新手養植森樹，家樂花，網紋及多肉，有問題,有圖

各位花友，我係花墟買左幾盆野番黎，但唔係好識打理，如圖
全部都係10月22日入手既，森樹，網紋，多肉同家樂花全是科學泥，擺窗台，有通風及太陽曬，養植方法如下:
1)森樹，網紋，家樂花大約1，2日泥乾淋透水

2)多肉(唔知係咪叫黃麗，12蚊盆),泥乾一星期淋一次

問題就係唔知家樂花做咩，頭一星期都開得好快，而家都一個月喇，開得慢d，同埋望落去瘦d同唔夠燦爛，咩原因呢？係咪種既問題(平野黎應該唔係荷蘭種)？日日都有太陽曬同泥乾先淋透水架。D花謝左點剪，剪邊度，同幾時剪呀？幾時落肥先岩？落丸仔肥？

森樹同網紋幾時落肥呢？係咪落觀葉肥? 我唔想種死曬d植物呀。。就冬天了

家樂花我都未種得掂, 室內極難種的, 只知唔好一兩日就淋, 太多水實死的, 一星期最多一次好了

森樹一星期1-2次OK喇~~
我就係狼死淋多左次就玩完

家樂花唔難種啊。你找個最晒的地方給它就會不斷開花給你，它勁鍾意陽光，不用日日淋水，水亁才淋就ok
我見你盆家樂花 重有好多花蕾未開，ok wor。開咗的你可以用手搣咗佢，開完所有花，你可以修剪下，它又會再長花蕾的。

開完曬花，幾時落肥先岩?

冬天洗唔洗搬番盆花，森樹，網紋同多肉入去，驚凍死佢地