海豚花開了~~由大分瓶到三國鼎立，邁向煙花匯演

謝謝B17大大無私的分享！我也是第一次接觸海豚花，懷著戰戰兢兢的心情交功課！請B17大大提點提點！

很好，兩棵都有側芽出緊
第三張有個lum，估唔到咁熱都出到lum，希望有花睇

B17大大，請你幫我睇下第二張右面主莖伸出來脹脹地果個係咪都係lum？第三張係咪有兩個lum？上面中間果個係咪？

第二張係有個lum，不過上面D葉生得咁旺，搶晒D養份，可能開唔到
第三張個lum高D，開花機會較大，"中間果個"係指個黑點？似乎曾經係lum，不過枯左

佢太細啦，我拎住個放大鏡睇左好耐，唔知呀，我估係剛剛出，未長大？張相又影到黑mung mung好似係處於陰影位？睇唔清，等遲d再睇下咩進展吧。第二張果個lum，有咩方法令佢開得到？剪感d葉走？

我仲有個問題，咩方法令佢生多d側芽？係咪要修剪多d？

violet_bb 發表於 2014-6-18 23:52
我仲有個問題，咩方法令佢生多d側芽？係咪要修剪多d？

唔洗，佢會一路長高一路出側芽
我舊果盆，其中一棵摘左心，係左定右呢，似乎分別不大

哦，明白了。你呢盆已經開枝散葉到密麻麻，睇唔到邊棵摘左心啦？？？甚至睇唔到邊d係分枝....真係好靚既sample，聽日要去買口水堅。

B17
唔好剪葉，有葉先有光合作用，先會開花，聽其自然啦

B17
知道知道！

哇，犀利呀！已經咁高添！好鼓舞呀！我個d仲未有起息呀！

novernber 發表於 2014-6-19 01:05
哇，犀利呀！已經咁高添！好鼓舞呀！我個d仲未有起息呀！

但係我果d無你種得咁靚咁整齊呀！我地齊齊加油，要種得好似B17大咁靚！

估唔到隔左一日，今日d lum彪高左咁多！

我今日換左間大屋俾佢歎世界！

sfish
俾左咩佢食, 咁快有花冧, 勁呀

唔係呀，係B17大既苗仔好健康就真！我只不過俾左花寶肥+窗邊+不定時冷氣佢。

violet_bb 發表於 2014-6-20 20:06
估唔到隔左一日，今日d lum彪高左咁多！

佩服，佩服

re: violet_bb
唔關我事架，我呢兩日都無理佢！佢自己生長得咁快，真係出乎我意料之外！結論係：B17大出品的仔仔，必屬佳品！

已知有三位花友既枝條種唔到

violet_bb 發表於 2014-6-20 20:06
估唔到隔左一日，今日d lum彪高左咁多！

哇！正呀！期待開花！你好叻叻呀！

violet_bb 發表於 2014-6-20 21:53
唔係呀，係B17大既苗仔好健康就真！我只不過俾左花寶肥+窗邊+不定時冷氣佢。 ...

唔怪得佢生得咁靚同開花花啦！你俾d好野佢食，又俾冷氣佢嘆。我個d就冇咁好命了。我放左係室外，熱到佢儍呀。加上我唔知佢有根未，唔敢同佢補身呀！

violet_bb 發表於 2014-6-20 20:06
估唔到隔左一日，今日d lum彪高左咁多！

好厲害, 咁快就有花冧

一定開到既
我都有好消息呀，我覺得我個個好似生高左d，唔知係咪心理作用呢！

今日開左花啦！謝謝B17大大的分享！(相片影得唔好 )