麵包機+天然酵母

cklife, 好得呀！我见到都好想食。

依家用剩番既一半中種，做緊餐包仔，放到聽日睇下情況點...

一陣去買芝士，聽日整芝士方包請同學仔食。

好正,我都想買反部

愛麗絲  買啦！買啦！佢地話今日最後做特價呀！  

可惜現在先知.....

cklife  三百幾蚊部，我覺得抵買過雪糕機。

剛訂咗豆漿機,,早兩日睇到呢個貼就唔買住喇~

noel_tt  点解可以做到長條形? 好得呀

長條型係因為我用麵包機搓完發酵完，自己做型狀，入焗爐焗架...
麵包機只可以焗方包...
同埋手撕包(一舊舊痴埋一齊既包，用手撕出一舊舊黎食)

中種法餐包仔(麵包機搓麵發酵，手工做型，入焗爐)



剛做起時，包面有點脆硬，放涼後入保鮮盒，室溫存放，第二天包麵變軟，內涵依然軟，含水量夠。隔夜更好食。


依然係中種法，配方同之前一樣，麵包機全自動，在一開始是加入材料，牛油放最後，再加入芝士粒同蔥花。本來係想做到一粒粒芝士係麵包中間，但做出黎變成芝士完全溶化，同麵包變成一體，但同樣好食，而且好香，同學仔都話好好食。


好軟，比第一隻做既方包軟好多，唔知係咪因為加左芝士，還是中種法關係，口感好正，懶起上黎唔整做型包，我都會肯食既方包。

麵包機實在太方便，所以依排食多左麵包...
其實我以前好憎食麵包，因為覺得好難食...
到自己學識左整麵包，先發覺原來麵包可以好好食...

最近又開始養反酵母喇...
第一款係液種法...今次癈物利用...用提子皮做...

第七日..氣泡夠喇...


開始接種...加麵粉


一日就發到杯口喇...


不過新酵母活力未夠，唔可以完全唔加乾酵...

再黎芝士香蔥包...

上次用全自動方法，芝士全溶了混進了麵包中..
今次用半自動，在第一次發酵後，把蔥和芝士包進麵糰中
做到了我想要的效果了..

purplestar  勁呀！自製酵母，之前上網睇過覺得好神奇，好想試下整！

好易架....依家天氣好適合呀...可以去我Blog度睇下..有新野我會放上去..

yukyo  係咪好似做環保酵素咁做，然後加麵粉？

係呀...類似係咁喇..

yukyo  唔該cklife，你個中種分兩份，咁最後種同主麵團比例係咪差不多1:1? (210g÷2):90g 麵粉 (120g÷2):75g 水?

上面放出黎既份量係無分兩份，直接跟住做就係一個方包...
我分兩份，即做細一半...

每次做一半份量中種..所以主麵糰裡面所有份量係減半....(麵粉、水、糖、鹽、乾酵、牛油，全減半)

詳細可以睇我blog...我例出...
http://venus1022.blogspot.hk/

主麵團材料 :  (半份中種需要用的主麵團份量)
水 37.5g
高筋粉 45g
糖 10g
快速乾酵母 0.5g
鹽 1g
牛油 10g


我後來做半自動既方包，主麵糰部份唔記得放酵母，哈...又發生幾好喎...買機果間舖頭D酵母都OK架....活力夠。

天然酵母白方包




只用自己培養天然酵母，完全無加乾酵，實驗包包...成功喇...
本來應該養大約一個月先可以完全代替乾酵，但見佢活力好好，就膽粗粗試試，又得喎....
第一次發酵係用麵包機8號程序(搓包=發酵)，之後拎出黎用手整型，放番入機，就咁等佢發酵。第二次發酵用左1小時28分鐘。

包頭包尾再利用


麵包布甸(但我不太愛甜食)


蒜蓉包較合我胃口


塗點蒜蓉包醬，焗一下就成事

今日落去億世家，睇到呢隻麵包機賣$299，比起我買個陣時仲平咗$100添，想平平地玩吓既，可以試吓，玩得過~~~

土豆貓  下次你試下去烘焙店買入爐芝士, 焗完都會一粒粒係番度架!

謝謝你提供意見。

其實網上大家都說用卡夫芝士片就不會溶掉，但看過成份就不想用，我想焗爐芝士也差不多吧....
不會溶的芝士我有點怕，不敢用..

反正，只要第一次發酵後手動包入芝士就有我想要的效果了。

八王爺  焗完仲有一粒粒要用EMMENTAL cheese, scamorza cheese. 不要用超巿包裝那些。

THX...一陣去買

冷凍麵糰

昨晚老公夜番，無聊就玩下麵包啦...點知未整完，老公就番喇....而且好夜下...所以...
麵糰第一次發酵後，放氣，整型掉晒落麵包機內鍋，用個膠袋包住就放左入雪櫃。

今朝起身睇下，又OK喎....發得剛剛好，就拎出黎放室溫15分鐘...
內鍋放番入麵包機，按9號程序(焗麵包)...一如以往，唔中意個皮太燶，所以早20分鐘斷電，取包...

估佢唔到又幾好喎....仲係我用依部機，發得最平均既一次....雖然係白麵包，但我立刻食左一半喇....組織好軟好好食...
今次用依個配方，液種我用天然酵母袋替。


白方包

液種︰高筋麵粉 81G + 水 81G + 酵母 0.5G

主麵團 :

高筋粉 189G

奶粉 2 大匙

水81 G

糖 3 大匙

鹽 3/4 小匙

酵母3G

牛油 30G



係雪櫃攞出黎既樣，發得剛剛好。我打算用手撕黎食，所以分開好多舊。




本來諗住佢中間凍D，怕佢中間發唔起添，點知又幾平均喎...



係我用依部機以黎發得最平均既一次。



就係咁..撕下撕下...就食左半隻喇....

睇到我流晒口水, 依家仲要錦平, 真係想吳理3721星期日去搬部番屋企呀!

其實用機+唔懶,自己再用手調,整出黎真係好正架