人肉撞車黨

有車人士要小心了。人肉撞車黨來香港搵食。那來這麼多沒人性的人啊﹗
中國...去它的強國。養出什麼樣的人............？[/size]

http://hk.news.yahoo.com/%E4%BA% ... C%A2-225021341.html

人肉撞車黨 湧港屈錢

太陽報-19/8/13

【太陽報專訊】【記者李子輝報道】內地「人肉撞車黨」襲港！近期一班持雙程證的撞車黨疑在港九各區盤據搵食，其中九龍城有司機被指「撞倒」內地婦人後，對方迅速召來多名「同黨」向司機索償，卻拒絕送院治理，由於事出突然，司機賠錢就範。網上最近亦傳出深水埗及灣仔發生多宗疑為撞車黨所為的索償事件，有目擊「意外」的拖車師傅直指，司機因裝設汽車黑盒才嚇走騙徒。職業司機團體表示，撞車黨頻轉換地區犯案，增加警方執法難度，恐撞車黨在本港遍地開花搵食。
從事文職的彭先生早前疑成為「撞車黨」的目標。有逾十年駕駛經驗的彭憶述，今年六月，他駕車到九龍城打鼓嶺道與友人吃飯，在一間飯店外倒車泊位時，車尾位置傳來「啪」一聲，他落車查看，赫然見到一名婦人狀甚痛苦躺在地上。彭立即上前慰問，當時對方沒有表面傷痕。「很痛！很痛！」
七男同鄉撲出恐嚇
該婦人用不純正的廣東話回應他，並隨即用鄉下話致電友人，不消兩分鐘，七名同鄉男子即到場。其中一名男子同樣以半鹹淡廣東話，語帶恐嚇說：「你留低電話畀我哋，聽日如果有咩唔妥我哋就搵你！」
彭恐事後被屈錢故拒絕對方建議。「賠二百（蚊）啦！」當中另一名同鄉提議賠錢了事。因對方堅稱彭撞倒她，彭無奈答應賠錢，但要求對方簽紙同意不再追究，惟不獲接納，「唔簽啊，大家講個信字，簽就要五百（蚊）。」彭最終報警求助，警員調查期間，該婦人拒絕送院，雙方就賠償問題爭持不下。
事件擾攘句鐘，其中一名同鄉大動肝火，不時以鄉下話與同行朋友私語，該婦人亦拿出雙程證來哀求賠償，「我唔去得醫院，一去我就要三千蚊睇醫生。」彭指當時心軟，又不想拖拉太久，惟有賠償二百元予該婦人，駕車離開。
車上裝CAM嚇走騙徒
「我當時望得好清楚先泊車，冇可能撞倒人，諗番起覺得好奇怪，點解（婦人）一打電話就搵到咁多人嚟幫手，佢（婦人）完全冇緊張有冇受傷，只係緊張要攞錢。」彭事後回想事件覺得很不對辦，估計遇上撞車黨，「第一次遇到咁嘅事，真係唔知點處理，一片空白。」
「呢排深水埗都有三單（撞車黨事件）！」拖車師傅忠哥近期亦在網上發貼，指有騙徒常於深水埗人多車多地方作案，其中一宗他親眼目擊，「嗰日喺北河街街市排檔附近，突然有個三、四十歲操內地口音嘅女子話畀架車撞倒，有幾個人即刻出嚟做媒博賠錢，好在車主有裝車CAM（汽車黑盒），大叫報警，街坊仲幫手叫『搵食行遠啲』，先嚇走佢哋。」事實上，網上也流傳不少疑似撞車黨個案，今年三月，灣仔一名男子被指常以被車撞倒為名涉嫌敲詐司機。
吼準司機怕煩心態
的士小巴權益關注組大聯盟主席黎銘洪表示關注事件，並指「屈錢」事件時有發生，指騙徒覷準司機怕麻煩心態，特別是職業司機，「有啲（搵食車）車主訂明，租車司機遇到交通意外要claim（索償）車保，要畀一萬蚊出嚟，司機寧願畀幾百蚊當跌咗。」黎稱，即使司機報警處理，騙徒亦可以「一場誤會」作藉口，黎擔心騙徒轉換地區犯案，增加警方破案難度。黎指，除汽車黑盒外，司機只有小心駕駛，與其他司機互通消息，以防遇上撞車黨。
汽車交通運輸業總工會第二副主席陳兆華透露，早前曾與政府部門談及撞車黨問題，得知騙徒多為內地個人遊或本港癮君子。
就九龍城疑有撞車黨出沒，警方發言人稱，九龍城打鼓嶺道曾發生一宗交通事故，一名女途人聲稱被撞，但並無受傷，警員到場調查，該女子拒絕接受治療，她與該司機表示不追究及無需警方跟進事件。發言人指警方沒相關撞車黨統計數字。

通常呢啲人都係要錢, 唔肯去醫院,一報警就閃.......

