本帖最後由 powergun 於 2015-11-18 11:32 編輯
收到明年(2016年)的年曆, 與今年比較一下:
今年春節(年初一)係星期四的, 即係農曆年假連星期六日得四日假, 明年春節年初一係星期一, 即係連星期六日共有五日假的
今年清明復活節假重疊, 連星期六日得五日假, 明年復活節係三月尾, 由星期五開始, 連星期六日有四日假, 而清明係四月頭, 重係星期一來的, 即係連星期六日有三日假, 即係清明復活節共有七日假的, 如果羅埋三月29至四月1日呢四日假, 就可以有11日連續大假了, 去旅行正哂
今年五一勞動年係星期五的, 明年係星期日的, 係星期一補假, 即係同樣有三日連續假, 但今年佛誕係星期一, 明年係星期六的, 少左一日假了
今年端午節係星期六來的, 明年係星期四來的, 六月份多左一日假
今年七一回歸紀念日係星期三的, 明年係星期五來的, 即連星期六日有三日假
今年中秋節翌日係星期一來的, 明年係星期五, 即連星期六日都有三日假
今年十一國慶係星期四, 明年係星期六, 少左一日假了, 但重陽節今年係星期三, 明年係星期一來的, 重係雙十節來的
今年聖誕節係星期五來的, 即連星期六日有三日假, 明年係星期一, 即連星期六日有四日假的
好了, 比較完了, 大家可好好地安排一下明年的放假大計了 |