florihana產品用後感

昨晚用Florihana德國甘菊(春黃菊)純露開了5ml透明質酸原液做保濕精華。氣味真的不討好。有菊花的味和木味。但似是焦了似的。
不是花香的氣味。用來做面膜就沒問題。若做面霜或保濕液塗在面上一整天就不好受。因為氣味挺持久的。
所以我會用來混礦石泥做敷面。
還有大馬士革玫瑰純露和西洋耆草純露未試用。
希望有份團購的花友也可以分享用後感。

我.... 咩都未:>
但佢D花水係ORGANIC可以飲麻

f牌的永久花也不好聞，l牌好味d

我都覺得f牌的精油好多都係菊花 (涼茶) 味, 真的不十分討好呢.

還好我自己頗接受哩種味,,所以買第二樽了
但EO,花水放耐左係會轉味的,我覺得會變溫和左,香甜左
特別洋甘菊陣味係會變順左

當然是放雪櫃啦;-)
EO我會放在小木盒內

哎呀~ 我比較特別喜好, 德國甘菊是我喜愛的花水之一, 經常用來造CREAM , mask, 和飲用~

昨晚用大馬士革玫瑰花水開礦石泥粉做面膜。超好聞。

claudiatang  能喝嗎？  發表於 半小時前
--------
當然能喝～　100ml 水溝１小茶匙的花水，小小乾菊花的甜香～　下肝火一流～

有機的花水如：玫瑰，檸檬花鞭草，橙花，藍膠尤加利等等, 溝1ml 花水l 入100ml 清水飲用，令水味宜人，溝蜜糖會更香口，每種花水對身體都有不同程度的好，所有花水都可令人放鬆，對小孩大人也有放鬆作用，當然，效果因人而異．
花水係超濃縮花精華，大家千萬別貪多，飲的份量宜少為上．　一日飲幾次也無防，但一定要記得充分稀釋！

florihana的花水都給我飲過了，我個人無事呀～　幾好．　玫瑰花水對男女內在調理都好，味道也比較易接受．
檸檬馬鞭草很合夏秋火盛日子，一大杯水加一小茶匙馬鞭草，口感是淡淡的甜青檸草香，很消暑的．
個別花水不是不能飲，但口感無咁易接受，如Lavender 就必須溝得更稀，口感才易接受一點．永久花和Labdanum 也不會用來飲用，但他對皮膚修補很ｇｏｏｄ，mask必用．

如果淨係用來飲，1kg花水可以開出1000kg水，點會好快用晒呀？　我支玫瑰花水又飲又做mask和cream,  一年才用到一半～　

緊記飲用花水宜量少為上，一定要溝開，否則可能會有反效果～　緊記啊！！！！

claudiatang  每天喝一杯﹗haha  發表於 1 分鐘前
------------------
我估我送俾人的玫瑰花水仲多過我自用～

claudiatang  自殺.......................  發表於 46 秒前
--------
一日飲幾杯溝稀的花水都good架, 但太濃的話就真係跟錢和身體作對了~

講多樣, 玫瑰花水對更年期男女都有好處, 佢可以調節內分泌, 長飲令人心境詳和~
我每日都會俾男丁飲, 等佢無咁工作緊張, 令佢心境開朗d, 對溝通都有好處~

ck 上年介紹俾一位朋友飲玫瑰花水, 朋友給了自己個仔飲用, 仔仔一直想搵女友未果, 飲用玫瑰花水後很快就識到女朋友, 雖然我們睇可能係巧合, 但朋友就好開心話呢個係花水作用喎~

有情飲水飽。

開咗支eo，真係好似菊花涼茶味

F牌既花水係有食物有機認証既，飲係無問題，問題係點飲法，大家最好上網睇睇想飲既花水有咩療效同埋禁忌先試。
一般只係想要味道，唔想飲清水咁寡，可以用噴樽裝住放係雪櫃，要用時對住一杯水，噴幾下，咁就會有味架喇。

如果想要花水既療效，都係要溝稀，當藥咁飲一個療程，但當中每隻花水對唔同既人都有唔同既反應，我就唔講食療果部份喇。

玫瑰係我好多時都會比朋友飲既，活血化瘀調經，係中醫都常用，可以參考中醫理論使用，而且氣味好多人都接受(當然亦有唔接受既少數人)。
對女人更年期綜合症有幫助，係情緒方向，玫瑰係愛既氣味，女人如果性格太硬磞磞，飲玫瑰可以幫助柔化，當然男人都可以飲，會變得溫柔D，對女朋友耐心會好D。
食物料理方面，外國人都好中意加玫瑰，整蛋糕甜品等等，玫瑰同橙汁味道幾夾，大家可以試試，係一杯橙汁度噴兩下玫瑰花水。(懷孕女人就唔好飲或用加入玫瑰既物品)

芳香料理老師提醒過，作芳香料理，份量一定要少，越少越好，以最少既份量提升到食物既質數先叫成功。
有同學仔就試過，醃雞翼落左兩滴香茅精油，結果碟送要倒左去，因為味道太勁...

