新手打皂之深夜實驗室！

好想試下單一油品打皂會係點，所以試打100%米糠皂，加左粉紅礦泥，超脂都係米糠油，最後加埋FO好快trace，全程半個鐘都唔洗，入模係三文魚色好靚，唔知熟左會係點呢？其實我預左失敗，因太快trace可能油鹼都未攪勻，唔緊要，乜都試下啦！

應該是鈉皂吧。
請問你知道鈉皂有INS值嗎？
這個數值是表示皂的硬度，理想是120－150間。
米糠油的INS值是70，換言之，100％米糠油皂是不會成形，必定是軟爬爬的。
不是每種油可以用上100％來打皂，要混合其他油品。
坊間不難買到教打皂的書，又或圖書館也有得借，你不防參考一下。
反而鉀皂用100％米糠油是無問題，因為鉀皂是無INS值的。

其實呢。。我係有上堂學過，都有買教打皂既書，好多人話唔好用100%油打皂，但我又真係用過純榛果，純澳胡，純米糠，洗感都唔錯，硬度都ok，冇純欖咁鼻涕，所以好奇自己打出黎會係點，呢鍋純粹係實驗性質，以後我仍然會繼續試其他100%皂款的

沒有椰子油，會有清潔力嗎？

claudiatang 發表於 2014-10-10 09:45
沒有椰子油，會有清潔力嗎？

純欖皂也沒有椰子油呀~

我打這鍋皂,只是好奇各種不同油品打出黎效果會係點
並不是設計適合膚質的配方,只是覺得好玩而已
就是不想俾書/人局限"什麼油唔用得""一定要咁打皂,否則失敗"...所以才自己試
就算失敗了,都試到有咩唔同,點解唔得呀

我跟過2位老師學打皂,2位教的手勢唔同,做皂方式,添加物各種都是相反,A的方法B話件皂一定酸敗,B的話A個方法件皂會唔好用
但的確又做到,所以我覺得沒有100%肯定的,都要自己試左先知

尋晚脫左模了，沒有想像中的軟爛，反而硬過我上星期打的西柚皂，因為仲係好鹼所以冇用手掂，試唔到洗感滋潤度，但用少少皂邊黎洗工具，起泡度是有的，洗完工具也是清爽立立令，過多幾日切開裏面睇下係點？

手痕忍唔住切左皂了。。見到有氣泡，手勢有待改進，切'咩"左一件,然後又手殘地印左個指紋上去==
好想佢快d熟成試洗呀！！

支持你的實驗精神 !

dl0408 發表於 2014-10-11 09:04
支持你的實驗精神 !

謝謝你

呢個天氣打乜皂都好易乾和硬D, 皂的INS 係重要, 但也要看看它的厚實度, 即係遇水後會不會比較快溶掉.
有實驗精神當然好事, 糖亞和好些台灣皂大師都有造類似實驗, 更希望你可以報告下不同的100%油種皂的洗感. 我一直有諗過做呢樣事, 但實在無咁既時間.

試過100%油種的皂, 可以理解下為乜要有"配方", 要用幾種油混合去打皂. 每個人喜歡的洗感不同, 所以才有不同配方.

酸敗這門事, 你兩個老師都無講錯, 其實係視乎存皂環境. 好些油種比較易氧化, 若包皂不當和存放環境較濕和溫暖, 月見草油, 玫瑰果油, 芥花油 這些油種會比較易氧化壞掉.


by the way, 我都係用呢隻牌子的米糠油, 感覺洗感爽且品質穏定~

jellyfishy 發表於 2014-10-13 09:41
呢個天氣打乜皂都好易乾和硬D, 皂的INS 係重要, 但也要看看它的厚實度, 即係遇水後會不會比較快溶掉.
有實 ...

是的,我就是想先試各種100%配方的洗感,然後再慢慢90,80.....再加其他油咁試下,好好玩
曾經瘋狂到想試純玫瑰果油皂,因我見過人整,佢係捏成皂餅的,可能就是太軟不成型吧!
下次整純榛果皂!我曾用過1件,好用!硬度夠,洗到尾都冇爛!夠潤!
而家仲收埋左1件老皂係櫃

這是我收埋係櫃養到變老的純榛果皂，今年2歲