本帖最後由 jpmchase 於 2015-2-27 12:42 編輯
-- 我唔建議用任何牌子的合成仙人掌土。事實上，我從來唔會用。如要合成，你可以買正宗日本赤玉，正宗歐洲或加拿大泥炭土.......回來自己按心目中的比例去溝。我相信花墟所賣的任何牌子 (包括XX靚土) 的合成仙人掌土，如是印上中文字, 十居其九都是同大陸呢邊賣的貨唔會有太大差異 ---- 裡面如有赤玉，就是20-30%真貨，溝70-80%低成本泥料加工燒製出來的冒牌貨；如有泥炭土，就是20-30%是歐洲或加拿大貨，溝70-80%產自大陸東北的較容易板結的cheap 貨 (來自不同地理環境的天然泥炭土，其性能可以差距好大)。十幾、二十蚊，幫你溝埋，又幫你包裝埋，響大陸製造的，成本盡壓，會係mug野貨色，心照不宣了。 我太清楚大陸的製造業，莫說呢D簡單的盆栽用品，就算大陸醫院用的"內窺鏡"......等醫療設備，原則上是必須符合好多醫療標準的，但事實上.....都係....得啖笑。產自大陸的仙人掌植料，其實只有火山岩，珍珠岩及煤碳渣是相對較少有花假，因為大陸北方有唔少火山岩礦、珍珠岩礦及煤礦。
-- 其實盆底鋪陶粒(呢個即使是大陸貨也沒所謂)，上面放正宗日本赤玉，你如嫌赤玉太硬太菱角太乾，o甘就溝少少正宗的歐洲或加拿大泥炭土 (唔溝其實都無所謂)，就OKAY了。
-- 晾乾之後，粘在切口的殺菌粉，可以輕輕掃甩。有少少殘餘粘住，唔會影響出根的。再植，如要俾水略略濕下，最初的一、兩次，可以用稀釋左的殺菌水，以防萬一。
-- 土和盆，最好也殺殺菌，譬如用大滾水蒸透 (像蒸魚)，或用殺菌水浸透 (浸後要晾或晒乾)。 |
顯身卡