精油食得既咩?....味學過就唔好亂食喇....唔係每個牌子精油或花水都入得口，亦唔係每種植物精油或花水都入得口既。精油係藥唔好亂食。

我支德國洋甘菊放左好耐下，都唔多覺佢味道變純既?
原本買黎比老公睡前飲，都有問過佢飲左會唔會好訓D，佢話都好似有少少作用。
但佢唔中意隻味道，所以，我用晒玫瑰後就用左佢黎做保濕噴霧，但連我都唔中意隻味。

我都係中意玫瑰....

我團左永久花、岩玫瑰、薰衣草、伊蘭精油，鼠尾草純露

永久花，超級好用...
之前一直有用，加係刮痧油度用，刮完痧退印會快好多...
刮痧或拔罐前先用加左永久花既刮痧油按摩，出痧亦會易D...
(刮痧油所用精油，一般係活用、幫助血液循環類精油，上網會搵到好多配方參考)

永久花活血既作用，可以用黎制作去黑眼圈既眼霜...
因為活血所以對去斑亦有一定程度既作用。
而且佢對傷口癒合亦有幫助，所以除疤霜內亦可以加入永久花精油。尤其對新傷口有幫助。

永久花對熟齡皮膚亦好好，可以幫助防止老化。
我就會做成按摩油幫奶奶按摩，活血花瘀對老人家好嘛，撞瘀或老人家容易出現既皮下血管爆裂都有幫助散瘀功效。(但如果老人家有食薄血藥就唔好用永久花喇)

另外團左岩玫瑰...
又係對皮膚好正既精油，亦會加在除疤霜內使用...
岩玫瑰出名止血，流鼻血時滴兩滴係紙巾，塞入鼻度可以幫助止血。
切到手亦可以用，我自己亦有用係手術切除後，己拆線既傷口，加底油調和永久花、岩玫瑰、薰衣草同其他幾隻精油、每日搽幾次。可以幫助傷口復完，亦可以減輕傷口癒合時既不適，而且可防止感染。

薰衣草係百搭精油...
乜鬼野都加D薰衣草，貪佢唔貴，又溫和，但我自己有血壓低，所以好少用單方薰衣草，而且我對薰衣草氣味觀感係普普通通。
曾經係旅行時，著新鞋起左水泡，就用薰衣草直接塗上去，再貼上藥水膠布保護，繼續旅程。
一日後水泡就縮番晒，繼續用左兩日就番到屋企，後來原本水泡部位既皮膚，個水泡無左水，預計佢會脫皮，之後好番，點知佢連皮都唔洗脫，就回復原狀，好似無事發生過。
另外，老公容易皮膚敏感，勁發作時我亦用薰衣草精油同佢急救，試過抓痕症、風疹塊、曬傷都有效，佢敏感發作時，我最中意薰衣草加係藘薈啫喱度比佢用，尤其曬傷，放入雪櫃。塗係曬傷皮膚上，涼涼地會好舒服。

伊蘭係我用既第一隻護膚精油...
第一次用當然感覺特別強烈....氣味我唔係太中意架，妖妖艷艷咁...
但睇書話佢可以平衡皮膚分泌嘛，果時乜都唔識咪又試下囉....
當時未學DIY，用緊市面上既產品，皮膚係混合性，T字位油，要用吸油紙，但其他位乾到洗完面會芒緊晒。
用伊蘭加底油做按摩，每日幾分鐘，用左一星期，發現皮膚真係平均左，自始以後對精油興趣就更加濃厚...
依家呢...用黎調香用多，發覺單用隻味唔中意，但加埋其他精油伊蘭用量少左，氣味就有奇妙既轉變。
而且我現在有一位老師，勁愛伊蘭氣味，整野送比佢必加。

講古事時間.....
話說伊蘭有催性作用，咁有位DIY朋友就晚上同老公訓覺前係睡房點伊蘭，點知第二日佢投訴，同老公訓到死豬咁，覺得同催情作用背馳，訓到死豬咁...催乜鬼情呀~~~~
後來另一位同學仔解畫，原來同所用份量有關，精油既功效同所用份量關係------唔同濃度都可以得出唔同作用。
因為DIY朋友用得豪，落既份量太多，所以令到人有昏沈既感覺，咪訓到死豬咁囉...

薰衣草都係架，少量幫助放鬆，大量人就比較容易昏沈，尤其血壓低既人，就會厭厭欲睡架喇。

至於鼠尾草純露呢...多謝水母介紹....
只需要落好少量...比其他花水更少量(據說量越少作用越強)...發覺水既質感變滑左，好飲左，而且因為落既量少，其實我唔係好飲到有味道，但水既口感就順滑左。而且，鼠尾草純露幾穩定，放係雪櫃可以好安心。
再者，對於我自己，利水作用比月桂純露更強，針對我自己狀況我現階段會常飲鼠尾草純露。
鼠尾草純露有提升血壓作用，我本身血壓偏低，飲用後覺得人精神會好D，無咁易累。
鼠尾草植物常用係西餐精理中，用作醃肉可以作防腐，大家可以想像得到佢有抑制細菌作用。
佢亦係淋疤既清潔同提振劑，所以亦有排毒作用。其實月桂就係出名對淋疤有好處，所以最初我係飲月桂純露，但可能我本身有血壓低，鼠尾草純露會更加適合我。