第一次做液皂，請指教是否成功？

放了兩星期，出了些油，成份：
椰子油 100g
山茶花油 60g
蓖麻油 60g
氫氧化鉀 70g
純水 175g

滲油, 應該不成功. 有冇check過calculator 鉀夠不夠?

Springonions 發表於 2014-11-6 16:18
滲油, 應該不成功. 有冇check過calculator 鉀夠不夠?

前幾天做液體皂時不小心打翻了，攪到個椰子皂陀不像平時的軟硬度，猛咁出水。做好左點check鉀夠唔夠？

另想問固體皂有再生皂，唔知液體皂有冇呢？

我幫你計過條數，鉀量應該是47.56g,四捨五入是48g，你多用了22g。
你見到的〔出油〕未必是油，可能是多出來的鉀。
測試鉀皂PH值，用酚酞指示劑較準確。
未試過再生鉀皂，但你可試再做同一油量，但鉀只用26g，攪成糊後把它加入第一次做的內，攪拌均勻，隔水加熱至70度左右，然後放入保溫箱，48小時取出室溫靜置兩週，檢測PH值，合格就可稀釋。

其實如果不是計算出錯，見到皂糊流出液體不要擔心（我的廢油鉀皂經常是），只要攪拌，然後讓它靜置，如果再出液體就再攪拌，直到皂糊轉透明（注意，透明並非玻璃般透明，而是顏色不死實實）

你用的會不會是液體氫氧化鉀？，這只有45－50％濃度，所以鉀量反而要比計出來的多。

sausau 發表於 2014-11-7 11:39
我幫你計過條數，鉀量應該是47.56g,四捨五入是48g，你多用了22g。
你見到的〔出油〕未必是油，可能是多出來 ...

秀秀，最閉我在製作過程中倒瀉了四分一，製成皂陀後才出現渗水(我唔知係水或油或鉀)，所以好難補做，所以先想起再生皂液，因唔想晒左佢(有成1000g架)。

秀秀 : 蝦碌嘢係打皂經驗一部份,唔緊要啦,你試吓在攪攪現在的皂糊,看看那些[液體]會不會再被吸收.照稀釋吧,用來洗手不會有大礙.

秀秀早晨，早兩日我胆粗粗，將之前蝦碌的皂液混合埋一齊，再用120度水隔水蒸佢六個鐘，終於變番正常喇，不過仲未知成唔成功，待多兩星期再報告。



蝴蝶小姐 : 有秀秀指導和你的支持，當然個心都        定D喇 !

相當幸運加入園藝大家庭，在這裏不但學到園藝知識，還意外地學會打皂和紫雲膏…，雖然還是很初哥，已能幫助到我濕疹的女兒。

kamshing 發表於 2014-11-10 11:26
秀秀 : 蝦碌嘢係打皂經驗一部份,唔緊要啦,你試吓在攪攪現在的皂糊,看看那些[液體]會不會再被吸收.照稀釋吧, ...

個樣似OK呀

你蒸了六個鐘,柴火費好犀利

有無真空煲?煲滾放入去就得,慳能源.

其實幾天後可以看到皂糊漸轉透明,如果PH值OK就可以稀釋.

通常書本教1:1,即皂糊和水同量,但未必隻隻皂糊用這比例理想,有時不夠濃調會唧到周圍都係.建議先用一份皂糊和半份水稀釋,待它溶解後再逐少加水直到你要的濃度.

我做100%椰子油用1:1很稀,做100%橄欖油則1:1太杰,這要靠經驗.

祝你成功.

sausau 發表於 2014-11-10 13:00
個樣似OK呀

你蒸了六個鐘,柴火費好犀利

哈哈應該成功了，我的再生液體皂經過成個月時間已經完全皂化(其實2星期已可用) 不過我覺得液體皂與固體皂一樣，放置長一些時間，越覺好用。

用了3個小時許，差不多溶化晒

謝謝Claudia賞分 : )

成功啦..................