泰國寇立之旅

上星期同老公去左7日泰國. 此行休息 (hea) 為主, 所以揀既地點都係冇咁繁忙, 比較親近大自然

第一晚零晨機飛布吉機場, 到埗已經近 3am, 我地係機場附近酒店訓左幾個鐘, 第二朝 7:45 am 旅遊公司來接我地.
寇立 (Khao Lak) 係布吉北面大約 80 公里, 旅遊公司接我地到碼頭, 開始兩日一夜浮潛之旅
我地去既係外島 Similian Islands, 靚到不得了, 我地見到好多唔同大小種類既魚, 亦有機會上兩個沙灘行下游下水
晚上我地留係船上房間休息, 但有部分人就係其中一個島上住度假屋

浮潛之旅完左, 我地就係寇立其中一間 budget holiday resort 度住
果度有木屋同石屋兩種, 我地就住木屋仔. Resort 有私人沙灘, 水退時可以行到好出, 好靜好舒服
唯一唔好就係附近冇商店, 食野要幫襯 resort 餐廳, 要買水果野食野飲就要行兩個沙灘既路嘞

強力推介逢星期一, 三同六先開既 Bang Niang 市集, 好多野食, 掃街啱晒!
可以順道去埋海嘯博物館, 可以消磨半日架啦

藍天碧海，睇到都覺得好舒服…多謝分享