粉紅喜蔭如何可以安然渡冬?

粉紅喜蔭是美麗的喜蔭品種, 很多花友都喜歡。總括來說, 受水受肥(介乎av与花貓之間)受光, 怕凍怕光怕吹風。只要掌握箇中技巧, 是很容易種植的。
放在箱、缸內種植密封澆水後, 可以一個月不用理會, 夠時間去歐遊。

寒冷的冬季,  往往是她步向死亡的季節。粉紅喜蔭的生長理想溫度為20-30度, 相信各位都知道。很多粉紅寶寶都被剛過去漫長而嚴寒的冬季摧殘, 與其過後補救, 不如先作防範~

以下有些方法可供大家參考, 對日後過冬會有幫助~

焗爐法: 用光管, 這個是最易辦的了。把喜蔭放在燈架最上層 (是整個花架最溫暖的地方), 和地面的溫度會相距3-4度, 上下光管夾住好似焗爐咁。


光管溫度有40度


花箱中央現時溫度為24度(室溫22度), 當太寒冷天氣時可以縮窄光管與植株距離以増加溫度。曾經試過光管與葉面距離2吋都無問題。


下隔花架為22度~


再下一隔為21度



如果沒有set花架問題也不大, 可以隨便找一個間隔, 用強力雙面膠紙貼上一條或兩條光管, 貼近花花, 亦可有保暖作用~
光照12-14小時, 已經可以關燈, 溫度會維持一段時間, 此時切勿打開保鮮紙或蓋, 否則溫度會流失。


若不怕麻煩, 而且唔想好似某版大俾阿媽鬧點長明燈 , 有第二個方法:清蒸法
用具: 暖管一支、膠箱一個, 承托物~ 把暖管set至適合溫度,  若膠箱蓋不夠透明, 可考慮保鮮紙, 仲可以避開暖管電線, 否則要同個膠箱開窿留電線出口, 但注意要完全密封, 否則冷空氣會進入。



圖中暖管set至30度, 室溫22度, 最初水溫21度, 箱內水面以上23度, 注意水面要蓋過暖管。


加上保鮮紙密封, 水温升至30度, 箱內水面以亦升上26度, 再等一回, 温度會繼續上升至28-29度



冬季溫度太低可考慮用兩支暖管, 可見箱中開始有水氣, 伸手入內明顯感覺和暖, 若加上上面有光管照, 上焗下蒸, 5度都無有怕。


但要注意溫度。一旦天氣突然回暖, 又未及時降低暖管溫度, 就會加了多味餸

此清蒸法是參考食蟲植物北嶺地種類的渡冬方法, 食蟲花友不會陌生~


此外在植料上也可以下點功夫。若花友到日本京王百貨, 可以買到顆粒或液體 HB 101。此物乃用杉、松、檜、車前草等植物提煉, 能使植物具禦寒能力。加入植料, 對渡冬有顯著幫助。


或者有其他方法花友們不防提供
希望各位的粉紅佳人都能肥肥白白, 開支散葉

K大言出必行，讚!
謝謝K大分享寶貴經驗

即刻收藏~

這帖太有用啦, 多謝Kelly大大分享經驗~

真係好精彩，咁詳細嘅說明，前輩真係做福花友！

謝謝 KELLY 分享寶貴的經驗, 我要打印出來收藏

好有用呀！好感謝您

謝謝分享

可惜我的已凍死左

多謝分享..

Thanks for sharing!

清蒸法有趣，某版大可以多種幾株而不怕被阿媽罵了   

Kelly 太利害了~

清蒸粉蔭
我當年第一個冬季，2盆仙了1盆，有了這個經驗才有進步

K大好似玩科研咁！强呀！
K姐，我想問Hb101有冇expiry date?如在種av上用，你會用幾多濃度同埋你係點用法呢？

Louky 發表於 2014-4-17 23:23
K大好似玩科研咁！强呀！
K姐，我想問Hb101有冇expiry date?如在種av上用，你會用幾多濃度同埋你係點用法呢 ...

Thanks Kelly大大

多谢谢Kelly大大分享種植心得！好有用今年冬天唔驶怕了！

謝謝分享心得 .

顆粒最好用，混在泥中慢慢滲透，懶人至愛

嘩！上倉咩小dede，咪當糖食呀！頭頂出花球架

kelly 發表於 2014-4-21 19:16
嘩！上倉咩小dede，咪當糖食呀！頭頂出花球架

小dede就唔見有，師奶就有一個