本帖最後由 cklife 於 2013-3-8 11:15 編輯
冷凍麵糰
昨晚老公夜番,無聊就玩下麵包啦...點知未整完,老公就番喇....而且好夜下...所以...
麵糰第一次發酵後,放氣,整型掉晒落麵包機內鍋,用個膠袋包住就放左入雪櫃。
今朝起身睇下,又OK喎....發得剛剛好,就拎出黎放室溫15分鐘...
內鍋放番入麵包機,按9號程序(焗麵包)...一如以往,唔中意個皮太燶,所以早20分鐘斷電,取包...
估佢唔到又幾好喎....仲係我用依部機,發得最平均既一次....雖然係白麵包,但我立刻食左一半喇....組織好軟好好食...
今次用依個配方,液種我用天然酵母袋替。
白方包
液種︰高筋麵粉 81G + 水 81G + 酵母 0.5G
主麵團 :
高筋粉 189G
奶粉 2 大匙
水81 G
糖 3 大匙
鹽 3/4 小匙
酵母3G
牛油 30G
係雪櫃攞出黎既樣,發得剛剛好。我打算用手撕黎食,所以分開好多舊。
本來諗住佢中間凍D,怕佢中間發唔起添,點知又幾平均喎...
係我用依部機以黎發得最平均既一次。
就係咁..撕下撕下...就食左半隻喇....
|