很詳細，謝謝分享，傷口有成三寸寬，全斷口分開，仲计都難長活，以一星期，枝葉未有下耷，你说的根接是怎樣 ...

用泥包扎傷口令其發根o既方法係高空壓條法，依你所述，樹幹傷口太大又唔整齊，此方法都係唔適合
過咗咁多日都冇脫水跡象的話未必冇得救o既
根接方法係將樹幹傷口對上樹皮接入粗度合適o既根，根o既下方用盆種，此法係以接合o既根將水及養分往上輸送
仲有一種係搭橋法，按樹徑大小決定接入枝條數量，每枝接條頭尾都要碓保接活，難度相當高
好多時將棵樹離地幾吋截去，過冇幾耐會o係切口下方長出新芽，呢o的就係嫁接後經常要抺砧芽o既原因
因為冇見過棵樹，唔知實際情況，初時提議o係傷口塗癒合劑係參考以下連絡文章末段o既 “MINOR INJURIES“

Bridge Grafting and Inarching Damaged Fruit Trees

太好拉，謝謝squarehead 兄的指導，看過文章後覺得用搭橋方法試一試，個情況跟文章中提及的一样，只是未試過做這種手術，但理論上行得通。我覺得你對這方面相當有研究及經驗，唔知squarehead 兄可否出手相助，做這個手術，幫我的樹苗重生，

果苗樹皮受傷跟圖片相似

今天同树苗做了接皮手術，比想像中困難，第一張相是之前受傷时即时用其它皮植上去，今天看还很青綠，没有乾，今天再用搭桥方法駁多几条上去，希望能成功，盡左力救佢，以後就睇佢嘅生命力

睇枝葉，棵苗o既情況又唔係太壞，不一定要非做手術不可，按一般情況，處理好傷口再觀察一段時間便可
師兄加上去o既樹皮同枝條係咩樹種？

都係同样品種，在其它樹苗取下的。因樹幹全部皮全脱掉，担心遲下會死亡，所以還是盡力救一救

這是天桃果樹苗，台湾叫蓮暮，我種了六稞，死了一稞

扎得好穏陣，還剰五棵，大戶啦
睇棵苗好精神，仲係地栽添，邊有咁易bye bye

我現身在日本，手多多拆下他們的国花一樱花枝條，準備带回香港接枝，如果成活就可在家賞樱了

c兄家種了什麼果樹？可以分享下嗎？

edmond22 發表於 2015-12-14 23:14
c兄家種了什麼果樹？可以分享下嗎？

都係d普通o野，數量唔多，有龍眼、茘枝、黃皮、番石榴、芒果……

蓮霧

edmond22 發表於 2015-12-14 23:12
我現身在日本，手多多拆下他們的国花一樱花枝條，準備带回香港接枝，如果成活就可在家賞樱了 ...

似冒花芽，請問師兄從何途徑取得櫻枝？

都是非法得來的，你不要问得太仔細拉，我会有犯罪感的