本帖最後由 神農侍 於 2014-4-22 19:48 編輯
有 0的傻瓜話好難分辨呢三種菊科植物﹐其實只要大家細心觀察﹐就會好易搵到佢地之間 0既分別!
幼苗時期﹐“Conyza bonariensis 美洲假蓬” 0既葉片最密集而貼地﹐形態好似蓮花 0甘、“Conyza sumatrensis 蘇門白酒草”其次﹐“Conyza canadensis 加拿大蓬”最 0吾明顯 !
除 0左葉片分佈﹐我 0地仲可以睇佢 0地 0既毛 0黎分辨到底屬於邊種﹐“Conyza bonariensis 美洲假蓬”–––莖上滿佈長、短夾雜 0既軟毛﹐葉同頭狀花序滿佈短 0既軟毛。“Conyza sumatrensis 蘇門白酒草”–––莖、葉、頭狀花序都係滿佈短 0既軟毛。“Conyza canadensis 加拿大蓬”–––莖同頭狀花序分佈 0左較疏而彎曲 0既脫落性短硬毛﹐葉邊分佈 0左稀疏 0既脫落性長硬毛同疏而彎曲 0既脫落性短硬毛。
花序之間都有好大 0既分別﹐“Conyza bonariensis 美洲假蓬” 0既頭狀花序最大兼呈短筒形﹐“Conyza canadensis 加拿大蓬”最細兼有舌狀花瓣外露“。仲有其他方面只要你留心 0的睇﹐都會發現到差異﹐不過﹐認識上面 0既分別﹐基本上已經分辨到。因此﹐我都懶得再講落去﹐自己睇啦!去片........ |