自釀蜜糖酒和梅蜜

繼續引下各大酒鬼花友~  

唔試過唔知怎形容它的香和醉人的味道~ 易造又好飲, 水母強烈推介:

蜜糖酒!!!


材料很簡單:

1. 無添加蜜糖1份 (e.g. 100ML)
2. 4份 (e.g. 400ML) 過濾水或凍滾水, 總之不要有化學物的水, 也不要蒸餾水, 也不要熱水, 會影響發酵力度.
3. 一個洗淨風乾玻璃樽, 窄樽口為宜, 樽要預大少少, 如果要入500ML蜜和水, 就要有最少750ML的樽.
4. 小麥酵母 (YEAST ) 少少少少量 (可加可不加)

製法:
1. 大滾水座熱玻璃瓶消毒, 放涼.
2. 蜜糖入樽, 加些過濾水, 輕溶蜜糖, 再加入其餘份量的水.
3. 如果只造500ML 酒, 只需加入1/4茶匙酵母助酵, 也可不加酵母, 只是要多D日子發酵.
4. 密封樽蓋, 放陰涼位置, 可用木塞做樽蓋, 必需每天觀察, 如果見蜜糖現泡泡, 必需每天稍微開蓋放氣一次, 但不要常常開蓋放氣, 避免外界鮮氣入樽, 影響發酵過程.
5. 如果見底有沉積, 可輕轉樽助出泡, 但不要反轉或大搖樽身, 這會影響發酵的醇度.
6. 一般放1-2個星期會無咁多泡的了, 如無落酵母, 可能等2個星期左右才出泡, 到時要留意放氣, 免爆樽.
7. 放三個月是基本, 如果無入酵母, 宜四個月以上才飲用, 放半年會香好多, 越早飲越甜, 放一年以上會香醇, 有蜜味但無乜甜味.
8. 見無乜泡時, 記得密封樽口, 我這個是陳放一年, 成了有氣的蜜糖酒, 然後入雪櫃, 可保持味道不變, 色又靚又香, 無乜甜好好飲架~



同場加影浸青梅蜜, 很EASY, 無酒精, 清香又非常解渴, 啱晒夏天飲用架.

一份蜜糖一份青梅.
青梅洗淨風乾入樽, 蜜糖浸到最頂個粒青梅便可, 不用浸滿, 浸一天時青梅已勁出水, 打開樽會散出很清香的梅味, 浸2-5日已可飲用, 為免過度發酵, 最好隔走青梅, 入雪櫃保存, 無酒精的, 溝水飲很解渴~~~



左樽是浸梅三日, 梅大量出水, 所以記得要預大一點的樽.
右樽是浸梅五日, 已被我飲左一半了~ 哈哈~

看上也流口水多謝介紹。
我今早拿了粒新鮮青梅，戳爛放蜜糖加水，超級好喝，生津消暑.

昨晚打波, 拿了一些浸了2日梅浸蜜糖給波友試味, 2日貨仔不會很酸, 還有很多蜜糖甜味, 波友飲過都話正, 所以昨晚回家加製多些梅蜜.

可惜已唔見有得賣青梅了, 無得再造多D.

青梅浸蜜糖, 隔幾日, 可以隔走蜜糖, 番浸青梅, 造2次都仲係好有梅味架~

浸製梅蜜, 都會有好多發酵出來的汽泡, 記得每天都要開樽蓋放氣~

2-5日？咁快？
出咗好多水，溝稀咗D蜂蜜，唔襟放，要快D飲完。

八王爺 發表於 2015-5-15 16:44
2-5日？咁快？
出咗好多水，溝稀咗D蜂蜜，唔襟放，要快D飲完。

昨日哥哥和阿嫂來我家打皂, 4小時已俾佢地KO左一支150ML的10天梅蜜~    溝水至少開到1L, 咁就無晒~

好彩收埋左少少100ML 俾自己~