ROSEMARY心得

我算係半新手, 種左ROSEMARY唔夠一年.

睇左好多POST, 都差過種死半棵.

我覺得只要處理好泥, 水, 陽光, 肥, 虫害, 修剪呢 6方面, 應該無咁易死.

泥:
我自己溝的: 落左河沙, 田土, 細石, 腐葉土, 木炭
比例係: 河沙 (20%), 田土(40%), 細石(15%), 爛葉土(25%); 木炭就咁放係面.
ROSEMARY本身鍾意弱鹼, 放面可以中和泥土酸性.
如果無腐葉土, 可以用長效肥代替.

水:
因為泥本身非常疏水, 基本上我唔理盤底有冇水, 我都每日淋水
而淋水方法係直接淋係泥面直至盤底出水.
我種咁耐未試過爛根, 盤底好多根, 仲要日日有水, 所以我相信泥土只要有足夠空氣比根, 係無咁易爛根的

陽光:
半日照至全日照佢都頂得住. 最緊要陽光足夠. SO FAR未試過放係唔夠陽光的地方.
只要放室外, 晒到6個鐘左右已經OK

肥:
肥料真係有愛有恨.. 施化學肥的話, 一D虫害都無
一用有機肥, 即刻好多害走黎食D葉
施肥我採取少肥少施原則, 大約3個月施一次肥
我試過一次落太多花生夫, 第2日成棵野即刻DUP晒, 不過好彩最後救得返.

虫害:
最主要都係一隻會吐絲似菜虫的虫. 每次一施用有機肥, 佢地就會出現
對付方法只有一個: 就係一隻一隻慢慢捉
基本上每個有絲的地方, 都會搵到一隻虫仔.
捉完一次, 第二日再捉過, 通常捉3-4日, 觀察多3-4日, 咁就無事
虫食過的葉基本上全部都可以剪走.

修剪:
修剪以通風為原則. 只要通風好, 虫無咁易生到, 亦可以快高長大.
強留弱剪, 有病, 有虫, 黑左, 近根的, 都可以痕心剪
正常但生得密, 近高位的, 可以係咁E剪少少, 甚至唔洗.

之前修剪後插左落水, 插左1個月左右, 好多根.


我第一棵買的ROSEMARY, 買返黎時一盤兩棵, 後來有一棵突然成棵枯萎, 第2棵枯左一半就停左. 到現在都唔知點解


我第2盤買的ROSEMARY, 無上圖個隻咁香, 但係呢隻生得好直好靚, 而且無虫鍾意佢


呢盤用水插出黎種的, 現在已經生得好好, 虫害, 肥害之後都仲生存到

多謝分享心得, 等我返屋企跟你種!
謝謝!

謝謝分享
但菜虫真係捉極都仲有。
好嘔心添
>.<

bigface 發表於 2015-5-30 23:54
謝謝分享
但菜虫真係捉極都仲有。
好嘔心添

菜虫比其他虫易處理喇, 捉完之後連網絲, 葉一齊消滅, 一兩日就知道仲有冇餘黨.

我試過生左一種同菜虫差唔多的虫, 但聰明好多, 食葉但唔會吐絲, 成棵紫蘇差唔多比佢地食晒都捉唔晒D虫.

我地花園係半日照, 好好太陽, 春天時rosemary生得好好, 但呢輪開始有燶既情況, 好擔心

zaba 發表於 2015-6-1 09:09
我地花園係半日照, 好好太陽, 春天時rosemary生得好好, 但呢輪開始有燶既情況, 好擔心  ...

我花園全日照, 如果燶得多, 可以修下佢. 細棵D, 需水少D, 無咁易燶.

謝分享!

始終話易不易, 我仍要嘗試, 學習, 再接再厲!

第1棵現在變成咁



第2棵仲勁..



第3棵仲係咁上下

我用大盆種植，全日照，少淋水，生成三呎高。

lordtolord 發表於 2015-6-3 12:51
我用大盆種植，全日照，少淋水，生成三呎高。

有冇日日淋/.?

我全日照唔日日淋的話個頭會dup 晒

泥乾才淋水

ROSEMARY 好靚，好有心機種！
我未曾種過，想試種，樓主可否分享一些枝條？萬分感謝！　

YoungFarmer 發表於 2015-6-8 21:29
ROSEMARY 好靚，好有心機種！
我未曾種過，想試種，樓主可否分享一些枝條？萬分感謝！　 ...

你在邊頭? 我有一棵仔已經有根, 岩可以送比你.

greenery 發表於 2015-6-2 19:01
第1棵現在變成咁

第一棵襯埋個園景甘, 好靚

多謝樓主,  pm左資料

多謝分享, 我覺得最難係買泥. 你講嘅泥, 問過一些舖頭都買唔到. 我現在用有機泥, 真係日日捉蟲.

greenery 發表於 2015-6-8 22:40
你在邊頭? 我有一棵仔已經有根, 岩可以送比你.

我住大角咀, PM 左你及留左電話, 待回覆

我幾株苗仔，現在放在玻璃屋，全日照，但終於無蟲了。有一株死了，仲有三株原全停曬唔生，擔心死！

我花園係半日照, 我的好大棵, 4歲了.