家人旅行怪事 part 1

[複製鏈接]
作者: freddywongdy 发表于 2013-12-13 15:11:03
1060 0
夜晚有無試過自己一個人睇恐怖片...
又或者係一D年代久遠o既粵語殘片呢~?  
件事係咁o既......
一次, 妹妹同媽咪一齊去海南島旅行,
返黎之後佢地講返起...

媽: 嘩~! 果間咁o既所謂酒店呀! 連旅館都不如呀!
妹: 大陸野係咁上下嫁啦! 個團又唔係貴! 不過佢話係住四星級酒店嫁喎!
      原來大陸叫做四星o既酒店都咁雞! 有D搵笨囉!
我: 果D係賓館呀嘛!? 如果住酒店又點會咁平吖!
媽: 不過床舖都幾乾淨! 係D燈好似成日唔夠電咁, 閃閃下又暗!
      個厠所仲衰呀! 棧燈綠色嫁! 已經暗嫁啦! 仲要整綠色燈!  
我: 唔係呀嘛! 咁恐怖!
媽: 係呀! 其實入到都有D唔聚財咁!
我: 唔聚財...?
妹: 係呀! 好陰沉咁嫁間房!
媽: 我呀! 成日覺得個厠所有D野...
妹: 我都係呀! 我同媽咪沖涼果時都係打開門嫁要!
我: 駛唔駛咁驚呀!? 咁見唔見床頭或者櫃桶有聖經先! 哈~~
媽: 你出左去得我一個响房都有D驚呀!
我: 你見咁多o黎D野唔係唔驚嫁咩!?
媽: 咩唔驚呀!
妹: 係呀! 好驚嫁! 我覺得真係有野囉!
媽&我: 下~!! 你見到野呀!?
妹: 唔知呀! 唔知係唔係呀!?
媽: 你講開我先敢講... 有晚返到去沖涼...
      沖完涼照鏡果陣見個影响塊鏡閃一閃過呀!
妹&我: 下~~!!
妹: 你唔講我知!?
媽: 我費事你驚炸!!
我: 你又見到有野閃過呀妹!?
妹: 唔知呀....! 唔知點講......
媽: 妖~! 有就有無就無! 點會唔知!
妹: 果晚你話食完野唔舒服早D瞓, 我又瞓唔著喎!
      咪走去開電視... 睇下大陸D電視有咩睇囉!
我: 大陸有D地方都收有香港電視台嫁喎!
妹: 都唔知咩台啦! 不過個電視好多雪花又無聲喎!
我: 咁你唔叫 counter D人黎幫你整!? 一係換過部吖嘛!
妹: 果陣時十一點幾啦! 呀媽又瞓左! 費事啦!
我: 咁跟住點呀!?
妹: 撳左去個台喎! 好似做緊粵語殘片咁!
我: 古裝果D?
妹: 唔係呀! 時裝嫁! 好似香港D粵語殘片咁嫁!
媽: 咁有咩事呀? 有咩特別呀?
妹: 撳黎撳去都無野好睇喎! 咁咪睇下佢做咩囉...
      一路影住個梳分界頭o既男人講野喎! 口"up""up"咁!
      一路睇下有咩發展啦... 睇睇下個男人定左瞪住我!
我: 下~! 戲情o黎嫁!? 又無聲! 你鬼知佢做咩咩!?
妹: 佢係定左瞪左我成個字有多呀......
媽: 你望住佢呀!?
妹: 咁我奇怪吖嘛! 點解停左响處"厲"住我...
我: 哈~~ 咁真係停左呀! Hang 住左炸嘛!?
妹: 更係唔係啦! 個畫面仲有一條條果D帶紋郁緊咁嫁!
      唔似停左囉! 有咩戲會定個畫面定成個字唔郁嫁!?
       不過我望住個畫面等佢郁, 好似等左成個鐘咁耐呀!
媽: 咁好心你就熄左佢啦!
妹: 咁奇怪吖嘛! 越睇越唔對路喎! 佢又一喎咁瞪大對眼"掘"住我!
      個心開始打冷震! 跟住咪埋去熄左佢囉!
我: 嘩~! 仲行埋去呀! 一陣伸個埋個頭出黎呀!! 用搖控吖嘛!
妹: 無嫁! 舊果D電視邊有搖控嫁! 都唔知幾驚呀!
      行到埋去仲"厲"住我! 熄左衝上床即刻瞓啦!
我: 仲瞓得著咩!?
妹: 瞓得著喎! 一陣就瞓左, 一覺瞓到大天光!
媽: 怪唔知第二晚食完野返o黎又嘔, 又面情口唇白啦!
妹: 而... 唔關事掛! 諗起都仲有D驚呀!
     下次跟團問清楚住咩地方先報呀! 頂!
我: 睇你以後仲敢唔敢夜媽媽自己一個睇電視!! 哈~

後尾, 將o黎件事話比另一個妹聽到...
佢話有一晚......

<待續>
您需要登錄後才可以回帖 登錄 | 註冊

本版積分規則

高級園丁
  • 200

    主題

  • 13038

    貼文

  • 12

    FANS

聯絡園藝館|手機版|HKplants

Powered by Discuz! X3.4  © 2001-2013 Comsenz Inc.