香港人都有用車來撞你車來搵食！

oscar 發表於 2013-8-19 21:37
香港人都有用車來撞你車來搵食！

搵食的士司機

andyman 發表於 2013-8-20 15:17
搵食的士司機

你睇得戲多了.

的士一日車租, 日間加夜間幾千蚊, 點會拎搵食工具嚟撞你.  可能真係有, 不過真係唔知乜嘢情況.  有個朋友管理二十幾部的士, 曾問過佢, 佢話係盡無可能的.

比得大帝 發表於 2013-8-20 16:27
你睇得戲多了.

的士一日車租, 日間加夜間幾千蚊, 點會拎搵食工具嚟撞你.  可能真係有, 不過真係唔知乜嘢 ...

我男友開夜更巴士, 佢遇到好多呢啲 的士.........

嘜車都有佢揾食，

andyman 發表於 2013-8-20 17:08
我男友開夜更巴士, 佢遇到好多呢啲 的士.........

巴士都屈?  巴士有交通事故一定要報警的.

我相信你意思係唔係佢見到的士司機屈私家車司機.  未見過, 唔敢否定, 不過猜可能不是故意撞車, 而是有意外後靠惡屈對方貼償.  因為的士撞車的成本都唔細.

比得大帝 發表於 2013-8-20 19:47
巴士都屈?  巴士有交通事故一定要報警的.

我相信你意思係唔係佢見到的士司機屈私家車司機.  未見過, 唔 ...

純粹計論, 請勿見怪.

如果的士撞埋嚟, 無論輕重, 部巴士一定有不同程度的損壞, 一定要入車房修理, 入得車房, 一定要向公司匯報, 冇可能私了.  是嗎?

我是個的士佬，幾年前我個呀哥個夜更司機，當時落夢夢雨停車時滑前碰到前面架九巴工程車（九巴私加車）凹咗小小都要比22萬？

撞車黨, 大陸多的是.  通常係用無牌的電單車, 不會用私家車, 因為成本太大, 而且有車牌有手尾.  

oscar 發表於 2013-8-20 23:41
我是個的士佬，幾年前我個呀哥個夜更司機，當時落夢夢雨停車時滑前碰到前面架九巴工程車（九巴私加車）凹咗 ...

工程車打電話返工司問要22萬！

oscar 發表於 2013-8-21 23:14
工程車打電話返工司問要22萬！

Settle咗未呀?  未就死都唔好俾, 九巴是專門開大數的.  而且卄幾萬, 一定要經保險公司, 等險公司的律師去搞.

有次又係九巴, 朋友部貨車左綫轉左入停車場, 停車場滿, 部貨車45度, 拉埋手制, 停在左綫, 個尾就有部份出咗中綫, 停定後不久, 有部九巴在第二綫經過, 個左倒後鏡碰在貨車尾, 個鏡爛咗, 巴士司機話朋友部貨車條尾越綫, 要負全責, 又係打返公司問, 一開口就萬萬聲, 朋友話佢部貨車手制都拉埋, 係死車, 你撞埋嚟, 我都未叫你賠, 你要我賠?  双隻彊持不下, 唯有報警落案, 不久收到九巴信, 減到幾千, 朋友反對, 不久又有第二封, 減到幾百, 朋友又反對, 最後收到封信話唔駛俾.

比得大帝 發表於 2013-8-22 09:16
Settle咗未呀?  未就死都唔好俾, 九巴是專門開大數的.  而且卄幾萬, 一定要經保險公司, 等險公司的律師去 ...

揸的士咁大筆數點會賠，等法院判
告不小心駕駛，扣分，全部按金無哂，等保險公司攪