凶宅

顯示全部樓層

唔好意思jfung，水母版主唔小心 delete左你之前個 post, 家下幫你開番個帖，但就無晒之前ｄ對話，真係唔好意思呀～

虛宿寶瓶 · 發表於 2008-8-4 11:52:27

既然個 post 吉左，就等我又放 d 野入去啦！

講開凶宅，我唔知算唔算經住過呢？

我幼稚園o個陣住北角，爸爸一直都住香港島，唔知做乜要搬去九龍！可能因為佢番工要番尖沙咀掛！於是我讀完幼稚園o個個夏天我地就搬左！

住落左之後，屋企個工人就開始同 d 鄰居、看更熟左，開始八好多新聞番黎！又話我地個單位，住親入黎嘅夫婦都係離婚收場，又話曾經有個男人係屋企睇報紙嘅時候，見到有對腳係佢前面，但佢拉低張報紙少少嘅時候又見唔到有上身！又話我地個租比期他單位平咁多因為佢鬧鬼！

住左年零兩年左右，我細佬出世，阿爸阿媽感情開始唔好！有一次，我諗細佬應該未夠一歲，佢無端端喊唔停口，抱佢去到邊都喊，除左阿媽房之外，喊足兩、三日，睇醫生都話佢冇事！工人有 d 迷信，建議阿媽帶細佬去黃大仙求番支簽睇下咩事！內容我就唔記得啦 or 佢地唔敢比我知！我只係知道o個日細佬契左比黃大仙，之後番到黎就唔喊啦！

年份嘅野我唔太清楚記得，只係知道林良惠做香港小姐o個年，阿媽阿爸已經分居夠左兩年仲離埋婚，阿爸仲同第二個結婚添！我同阿媽、細佬住到我六年班下學期就搬左啦！

KATY · 發表於 2008-8-4 12:05:33

睇完毛管棟 !!!!!
好驚呀 ~

alexand52028 · 發表於 2008-8-4 12:17:57

慘．．．好可怕．．．

虛宿寶瓶 · 發表於 2008-8-4 12:23:33

原帖由 KATY 於 2008-8-4 12:05 發表
睇完毛管棟 !!!!!
好驚呀 ~

我細個住o個度都驚架，半夜去廁所我唔會望窗同望鏡！窗都會帶埋窗簾，如果記得的話，咁開左燈就唔會見到反光及倒影！
仲有，睡房期中有一邊牆有個印，大人手板咁上下大，可能係之前油漆整花左，抹都抹唔甩！個印好似日本鬼片 d 夜叉咁！好長頭髮，仲有支手杖咁！(少少抽像，自己諗下啦！)

ChrisTsui · 發表於 2008-8-4 12:32:54

原帖由 虛宿寶瓶 於 2008-8-4 12:23 發表

我細個住o個度都驚架，半夜去廁所我唔會望窗同望鏡！窗都會帶埋窗簾，如果記得的話，咁開左燈就唔會見到反光及倒影！
仲有，睡房期中有一邊牆有個印，大人手板咁上下大，可能係之前油漆整花左，抹都抹唔甩！個印好似日本鬼片 d 夜叉咁！好 ...

咁你細個都算大膽啦,比著我一定叫屋企人搬走~

羊咩咩 · 發表於 2008-8-4 12:33:46

bbq凶宅最得人驚.............

比得大帝 · 發表於 2008-8-4 12:35:36

我又講吓d我自己唔信啲嘢

我個仔約2歲時, 我同佢去我細佬屋企, 我個仔一向都好乖, 但去到佢屋企, 佢大喊, 唔肯入屋, 而我細佬夫婦二人則你睇我, 我睇你, 好似想講又唔想講, 我細佬叫我帶個仔回家, 後來佢同我講, 佢屋企有嘢, 而細路仔係睇到嘅.

同一件事,
我細佬兩夫婦於是去睇風水 or something like that, 果個人同佢講: 你個仔前世做咗好事, 幫咗個人, 而家果個人晚晚都嚟"照顧"你個仔,

當時佢個仔約7-8歲.

於是佢地回家問個仔有冇見到嘢, 佢個仔話: 我講你地一定話我講大話, 我唔講,

最後佢個仔話每晚有個大人睇住佢瞓覺.

羊咩咩 · 發表於 2008-8-4 12:39:07

原帖由 Peter 於 2008-8-4 12:35 PM 發表
我又講吓d我自己唔信啲嘢

我個仔約2歲時, 我同佢去我細佬屋企, 我個仔一向都好乖, 但去到佢屋企, 佢大喊, 唔肯入屋, 而我細佬夫婦二人則你睇我, 我睇你, 好似想講又唔想講, 我細佬叫我帶個仔回家, 後來佢同我講, 佢 ...

難得佢咁細個唔驚

虛宿寶瓶 · 發表於 2008-8-4 13:20:12

原帖由 Peter 於 2008-8-4 12:35 發表
我又講吓d我自己唔信啲嘢

我個仔約2歲時, 我同佢去我細佬屋企, 我個仔一向都好乖, 但去到佢屋企, 佢大喊, 唔肯入屋, 而我細佬夫婦二人則你睇我, 我睇你, 好似想講又唔想講, 我細佬叫我帶個仔回家, 後來佢同我講, 佢 ...

嘩！其實好驚啫！好在佢冇惡意！

江江 · 發表於 2008-8-4 13:25:54

當年山泥倒塌旭xxxx....
隔離的大厦都傳出小朋友看到有啲xxx在屋內穿牆入舍

比得大帝 · 發表於 2008-8-4 13:38:55

原帖由 羊咩咩 於 2008-8-4 12:39 發表

難得佢咁細個唔驚

其實佢好驚, 每晚都唔肯瞓, 問佢點解佢又唔講

jellyfishy · 發表於 2008-8-4 13:59:05

原帖由 Peter 於 2008-8-4 13:38 發表

其實佢好驚, 每晚都唔肯瞓, 問佢點解佢又唔講

咁後來又點呀？

RIO · 發表於 2008-8-4 14:00:09

搞錯tim

比得大帝 · 發表於 2008-8-4 14:02:35

原帖由 kim 於 2008-8-4 13:59 發表

咁後來又點呀？

好似個風水佬話佢等到個細路唔知十幾歲就會走, 後來好似真係冇咗事

比得大帝 · 發表於 2008-8-4 14:10:58

好多嘢, 人類啲智慧解釋唔到就會用鬼神嚟作為最終答案

KATY · 發表於 2008-8-4 15:12:22

原帖由 Peter 於 2008-8-4 14:02 發表

好似個風水佬話佢等到個細路唔知十幾歲就會走, 後來好似真係冇咗事

晚晚對住果味野 ,
仲要頂咁耐...... 點涯呀....... ????

比得大帝 · 發表於 2008-8-4 15:39:08

兇眼果條靚仔起初都好驚, 後來同d嘢做咗朋友

虛宿寶瓶 · 發表於 2008-8-4 16:06:04

原帖由 Peter 於 2008-8-4 15:39 發表
兇眼果條靚仔起初都好驚, 後來同d嘢做咗朋友

兇眼？咁熟嘅？乜佢真係見到野咩？

比得大帝 · 發表於 2008-8-4 16:11:41

原帖由 虛宿寶瓶 於 2008-8-4 16:06 發表

兇眼？咁熟嘅？乜佢真係見到野咩？

兇眼 or 鬼眼? 我有冇記錯戲名呀, Bruce Willis 做果套, 有條靚仔成日見到鬼果套呢, Bruce Willis 自己死咗都唔知果套呢.