***〔有新圖〕***〔求救〕換盆後爛肉有黑點

efrenlch 發表於 2015-2-22 17:30
但佢爛位係主幹位(如下圖)…實際應該點做？點切法同搽咩藥？Thanks so much!

圖一我會剪另外兩條落黎插，有事果枝丟左佢
圖二我會落D消毒藥水搽幾次，睇吓會唔會停止擴散，冇擴散就由得佢
但如果係有經驗嘅話，會將D黑色野挖走哂再塗藥…我自問冇咁嘅本事

orik 發表於 2015-2-22 21:09
圖一我會剪另外兩條落黎插，有事果枝丟左佢
圖二我會落D消毒藥水搽幾次，睇吓會唔會停止擴散，冇擴散就由 ...

我係新手黎…唔係好識整…我諗我要搵下其他post 睇下有冇講點插種佢…
消毒藥水係一般個d定有分植物用嫁？同搽藥係咩藥？
不過如果可以我都唔想剪…想保留返佢原本個樣
thank you~

--如果唔嫌麻煩，可以成paul起出來，睇睇D根有無事。見爛根，就剪除爛根，然後用專俾植物用的殺菌粉開水浸根；如肉眼見不到爛根，亦可以用殺菌粉開水浸根。浸完之後，根的切口或傷口可以鋪D殺菌粉，然後在空氣中充份晾乾，先至再種番入泥土。
--如唔嫌做多一層手續，也不妨用殺菌粉開水浸透泥土，然後晾或晒乾至再用。
--黑色患處，無論切除與否，都要鋪上殺菌粉。不過，切就安全D，雖然可能會永久破相。
--成paul起左出來，唔駛心急要盡快將距種番入泥的。Paul植物在空氣中擺3-5日，等根 (尤其係切口或傷口)晾到乾爽番，亦等泥土完全晾或晒乾，先至再種，其實都未遲。
--種番入泥，泥土微濕就可以了。Paul植物o岩o岩病過，元氣傷左，水稍稍偏多，對距黎講，會變成一種負擔，而唔係一種享受。

jpmchase 發表於 2015-2-23 05:41
--如果唔嫌麻煩，可以成paul起出來，睇睇D根有無事。見爛根，就剪除爛根，然後用專俾植物用的殺菌粉開水浸 ...

好詳盡！唔該晒
另外我想問因咩事會導致佢有菌？
同埋殺菌粉有冇話用邊隻？切除爛嘅部分係咪有專用嘅工具？係花墟可以買到？

我人在上海，唔係o甘清楚香港花墟有mug殺菌藥粉賣。不過，我相信你只要講 "多菌靈", "百菌清" 呢兩個大陸很普遍使用的藥粉，距地都會知你想要mug, 同埋找到非常相近的貨俾你。泥有菌唔奇；根有你察覺不出的傷口，未收乾就入泥，跟著碰水，然後受感染，亦唔奇。

jpmchase 發表於 2015-2-23 19:19
我人在上海，唔係o甘清楚香港花墟有mug殺菌藥粉賣。不過，我相信你只要講 "多菌靈", "百菌清" 呢兩個大陸很 ...

原來係咁！
咁要浸幾耐嫁d 根？

efrenlch 發表於 2015-2-23 22:11
原來係咁！
咁要浸幾耐嫁d 根？

浸幾分鐘啦！之後放d落泥都OK架

PercyMKLau 發表於 2015-2-23 22:41
浸幾分鐘啦！之後放d落泥都OK架

Ok thank you all of you!
Will do it later

由於收工ge 時間花墟大概都收晒檔…所以到今日都未買到野去救佢;(
不過影左幾張清d ge 相，睇下各位有冇咩新睇法。
其實佢個位真係有d 難切…

我贊成Orik 做法，將2枝比較大的側芽切出來分開種，再處理發黑部份。

sasock 發表於 2015-2-25 00:14
我贊成Orik 做法，將2枝比較大的側芽切出來分開種，再處理發黑部份。

具體要點做嫁？
或者有冇將側芽切出來分開種ge 相關post ／教學可以參考？
Thanks a lot!

efrenlch 發表於 2015-2-25 00:29
具體要點做嫁？
或者有冇將側芽切出來分開種ge 相關post ／教學可以參考？
Thanks a lot! ...

