沒有挖球冰球的土栽風信子(update#18)

分享一下我家的土栽風信子, 上年一月花墟買, 採用自然養殖, 沒挖沒放雪櫃也沒什麼消毒, 就這樣一直放在窗檯, 兩株都成功渡夏, 今年一株一開四, 一株卻縮小了(沒長新葉時還以為它不行了)

小弟是參考了台灣愛好者的自然養殖法, 概略如下:
1. 花後讓其自然凋謝, 不剪花剪葉
2. 渡夏期間避免日照, 減少澆水 (小弟窗檯向南, 夏天沒日照, 葉子都凋謝後沒什麼澆水, 看泥土快乾了才澆一次, 約三至四星期吧, 而且是澆盤底)

相片更新#5#16#18

好期待開花呢 你呢2棵係咩色?
我嗰棵冇冰球嘅白花風信子都出左2cm芽了

四株的是黃色, 縮小了的一株是紅色. 你的都是土栽嗎?養多久了?

我的是上年買返嚟嘅已經水培好嘅風信子
開完花一排就休眠我就收左球
到早一排摷櫃桶見到個球就落左泥種

Update 一下, 旁邊的花箭開始有少少黃色, 應該呢個星期就可以開花, 主心成長速度很慢, 現在才有1CM

請問你有冇落肥架?

原來可以繼續種！花墟個人話開完花就要掉。

請問相比第一年的花量、壯碩程度，有否分別呢？

jasminecatcat 發表於 2014-1-17 15:49
請問你有冇落肥架?

由花後凋謝, 休眠渡夏, 球根甦醒, 都冇落過肥
直至佢出現分株, 球根大到撐開原本市售個盤仔, 我先至換盤, 換盤加泥果陣加左少量草木灰同花生麩

ET0404 發表於 2014-1-17 18:20
原來可以繼續種！花墟個人話開完花就要掉。

小弟原本都以為係, 上網SEARCH 下原來台灣好多愛好者試左唔少馴化風信子o既方法, 結果證明風信子係可以適應台灣氣候, 年年開花, 所以小弟照版試一試, 又work wor

silicon 發表於 2014-1-17 18:32
請問相比第一年的花量、壯碩程度，有否分別呢？

分株o既花量明顯比第一年主株o既花量少, 主株未出花箭, 未知.

但根據台灣花友o既經驗, 第一年馴化後o既花量都會明顯減少, 大約只有第一年o既30%~50%, 但之後就可以年年開花, 花量會回升至50%~80%

綜合經驗, 最重要係過唔過到第一個夏天

ftsiii 發表於 2014-1-17 20:41
分株o既花量明顯比第一年主株o既花量少, 主株未出花箭, 未知.

但根據台灣花友o既經驗, 第一年馴化後o既 ...

除了風信子，有否用其他類近生長條件的球根作嘗試過？

ftsiii 發表於 2014-1-17 20:35
小弟原本都以為係, 上網SEARCH 下原來台灣好多愛好者試左唔少馴化風信子o既方法, 結果證明風信子係可以適 ...

有花友提過花快謝時會惹蚊滋，請問你有冇呢個問題？

冇咩特別惹蚊滋

多謝你分享寶貴經驗！

又一星期, 記錄一下, 開花la

呢個自然養球法今年我都要試下

更新一下, 紅色也開花了

花要謝了, 讓其自然枯萎, 開始肥球, 移動了位置, 讓它照更多的日光

更新一下, 紅色有第二支花箭, 可惜完全夾箭, 兩盤風信子出芽後同一個生長環境, 但有的開花開得好, 小弟覺得夾不夾箭是因為球本身上一年養得好不好的關係