我浸梅酒個造法有少少不同:
1. 買回來的梅只洗乾淨就立即風乾,浸太耐水會令梅易發黃變壞;
2. 我係酒鬼, 會用三蒸或40度VOLKA浸海.
3. 浸梅個樽除了洗淨, 仲會先座熱殺菌;
4. 糖份量, 我條方是500-600G梅配100G糖, 有少糖無多糖, 用冰糖或有機原糖, 如果用有機原糖, 顏色會深少少.
5. 為了令味道豐富, 可以加入桂圓和杞子紅棗, 我就喜歡入桂圓, 這樣也可以相對少D糖.
6. 一定要有糖份, 因為要發酵, 梅味才出到來, 所以不能想著少糖.
7. 浸梅不宜浸滿個樽, 要留一至二成空間, 因梅在發酵時出泡泡的, 要有空間儲氣.
8. 樽要密封, 若頭幾天見梅出泡太多, 可稍微開樽蓋放氣, 但不要中門大開, 避免外界走太多新鮮空氣入樽, 影響發酵質素.
9. 密封酵造, 由厭氧菌工作, 可釀出酒; 不密封的話, 就會變好氧菌工作, 可釀出醋, 所以大家明白做乜釀酒要密封了~
10. 一般最少浸六個月, 越陳越香. 記得一定要密封呀. |