蜂蜜溝糖漿 驚現抗生素

蜂蜜溝糖漿 驚現抗生素

太陽報  16/7/13

【太陽報專訊】蜂蜜滋潤喉嚨，是不少人常吃的健康食品。消費者委員會在最新一期《選擇》月刊，測試市面五十五款蜂蜜，發現多達十四款攙雜了來自玉米、甘蔗及大米等的糖分，當中以價錢較貴的麥蘆卡蜜攙雜最多；另有六款蜂蜜含殘餘抗生素，長期進食可引致細菌抗藥性問題。至於近年新興標榜有助治療鼻敏感及胃痛等問題的麥蘆卡蜜，部分抗菌活性低於標籤數值，健康益處成疑。

據食物法典委員會的蜂蜜標準，蜂蜜不應加入任何配料。但消委會調查指，五十五款蜂蜜中，十四款含蜂蜜以外的糖分，估計是人為加入糖漿，又或殘餘餵飼蜜蜂的糖漿所致。由於當中七款聲稱屬100%純正蜂蜜，該會會轉交海關跟進有否違反《商品說明條例》，但攙糖蜂蜜不會損害人體健康。

港未規定抗生素殘餘上限
安全測試方面，六款蜂蜜含少量殘餘抗生素，包括鏈霉素、磺胺類藥、四環素和喹諾酮類。消委會總幹事黃鳳嫺指，本港現時沒有法例規定有關抗生素殘餘於蜂蜜內的含量上限。但以磺胺類藥為例，根據澳洲衞生部門訂立的每日容許攝取量，一個六十公斤的成年人，每日進食十一瓶半的有關蜂蜜，才會超出指標。

食物安全中心認為，一般情況下食用這些蜂蜜不會對人體構成不良影響。不過有醫生及藥劑師警告，長期進食低含量抗生素的食物，可引致細菌抗藥性問題，當人體被細菌感染，傳統抗生素療法可能失效，令治療過程延長，甚至增加死亡風險。有廠商表示已將有問題的蜂蜜下架，但有部分廠家質疑消委會的檢驗方法，會再作跟進，例如被驗出有磺胺素類殘餘抗生素的光明牌荔枝蜜，便回應表示有關產品符合《中國藥典》2010年版。

部分抗菌活性低於標籤值
另外，六款蜂蜜被驗出有微量農藥雙甲脒，但含量遠低於歐盟標準，估計不會構成健康問題。至於聲稱具抗菌活性的麥蘆卡蜜，指可增加人體免疫力，對多種疾病如抗胃壁幽門螺旋桿菌感染有幫助，但消委會指有關的聲稱可觸犯《不良廣告（醫藥）條例》，會轉交衞生署跟進，而消委會測試十五款麥蘆卡蜜後亦發現，部分樣本的抗菌活性低於標籤上的數值。

港大食物及營養學系副教授李子誠則指，蜂蜜本身是輕瀉劑，適量進食或可促進大腸蠕動，長期服用亦有機會可減輕身體的過敏反應，但現時未有大型臨床研究麥蘆卡蜜的食療作用，因此其益處有待證實。

港大醫學院內科學系教授梁偉強則指，蜂蜜及麥蘆卡蜜均沒有治療和預防疾病的作用。

呢幾隻有抗生素:


jellyfishy  唔該晒～～　真知我心～～～  發表於 3 分鐘前
不用客氣, 因為我每朝都用蜂蜜沖咖啡。

jellyfishy  有ｄ响價x棧有賣，有ｄ係各大超市有賣． 光明和玉泉，邊樹出產的?  發表於 13 分鐘前

唔知呀, 不過呢兩隻嘅抗生素含量最高。


除咗抗生素, 仲有雙甲脒, 包括法國St. Dalfour (我仲成日食佢隻果藍莓果醬tim)

如果食開Manuka蜂蜜, 就要留以呢張:

呢個表好正呀. 其實之前都有報導過用抗生素養蜂㗎, http://www.mingpaohealth.com/cfm ... 0908/news/gaa1.txt. 而家又搵嚟驗吓, 但「真X」今次居然冇事喎, 真係好喇. 我平時都貪佢平會喺藥房買.

「真襪」呀.

jellyfishy  星越多越好?  發表於 半小時前
=========================
越多星, 只係表示響今次測試嘅項目中, 表現越好。
即係消委會冇驗過嘅野, 唔等於越多星嘅越好, 例如蜂蜜嘅香味, 花粉含量...

經常飲蜜糖,一定要買今期'選擇'慢慢選擇~

係呀. 呢隻嘢真係幾好, 我多數用嚟搽麵包, 唔放入雪柜都唔會變, 好嘅蜜糖就有呢啲天然防腐功能.

不過估佢唔到幾嚿水嘅MANUKA都造假!!!!

rrr888 發表於 2013-7-16 11:48
不過估佢唔到幾嚿水嘅MANUKA都造假!!!!

我家姐係nz住,成日買比我咖........

rrr888 發表於 2013-7-16 10:57
「真襪」呀.

未飲過,以前話唔好.......佢地粉嶺個場好細咋........

corina 發表於 2013-7-16 12:02
未飲過,以前話唔好.......佢地粉嶺個場好細咋........

其實LOCAL嘢冇加古靈精怪嘢, 都可接受嘅, 起碼平先啦. 係驚蜜源有農藥啫

而家醒起, 以前買過2罌八十幾蚊嘅MANUKA, 冇放落雪柜, 擺擺吓居然變深色所以掉咗, 可能因為佢有糖, 跟住再冇買過呢隻牌子. 嬲嬲地真係想自家養蜂呀. HAHA

rrr888 發表於 2013-7-16 12:22
其實LOCAL嘢冇加古靈精怪嘢, 都可接受嘅, 起碼平先啦. 係驚蜜源有農藥啫

有次買咗樽在林村出產蜂蜜,有好香既蜜糖味,不過飲落有陣怪味,勁難飲,頂唔順,成枝倒咗~

maybabe  你咁浪費呀, 個個牌子好貴架  發表於 17 分鐘前

真襪冇事家嘛. 鬼知佢唔可以室溫攞咩, 我都好肉赤呀

cklife  掉左...怪味姐..可以用黎冬天沖澡嘛...
係倒咗.....倒咗上山喂小昆蟲~

真係陰公, 山長水遠買MANUKA返嚟, 以為貴就係好嘢.  

CKlife:

好無奈, 實在抵擋唔到啲價錢, 我而家都開始用2大超巿嘅品牌, 仲有隻Essential Waitrose, 係間外國超巿嘅自家品牌, 但係都有啲平靚正嘅嘢.