中草藥

其實多唔多花友種中草藥ga?

如果有可以講下種植心得嗎?

thx

中草藥好多呀！我都有種少少，你想種咩﹖自己用定點﹖一齊傾下~~
金銀花、艾葉、紫蘇都係好種又易於使用的，仲有好多好多不能盡錄

呢度有位專家神農待，可以請教佢呀！

我想種桔梗、崩大碗、金錢草、艾葉、決明子、白花蛇舌.... (好貪心)

同生食都冇毒既草藥都有興趣

我買左板藍根, 唔知得唔得, 仲有牛蒡,
已種的有艾草,紫蘇,绞股蓝等

Starter 發表於 2014-5-19 12:13
我想種桔梗、崩大碗、金錢草、艾葉、決明子、白花蛇舌.... (好貪心)

同生食都冇毒既草藥都有興趣 ...

崩大碗、金錢草、白花蛇舌, 在我天台都是雜草, 要種搵日攞吧

我有種金銀花, 何首烏, 桔梗, 杞子, 藤三七(野藤), 海南三七, 水線草(野草).
其實無話草唔草藥, 好多植物都有某些藥效, 例如蒲公英, 係野草, 亦係中藥其中一種. 藥草會因應地理, 水土, 氣候, 而影響其藥效, 所以就算種得到, 其藥效亦未知是否理想.

ht333147 發表於 2014-5-19 21:06
崩大碗、金錢草、白花蛇舌, 在我天台都是雜草, 要種搵日攞吧

你嗰隻係白花蛇舌草定水缐草，金錢草係入藥嗰隻過路黃，定水金錢呀？

malouis 發表於 2014-5-19 21:54
我有種金銀花, 何首烏, 桔梗, 杞子, 藤三七(野藤), 海南三七, 水線草(野草).
其實無話草唔草藥, 好多植物都 ...

其實成個山都係藥，好多喺树無咩人會种啦！草本周圍都係，d老人家都識講啦，識就係宝唔識就係草，不過！我唔鍾意d人周圍採摘……d藥有藥性唔係隨便煲嚟飲，更枉論話生吃，我識都唔多講，避免d人亂咁食！好多都話清熱解毒，但唔代表該藥無毒性，要搞清楚！

ht333147 發表於 2014-5-19 21:06
崩大碗、金錢草、白花蛇舌, 在我天台都是雜草, 要種搵日攞吧

嘩.... 好呀好呀!

你得閑先掹比我啦唔該

malouis 發表於 2014-5-19 21:54
我有種金銀花, 何首烏, 桔梗, 杞子, 藤三七(野藤), 海南三七, 水線草(野草).
其實無話草唔草藥, 好多植物都 ...

想種桔梗同杞子呀, 難唔難種ga?

桔梗唔難, 最重要疏水, 否則容易浸爛根; 怕大風, 容易被風吹斷.
杞子唔難, 會開1cm紫色小花, 不過係藤本, 需要棚架供其攀爬, 現時花墟"三木"有小苗賣.

skchan 發表於 2014-5-19 13:26
我買左板藍根, 唔知得唔得, 仲有牛膀,
已種的有艾草,紫蘇,姣股藍等

牛蒡绞股蓝, 謝謝金剛兄

金剛 發表於 2014-5-19 22:29
其實成個山都係藥，好多喺树無咩人會种啦！草本周圍都係，d老人家都識講啦，識就係宝唔識就係草，不過！ ...

係啦！中醫好講咩體質先對症下藥，這種藥草啱你，唔代表也啱別人，可能令病情變得更差

話時話杞子有冇花友真係種到果﹖

同埋白花蛇舌正品越來越少了，我見萬丫島啲阿婆都係種水線草，煲完就當白花蛇舌賣...

各位大師救命呀！請問圖中 0既係 0吾係“白花蛇舌草”呀？

神農侍 發表於 2014-5-20 20:24
各位大師救命呀！請問圖中 0既係 0吾係“白花蛇舌草”呀？

神兄仲咩叫救命呀？好多花友都有種白花蛇舌草咖，不過！佢唔係能医百病喎！
我見到魚腥草和刺芫茜唔知喺咪呢~

神農侍 發表於 2014-5-20 20:24
各位大師救命呀！請問圖中 0既係 0吾係“白花蛇舌草”呀？

請問呢棵係乜呀？咁粗葉? 其實怕羞草都係有藥性又有毒性，唔熟真係唔好亂試!  多口路過答咀，唔好意思!

金剛 發表於 2014-5-20 20:42
神兄仲咩叫救命呀？好多花友都有種白花蛇舌草咖，不過！佢唔係能医百病喎！
我見到魚腥草和刺芫茜唔知喺 ...

就係知道好多花友都有種正宗 0既“白花蛇舌草”(Hedyotis diffusa)﹐所以先請教！
你見到 0既係“魚腥草”同“刺芫茜”！師兄好眼力呀！我今次暫時 0吾當你傻瓜先！

ppchu 發表於 2014-5-20 21:29
請問呢棵係乜呀？咁粗葉? 其實怕羞草都係有藥性又有毒性，唔熟真係唔好亂試!  多口路過答咀，唔好意思! ...

0個棵係咩﹐賣個關子先！   0吾駛 0吾好意思！我諗樓主應該都歡迎大家參與討論 0既！

白花蛇舌草同水線草鑑別不難，有中草藥及植物學知識的人大有人在，此版的花友相信大部份都是普通人，即使對方答錯，亦不見得有何可笑之處，亦沒有人要在這作大師

我見過真正大師，不會冷調熱諷，遇有喜歡植物的，只要有禮貌，都會出言指點討論

你在此版立足已久，相信無人會特意挑戰你的權威，不用過慮，我是初來埗到，不知規矩，只望在和諧氣氛下與花友傾偈