Joey的鬱金香成長記(一) 種咗兩個幾月，狗牙花邊開啦!

joeychan 發表於 2014-12-24 23:45
Melb，唔快啦! 今日已經第四十日，第二同第三已經有花菖，我一盆種咗六棵花呀，中間紫色嗰棵而家開咗12日 ...

SO GOOD

原來可以開到咁耐架.....

我個棵要回到公司,睇下我個棵生成點,先有得上相報告

多謝支持~!!!!,我會努力的

joeychan 發表於 2014-12-27 14:03
可以用培養土、蛭石、真珠石混合，如果想再疏水啲就在盆底舖一層蘭石，咁樣應該足夠疏水啦!

(1) 先將培 ...

好，等我試下先

ememhk 發表於 2014-12-16 01:10
原來露半球下泥嗎？ 我無雪，而且全個放左入泥啊。

我覺得落泥時露出 1/3 或 1/4 尖頂位會好啲，起碼睇到球根生長進度，你話全個放左入泥，咁有冇見到小小尖頂位呀? 如果唔係太深應該都會出到芽嘅，反而最重要係雪球根最小4-6星期，打破休眠期及花芽分化，然後先可以順利開花，如果你冇雪，咁你係邊間買架，因為有啲舖頭賣的球根已經雪過，森x都話黎時已經雪咗，不過我隱陣啲再雪囉! 希望你買嗰間啲球根係已經雪咗架啦!

我又分享下先

我有棵成日發毛 搽左好多藥都仲發 點算

kinkinwai 發表於 2014-12-29 22:43
我有棵成日發毛 搽左好多藥都仲發 點算

好靚呀! 啲葉生得好青綠噃! 發霉都冇辦法，我有2個都係咁，已經搽過4次藥，一潮濕就發霉，只有勤啲搽藥同放置係通風地方，必要時可以加把風扇吹一陣，少少發霉唔影響開花嘅，你睇吓我橙色嗰棵一樣照開花。

你種得好過我好多了~!

Melb 發表於 2014-12-31 22:54
你種得好過我好多了~!

Melb ，你係咪話 kinkinwai 呀! 我都覺佢呢批進步神速，應該好快開花，你屋企嗰啲都進步咗啦! 慢啲咪農曆新年開，重好!

joeychan 發表於 2014-12-31 23:06
Melb ，你係咪話 kinkinwai 呀! 我都覺佢呢批進步神速，應該好快開花，你屋企嗰啲都進步咗啦! 慢啲咪農曆 ...

你地兩個都種得好好

想問係咪一定要落肥料 要幾時落同落咩花肥

你果d好靚丫  種到可以開花真係好

kinkinwai 發表於 2015-1-1 14:26
想問係咪一定要落肥料 要幾時落同落咩花肥

我自己就是但渣! 係早期落過1次花寶平均肥，中期葉長10cm就大約10日落花寶3號開花肥囉! 即係佢地而家暫時落過3 次肥囉!
我係網上搵到的，比你參考啦! (佢地應該正確啲)

(方法1) 自萌芽出土後，可每10天左右施1次稀薄液肥，孕蕾至開花前增施1次磷鉀肥。

(方法2) 出芽後，待第一片葉散開時，可用復肥追肥。一次促進莖葉生長。孕蕾期結合灌水追施第二次肥，以磷、鉀肥為主，以促進花枝粗壯，花色艷麗。

我d盆會唔會太細 會唔會影響生長 d肥料係邊買

kinkinwai 發表於 2015-1-2 22:51
我d盆會唔會太細 會唔會影響生長 d肥料係邊買

睇相我就唔知你個盆咩size，網上多數話約三吋盆種一顆，五吋盆則可種下三個球根。由於鬱金香壽命短暫，因此生長發育期間通常無須修整或換盆，花朵枯萎後，已無任何利用價值，因為香港環境無法讓其催化繼續生長，因此可將其球莖直接丟棄。
即係盆大細都唔太重要，冇咩影響，因為開完花就冇用，同水仙一樣命運。花肥日本城有得賣，買(花寶3號) 開花肥即可。

高水平....

我同事個棵未開哂已枯乾左

你的開花開左幾多日?

Melb 發表於 2015-1-9 14:08
你的開花開左幾多日?

橙色第二朵開咗5日，第三朵開咗2日倒，但係星期日因為太熱，2朵花枝一齊軟哂落地，所以剪短咗用杯浸水囉! 我估鬱金香天氣一熱就會開花不良架啦! 好難種得靚! 你哋係office 種到開花已經好勁架啦! 因為鬱金香係室外植物黎架! 你要繼續努力先得啦!

joeychan 發表於 2015-1-9 15:39
橙色第二朵開咗5日，第三朵開咗2日倒，但係星期日因為太熱，2朵花枝一齊軟哂落地，所以剪短咗用杯浸水囉! ...

我都覺我自己在一個密封的室內可以開花....

都幾叻

我果d都好似就開 好興奮