Alsobia dianthiflora 小天鵝之成長記錄 及 簡易走莖處理

小孩子 發表於 2013-4-28 18:56
厲害
我一直都種唔好大、小天鵝

小天鵝只要掌握到夏天點處理,都好快大 .
大天鵝吾洗太講究都好快大 .

或者先參考帖 # 1 先

大天鵝頂得到西斜，但小天鵝就會88

sandylam 發表於 2013-4-28 20:02
我公司好多光頭鵝，得支棍同生長點果幾塊葉。
唔知邊位祖先留下，但好明顯後人不懂打理。
巧可憐！ ...

公司多加注意 光源 , 濕度 就可以
久不久施肥

西北方向都可以生存到，西南就

其實大天鵝真係好易種，就算夏天西斜都冇問題
朝早淋水，夜晚同佢噴番d水保濕，一至兩星期薄肥就可以啦！
小天鵝就唔得了，水多又死，小水又死，太焗/太熱又死，太曬又死....不過佢真係好令好令！

小小心得分享:

大天鵝同小天鵝既根其實都唔係好長，走莖個頭可以唔駛剪得太貼
左右各留番1cm 枝條，再將個圓型既萬字夾剪開成兩個U型
各插係枝條兩邊固定位置，就比較貼泥面，快高長大啦！

你D天鵝好靚啊！不過想請教一下，D走莖長大咁上下就好昜乾死，噴水都唔得
你點種到佢地放落黎咁長都咁靚既鴨鴨CHING？

非常感激鵝達達的post呀！當我正打算開post問花友怎樣繁殖小天鵝之時，就看到此post。
我以前一直以為成條剪出黎就成條插的，又曾試過將花友分享的枝條成枝插落水度等佢生根，點知就C左....今日終於明白咩叫走莖 (我以前以將成枝叫做走莖...)原來要將一堆堆的走莖剪出黎分開黎插落泥既。現在有圖解，好清楚啊！
不過，想請問鵝達達：開緊花可唔可以修剪架？因為我棵小天鵝現正開緊花，但係生滿晒個大吊盆都想修剪一下....

好令人鼓舞既post, 圖片記錄好詳盡啊

多謝 ching 如此用心出帖，花友之福！

早前有花友送了一小段小天鵝給我。現在要努爬文取經以便好好養大它。

Toni 發表於 2013-4-29 00:20
你D天鵝好靚啊！不過想請教一下，D走莖長大咁上下就好昜乾死，噴水都唔得
你點種到佢地放落黎咁長都咁靚既 ...

小天鵝的走莖會隨著成長有木質化現象,原本由翠缘色的走莖轉到深紅色.

我會早晚噴水提高濕度 , 雖然個別部份是脆的, 但未有葉子脫落及乾死情況.  

violet_bb 發表於 2013-4-29 00:52
非常感激鵝達達的post呀！當我正打算開post問花友怎樣繁殖小天鵝之時，就看到此post。
我以前一直以為成條 ...

HKPLANT里好多師姐師兄都有寫過关於小天鵝的飼養心得 . 插走莖可以用吾同的植料及方法去處理.一條插又可以, 分段亦可以 .當然選擇成功率最高及方便自己的方法吧！

一株健康的小天鵝在任何時間修剪也沒問題的.如走莖上正在開花 , 不妨等花兒開完後才剪下走莖.
小天鵝真是非常可愛! 期待你也貼小天鵝出來!  

RIO 發表於 2013-4-29 10:50
好令人鼓舞既post, 圖片記錄好詳盡啊

妹,

只要花一點點時間 , 妳也可以 .    Add oil !!!

GOODluck20x 發表於 2013-4-28 23:28
大天鵝的葉大一点, 耐熱一点 , 花有點子不同. 大致上差不多!!
之前放西斜窗台都支持到, 仲越晒越大盆.  ...

多謝c兄指點

GOODluck20x 發表於 2013-4-29 15:43
HKPLANT里好多師姐師兄都有寫過关於小天鵝的飼養心得 . 插走莖可以用吾同的植料及方法去處理.一條插又可 ...

明白了。謝謝鵝師兄指點，我稍後會試幫她剪髮。 一陣會post一d小白玉照上來，嘻。

GOODluck20x：小天鵝真是非常可愛! 期待你也貼小天鵝出來!

我 post 左小白鵝的玉照啦，請指教。(戰戰兢兢中.......)
http://hkplants.com/thread-136848-1-1.html

种好盆花故然糸首要任务 !  如果可以o係 set 盆上多一啲視覺原素就更有樂趣 !
昨夜 set o左令一盆小天鵝 , 今次用方盆 , 又有令一種味道 !!

謝謝俊哥寫這個天鹅帖
真系够詳盡，图文并茂，新手固然好啱睇，連手上有天鹅的花友都被你set盆的心思和品味引得心癢癢，有衝動馬上为天鹅换上别致的盆。

saolan 發表於 2013-4-30 20:54
謝謝俊哥寫這個天鹅帖
真系够詳盡，图文并茂，新手固然好啱睇，連手上有天鹅的花友都被你set盆的品味引 ...

靚靚,

過獎了 ! 小天o既高雅 , 再襯托別緻o既花盆可以話雙得益彰 !
只要靜靜地諗一諗 , 妳一樣可以將小天打造成不平凡而充滿生气o既裝飾品 !!

好有幫助，謝謝