主幹同分支中間有個圓圓地嘅接位，果部分比較脆弱。捉住分支輕手扭動幾下，就可以將分支扭出黎，風乾傷口後就可以種。
如果蔓延得唔算快，可以放多d泥上去，埋到分支嘅底部都掂到泥，等分支出左生根後，先至將分支連新根拔出黎，一樣風乾傷口後再種，但分別係多左d根，更容易成活。
但始終主幹有菌，用尼個方法要做好消毒殺菌工作，以防萬一。

但都有例外情況，母株徹底受感染枯萎，但側芽繼續健康生長…

orik 發表於 2015-2-25 00:47
主幹同分支中間有個圓圓地嘅接位，果部分比較脆弱。捉住分支輕手扭動幾下，就可以將分支扭出黎，風乾傷口 ...

原來係扭出黎！仲以為係剪出黎，真係唔問唔知
傷口就咁風乾就得？唔駛搽殺菌粉？
乾左就咁插入泥？

如果蔓延得唔算快，可以放多d泥上去，埋到分支嘅底部都掂到泥，等分支出左生根後，先至將分支連新根拔出黎
e 句唔係好明，
你意思係d 爛位蔓延去分枝？

簡單d 的方法
我會咁切開去
爛的主幹連根都掉左去, 切出黎的部份待風乾左後就可再插

powergun 發表於 2015-2-25 01:10
簡單d 的方法
我會咁切開去
爛的主幹連根都掉左去, 切出黎的部份待風乾左後就可再插 ...

乾左就咁插入泥定係放係面等出根？
扭出黎定剪出黎比較好？
傷口駛唔駛搽殺菌粉再風乾？
Thanks!

efrenlch 發表於 2015-2-25 01:31
乾左就咁插入泥定係放係面等出根？
扭出黎定剪出黎比較好？
傷口駛唔駛搽殺菌粉再風乾？

我會風乾後插入泥。
我會扭出黎，少d麻煩。
如果用工具剪出黎，要做好消毒工作，傷口會齊整d，但我覺得影響不大。
建議用殺菌粉，但我冇用。

如果蔓延得唔算快，可以放多d泥上去，埋到分支嘅底部都掂到泥，等分支出左生根後，先至將分支連新根拔出黎
e 句唔係好明，
你意思係d 爛位蔓延去分枝？

蔓延就係蔓延，冇話向邊度。但睇佢蔓延得快唔快之嘛
其實都係同佢分株好過，母株遲早都會爛哂，留低佢盞眼冤。

多肉植物唔同一般木質植物。距如果根或幹有切口或傷口，會收乾得好慢，甚至慢過我地人類的肌膚有損傷，傷口從濕變乾整個過程。用殺菌粉鋪在多肉的傷口，其實同用雲南白藥鋪上我地人類的傷口道理差唔多 ---- 減低濕度，同阻隔細菌入侵 (所以點解老一輩的人甚至搵香爐灰來鋪自己的傷口)。

傷口或切口唔收乾，就入泥，泥可能有菌，加上泥裡面空氣一定無o甘流通，個傷口仲濕，up住up住，自然較容易受感染。情況如同我地肌膚有損傷，求其在地上找塊濕左水的爛布鋪上去，一直keep住塊布濕，up住距，發炎風險自然大增N倍。

無論用唔用殺菌粉鋪在多肉的切口或傷口，都要俾距充份晾乾，至好再入泥。

最新的圖顯示患處已爛到入晒肉。如我遇到這情況，會選擇狠手將無問題的幹及側芽切落黎，稍為晾乾一下，然後植入輕微潮濕的淺泥裡，博距生根。

efrenlch 發表於 2015-2-25 01:31
乾左就咁插入泥定係放係面等出根？
扭出黎定剪出黎比較好？
傷口駛唔駛搽殺菌粉再風乾？

乾左就咁插入泥就得了
可以扭就扭出黎, 唔得至切
有殺菌粉當然好d, 無就咁風乾就可以了

jpmchase 發表於 2015-2-25 05:02
多肉植物唔同一般木質植物。距如果根或幹有切口或傷口，會收乾得好慢，甚至慢過我地人類的肌膚有損傷，傷口 ...

OK 明白! thank you

powergun 發表於 2015-2-25 08:56
乾左就咁插入泥就得了
可以扭就扭出黎, 唔得至切
有殺菌粉當然好d, 無就咁風乾就可以了 ...

明白, 我搵過其他post 呢, 見好多人分種ge 話呢, 都會就咁放係泥面等生根先入泥.
其實兩種方法有咩分別嫁?