最近發現貓濕糧有透明細少的蛆蟲

最近發現貓濕糧有透明細少的蛆蟲,我養的幼貓吃了兩次分別兩隻不同牌子的貓濕糧,在超市買的,因蟲體細少(約0.6CM)加上透明狀,所以牠吃了很多才發現到....牠吃了會對身體有影響嗎?.....我已向某牌子代理商作出投訴,雖代理商賠償了購買貓濕糧的金額,但事隔兩星期沒有來電向我告知跟進事議....之後轉買第二隻新產品,同是泰國生產,亦發現有蛆蟲.......各位養貓的朋友要多加注意貓濕糧是否有問題.....

在罐頭內有蛆蟲？

想知係咩牌子

咁大鑊，邊隻呀？

但係蠅蛆的幼蟲期8-10日咋啵 ... 裏面有冇成蟲飛出來？或者搵到蛹殼？

居然有啲咁嘅事? 我隻15歲老貓, 養佢咁多年, 極少畀濕糧佢食. 有時會買魚, 放碟, 再放飯面蒸熟, 畀佢同兩隻幼貓食, 食到舔舔脷. 咁怕有味精之餘, 又安全(唔計重金屬嘅話).

好想知係咩牌子,

孖吉 發表於 2013-6-22 23:21
但係蠅蛆的幼蟲期8-10日咋啵 ... 裏面有冇成蟲飛出來？或者搵到蛹殼？

是的~~確定了是蛆蟲,因放了兩天已長大成了奶白色蛆蟲 ,我拍了不少相片,可惜!相機壞了暫不能上載....稍候我會補番相片

rrr888 發表於 2013-6-23 00:22
居然有啲咁嘅事? 我隻15歲老貓, 養佢咁多年, 極少畀濕糧佢食. 有時會買魚, 放碟, 再放飯面蒸熟, 畀佢同兩隻 ...

我都想親手煮給牠吃.....可惜我有十年沒有煮肉食....我茹素十四年半,頭一兩年仍可煮肉食給家人吃,近幾年已無法接觸肉食,看到或會反胃~~人生充滿矛盾

金剛 發表於 2013-6-23 12:47
我都想親手煮給牠吃.....可惜我有十年沒有煮肉食....我茹素十四年半,頭一兩年仍可煮肉食給家人吃,近幾年 ...

原來如此. 唔好意思! 仲叫你煮肉㖭. 話時話, 咁真係好矛盾, 要餵貓食肉. 不過講開貓糧, 偉嘉真係麻麻, 味太濃 (即味精重), 我覺得吉X島嗰隻又平又好. 如果捨得嘅, 最好係買嗰啲有機同天然食物製造的, 營養又較均衡. 雖則話係食肉獸, 但我每天都會畀草佢哋食, 佢哋好鐘意. 最好畀小麥草.

rrr888 發表於 2013-6-23 13:01
原來如此. 唔好意思! 仲叫你煮肉㖭. 話時話, 咁真係好矛盾, 要餵貓食肉. 不過講開貓糧, 偉嘉真係麻麻, 味 ...

我明白到貓貓不可素食,所以我會依舊給貓糧俾佢食.....小麥草我有種...牠只是淺嘗....有時我會剪一些小麥草放在貓糧附近,牠有吃的~~另外,貓貓是否不多喝水的?....甚少見牠喝水

very scar

有兩件事我想知道~~
第一件係想知貓隻吃了蛆蟲對身體的影響

第一次牠吃了有問題貓濕糧後(差不多吃哂一罐),第二天我就去竉物店買杜蟲藥給牠,我問店員:"如果我唔知道d貓濕糧出問題,而無買杜蟲藥給牠吃,會有甚麼情況出現.".....該店店員說:"會俾佢身體吸收咗...."我買咗藥番到去餵藥隻貓吃,....有點難度...牠的牙齒很尖細,很抗拒我放藥入口,放了兩次都吐出來...後來....我粗暴d....終於放到入口,唔見有藥吐到出來,應該吃咗~~,但兩三日後我仍未放心,見牠胃口不是太好,就俾多一次杜蟲藥給牠吃,因上次不是100%確定牠吃了.........

第二件係想知為何罐頭內有透明蛆蟲(超级多條),依蛆蟲的成長階段,應可推算到是生產時過程出問題,還是運輸過程中出問題(被壓引致罐身入氣)

金剛 發表於 2013-6-23 13:16
我明白到貓貓不可素食,所以我會依舊給貓糧俾佢食.....小麥草我有種...牠只是淺嘗....有時我會剪一些小麥 ...

我有隻貓都少飲水,買咗個飲水機後真係飲多咗水~

唔好食偉嘉,好多貓食到腎病.........

金剛 發表於 2013-6-23 13:52
有兩件事我想知道~~一.第一次牠吃了有問題貓濕糧後(差不多吃哂一罐),第二天我就去竉物店買杜蟲藥給牠,我問 ...

有蟲?????勁恐怖!!!!!!!!!!!!!!!!

吉XX嗰隻, 即係佢哋自家品牌 : TOPVALUE (如下圖). 另外, 我嗰啲飲水方面正常, 有啲鐘意用飲水器飲.其實最鐘意飲大桶嘅水.不過有人話佢哋絕育後最好多飲水, 唔係會容易尿導閉塞, 所以多放水兜同沙兜. 同埋又有人話佢哋鐘意流動水, 但嗰啲飲水器成幾嚿水一個呢.

我帶佢哋去獸醫診所, 有時見到貓有尿導閉塞嘅多, 都幾慘, 要食特別嘅貓糧之餘, 亦唔知佢幾時....拜拜. 但係咪容易得腎病就唔知, 相信同食物以及飲水有關, 所以我唔會畀咁鹹嘅貓糧佢哋食之餘, 亦會放2個水兜誘佢哋見到就飲. 不過我隻老貓食咗偉嘉成8年先轉糧. 但我從來都唔會擺定啲糧任佢哋隨時都可以食. 一日餵約3至4次, 要喺幾分鐘內食完嘅量. 同埋我發覺佢哋有群體性行為, 人食佢又食, 人飲佢又飲, 人屙佢又屙. 所以貓唔可以一隻, 我覺得.

rrr888 發表於 2013-6-23 14:24
我帶佢哋去獸醫診所, 有時見到貓有尿導閉塞嘅多, 都幾慘, 要食特別嘅貓糧之餘, 亦唔知佢幾時....拜拜. 但係 ...

在發現到佢之前,約一兩星期前到有隻貓BB都在附近地方,由於當時見隻貓BB像剛開眼,我無信心養大,所以將佢送咗俾一位朋友(他養開貓的),可能她們是兩姊妹.....其實我也怕她一隻悶架~~但我唔想養太多....因為我本身隻開狗狗,已有兩隻,其中一隻是中大型犬,依架我隻貓只養在農場小屋裡,我都唔知會唔會有朝一日,我唔再種植~~因為我已感到累了!!

原來我之前唔UPLOAD唔到相. 補番先. 咁呀係呀. 養動物係用你唔少精力㗎. 好似我啱啱先幫3隻神獸沖完涼. ^^